ខេត្តកំពង់ស្ពឺ ៖ តៃកុងរថយន្តម្នាក់បានរងរបួសធ្ងន់ធ្ងរ ហើយត្រូវបានរថយន្តសាមុយដឹកយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺភ្លាមៗ ខណៈដែលរថយន្តចំនួន០៣គ្រឿងបុកបន្តកន្ទុយគ្នាទាំងកណ្តាលអធ្រាត្រនៅលើផ្លូវជាតិលេខ៤ ។ ហេតុការណ៍រថយន្ត០៣គ្រឿងបុកបន្តកន្ទុយគ្នានេះ បានកើតឡើងកាលពីវរលាម៉ោង១០និង៣០នាទីយប់ថ្ងៃទី២៨ ខែវិច្ឆិកា ឆ្នាំ២០២៥…
ខេត្តកំពង់ស្ពឺ ៖ តៃកុងរថយន្តម្នាក់បានរងរបួសធ្ងន់ធ្ងរ ហើយត្រូវបានរថយន្តសាមុយដឹកយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺភ្លាមៗ ខណៈដែលរថយន្តចំនួន០៣គ្រឿងបុកបន្តកន្ទុយគ្នាទាំងកណ្តាលអធ្រាត្រនៅលើផ្លូវជាតិលេខ៤ ។
ហេតុការណ៍រថយន្ត០៣គ្រឿងបុកបន្តកន្ទុយគ្នានេះ បានកើតឡើងកាលពីវរលាម៉ោង១០និង៣០នាទីយប់ថ្ងៃទី២៨ ខែវិច្ឆិកា ឆ្នាំ២០២៥ នៅតាមបណ្តោយផ្លូវជាតិលេខ៤ ត្រង់ចន្លោះង្គោលគីឡូ
ម៉ែត្រលេខ៤២ ទៅលេខ៤៣ ចំណុចភូមិចំបក់ ឃុំវល្លិ៍សរ ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងបាននិយាយឱ្យដឹងថា នៅមុនពេលកើតហេតុ មានរថយន្ត០១គ្រឿងម៉ាកតូយ៉ូតាព្រុស ពណ៌ទឹកប្រាក់ ពាក់ផ្លាកលេខភ្នំពេញ2BP-9200 អ្នកបើកបរឈ្មោះ វ៉ន សុវ៉ាត់ត្រា ភេទប្រុស អាយុ៣១ឆ្នាំ រស់នៅក្នុងភូមិក្រសាំងជីមែ ឃុំវាល ស្រុកគងពិសី ខេត្តកំពង់ស្ពឺ បើកបរតាមបណ្តោយផ្លូវជាតិលេខ៤ពីទិសខាងលិចទៅទិសខាងកើត ។
លុះពេលធ្វើដំណើរមកដល់ចំណុចកើតហេតុខាងលើ បានបុកជាមួយរថយន្ត០១គ្រឿង ម៉ាកហ្វុយហ្សូ(FUSO) ពណ៌ស ពាក់ផ្លាកលេខភ្នំពេញ3E-1605 សណ្តោងសឺមីរ៉ឺម៉ក់ ពាក់ផ្លាកលេខកណ្តាល4A-0129 អ្នកបើកបរមិនស្គាល់អត្តសញ្ញាណ (បានរត់គេចខ្លួនក្រោយពេលកើតហេតុរួច) ដែលកំពុងបើកបរពីទិសខាងកើតទៅទិសខាងលិច ។
បន្ទាប់មក ក៏មានរថយន្ត០១គ្រឿងទៀតម៉ាកហ៊ីយ៉ាន់ដាយ ពណ៌ស ពាក់ផ្លាកលេខ ពោធិ៍សាត់3A-1689 សណ្តោងសឺមីរ៉ឺម៉ក់ ពាក់ផ្លាកលេខព្រះសីហនុ4A-3830 អ្នកបើកបរឈ្មោះ ម៉ា រ៉ូសា ភេទប្រុស អាយុ៣៤ឆ្នាំ រស់នៅក្នុងភូមិព្រៃពាល ឃុំព្រៃស្វាយ ស្រុកមោងឬស្សី ខេត្តបាត់ដំបង ដែលបើកបរពីទិសខាងកើតទៅទិសលិច ក៏បានបុករថយន្តម៉ាកតូយ៉ូតាព្រុស ដែលបានគ្រោះថ្នាក់រួចឈប់ខូចលើផ្លូវជាតិលេខ៤បន្ថែមទៀត បណ្ដាលឲ្យរងរបួសតៃកុងរថយន្តម៉ាកព្រុសធ្ងន់ធ្ងរឈ្មោះ (វ៉ន សុវ៉ាត់ត្រា) បង្កឱ្យមានការភ្ញាក់ផ្អើលដល់អ្នកធ្វើដំណើរនិងសមត្ថកុច្ចជំនាញចុះធ្វើការវាស់វែងនៅកន្លែងកើតហេតុ និងបានតេហៅរថយន្តសាមុយដឹក តៃកុងរងគ្រោះយកទៅសង្គ្រោះព្យាបាលនៅមន្ទីរពេទ្យបង្អែកខេត្តកំពង់ស្ពឺភ្លាមៗ ។
នគរបាលស្រុកសំរោងទងបានបន្ថែមថារថយន្តទាំង០៣គ្រឿង រងការខូចខាតកំរិតស្រាលចំនួន០២គ្រឿង និងរងការខូចខាតកំរិតធ្ងន់ចំនួន០១គ្រឿង (រថយន្តម៉ាកព្រុស) ។
នគរបាលស្រុកសំរោងទងបានបញ្ជាក់ថា ចំពោះវត្ថុតាងរថយន្តទាំង០៣គ្រឿង រក្សាទុកនៅប៉ុស្ដិ៍
នគរបាលរដ្ឋបាលត្រពាំងគងរង់ចាំធ្វើការដោះស្រាយ និងកសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ