រាជធានីភ្នំពេញ៖ រថយន្តម៉ាកToyota Alphard១គ្រឿង ខណៈកំពុងបើកបរឆ្លងផ្លូវ ស្រាប់តែមានរថយន្តម៉ាក Toyota Camary ១គ្រឿងទៀតបោះពួយក្នុងល្បឿនលឿនទៅដល់ជ្រុលទៅបុកចំទទឹងខ្លួនពេញទំហឹង បណ្ដាលឲ្យរថយន្តទាំង២គ្រឿងនោះរងការខូចខាត យ៉ាងដំណំដូចគ្នា…
រាជធានីភ្នំពេញ៖ រថយន្តម៉ាកToyota Alphard១គ្រឿង ខណៈកំពុងបើកបរឆ្លងផ្លូវ ស្រាប់តែមានរថយន្តម៉ាក Toyota Camary ១គ្រឿងទៀតបោះពួយក្នុងល្បឿនលឿនទៅដល់ជ្រុលទៅបុកចំទទឹងខ្លួនពេញទំហឹង បណ្ដាលឲ្យរថយន្តទាំង២គ្រឿងនោះរងការខូចខាត យ៉ាងដំណំដូចគ្នា ហើយបុរសដែលជាអ្នកបើកបររថយន្តម៉ាកToyota Camary បានបោកផ្ទប់ជាមួយដៃចង្កូតរថយន្តរងរបួសធ្ងន់ធ្ងរ ។
ឧប្បត្តិហេតុនោះបានកើតឡងកាលពីវេលាម៉ោង៦ព្រឹក ថ្ងៃទី៣០ ខែវិច្ឆិកា ឆ្នាំ២០២៥ នៅតាមផ្លូវ៥០ម៉ែត្រ ត្រង់ចំណុចមុខបុរីប៉េង ហួត ស្ថិតនៅក្នុងសង្កាត់ជើងឯក ខណ្ឌដង្កោ រាជធានីភ្នំពេញ ។
រថយន្តម៉ាកToyota Alphardខាងលើពណ៍ខ្មៅ ពាក់ស្លាកលេខកម្ពុជា 56789-KM រងការខូចខាតខ្ទេច១ចំហៀងខ្លួនខាងស្ដាំ ហើយអ្នកបើកបរមិនបានរងរបួសឡើយចំណែករថយន្តម៉ាកToyota Camaryពណ៍ស ពាក់ស្លាកលេខ ភ្នំពេញ2BD- 3699ខូចខាតខ្ទេចមុខ ។
តាមប្រភពពីកន្លែងកើតហេតុបានប្រាប់ឲ្យដឹងថា នៅវេលាម៉ោងខាងលើថយន្តទាំង២គ្រឿងបានបើកបរធ្វើដំណើរក្នុងទិសដៅបញ្ច្រាស់ទិសគ្នា ដោយរថយន្តម៉ាកToyota Alphard បើកបរក្នុងទិសដៅពីកើតទៅលិច ។ លុះពេលទៅដល់ត្រង់ចំណុចកើតហេតុខាងលើបានបត់ឆ្វេងឆ្លងផ្លូវដើម្បីចូលទៅក្នុងបុរីប៉េង ហួត ពេលនោះស្រាប់តែរថយន្តម៉ាកToyota Camary បើកបោះពួយលឿនក្នុងទិសដៅពីលិចទៅកើតទៅដល់ជាន់ហ្វ្រាំងឈប់អត់ទាន់ ក៏បានជ្រុលទៅបុកចំទទឹងខ្លួនពេញទំហឹងតែម្ដង ។
ប្រភពដដែលបានប្រាប់ឲ្យដឹងបន្តទៀតថា ខណៈនោះរថយន្តម៉ាកToyota Alphard វិល១ជុំខ្ទាតទៅលើចិញ្ចើមផ្លូវ និងរងការខូចខាតក្រពឹត១ចំហៀងខ្លួនខាងស្ដាំ រីឯរថយន្តCamaryខូចខាតខ្ទេចមុខ ហើយអ្នកបើកបរបោកផ្ទប់ដៃចង្កូតរថយន្តរបស់ខ្លួនរងរបួសធ្ងន់ធ្ងរ ។
ក្រោយពេលកើតហេតុ រថយន្តពេទ្យបានដឹកអ្នករងរបួសបញ្ជូនទៅកាន់មន្ទីរពេទ្យព្រះកុសុមៈដើម្បីសង្គ្រោះបន្ទាន់ បន្ទាប់មកនគរបាលខណ្ឌដង្កោបានចុះទៅធ្វើការវាស់វែងនិងនាំយករថយន្តទាំង២គ្រឿងទៅរក្សាទុករង់ចាំការដោះស្រាយគ្នានៅពេលក្រោយ ៕
ចែករំលែកព័តមាននេះ