រាជធានីភ្នំពេញ ៖ រថយន្តសណ្ដោងទូកុងតឺន័រមួយគ្រឿង បានបើកបរក្នុងល្បឿនលឿន គេចយានយន្តនៅពីមុខក៏បានជ្រុលចង្កូតទៅឆ្វេងដៃបុកកន្ទុយកុងតឺន័រមួយគ្រឿងទៀត បណ្ដាលឲ្យខ្ទេចមុខខ្លួនឯងហើយ អ្នកបើកបរងរបួសធ្ងន់ ។ នៅក្នុងគ្រោះថ្នាក់នោះដែរ ក៏បានបុករុញទៅប៉ះជាមួយរថយន្តកាមរីមួយគ្រឿងទៀត…
រាជធានីភ្នំពេញ ៖ រថយន្តសណ្ដោងទូកុងតឺន័រមួយគ្រឿង បានបើកបរក្នុងល្បឿនលឿន គេចយានយន្តនៅពីមុខក៏បានជ្រុលចង្កូតទៅឆ្វេងដៃបុកកន្ទុយកុងតឺន័រមួយគ្រឿងទៀត បណ្ដាលឲ្យខ្ទេចមុខខ្លួនឯងហើយ អ្នកបើកបរងរបួសធ្ងន់ ។ នៅក្នុងគ្រោះថ្នាក់នោះដែរ ក៏បានបុករុញទៅប៉ះជាមួយរថយន្តកាមរីមួយគ្រឿងទៀត រងការខូចខាតផងដែរ ។
ហេតុការណ៍ថ្នាក់នេះ បានកើតឡើងនៅវេលាម៉ោង០៦និង០៥នាទីព្រឹកថ្ងៃទី២៩ ខែវិច្ឆិកា ឆ្នាំ២០២៥ ត្រង់ចំណុចលើផ្លូវជាតិលេខ៣ ស្ថិតក្នុងភូមិព្រៃកីខ សង្កាត់ពងទឹក ខណ្ឌដង្កោ រាជធានីភ្នំពេញ ។
ជនរងគ្រោះរងរបួស ឈ្មោះ ស៊ុក ផាន់ណាក់ ភេទប្រុស អាយុ៣១ឆ្នាំ មុខរបរអ្នកបើកបររថយន្ត មានទីលំនៅភូមិអង្វែរ ឃុំក្រាំងអំពិល ស្រុកសំរោងទង ខេត្តកំពង់ស្ពឺ(រងរបួសធ្ងន់បញ្ជូនទៅមន្ទីរពេទ្យព្រះកុសុមៈ ។
តាមនគរបាលបានអោយដឹងថា គ្រោះថ្នាក់ចរាចរណ៍នេះ រវាងរថយន្តម៉ាក KIA ពណ៌ស ពាក់ផ្លាកលេខ ព្រះសីហនុ 3A-6615 អ្នកបើកបរដោយជនរងគ្រោះ និងរថយន្ត ម៉ាក HINO ពណ៌ស ពាក់ផ្លាកលេខ តាកែវ3A-0899 អ្នកបើកបរមានឈ្មោះ ឡាវ សុខណាន ភេទប្រុស អាយុ៣១ឆ្នាំ មុខរបរអ្នកបើកបររថយន្ត មានទីលំនៅភូមិអង្វែរ ឃុំក្រាំងអំពិល ស្រុកសំរោងទង ខេត្តកំពង់ស្ពឺ ។
តាមព័ត៌មានបានឲ្យដឹងថា មុនពេលកើតហេតុ រថយន្តទាំងពីរបើកបរស្របទិសគ្នាក្នុងទិសដៅពីត្បូងទៅជើង ពេលមកដល់ចំណុចកើតហេតុម៉ាក HINO ពណ៌ស ពាក់ផ្លាកលេខ តាកែវ3A-0899 ដែលបើកមុខបត់ឆ្វេងឆ្លងផ្លូវ ចូលបុរីពិភពថ្មី ហើយត្រូវរថយន្តសណ្តោងកន្ទុយដឹកកុងតឺន័រម៉ាកKIAបើកបរក្នុងល្បឿនលឿនមកពីក្រោយគេចយានយន្តនៅពីមុខទាញចង្កូតមកឆ្វេងដៃទៅបុកកន្ទុយសណ្តោងកុងតឺន័រពេញទំហឹង បណ្តាលឱ្យខ្ទេចកាប៊ីនខ្លួនឯង និងអ្នកបើកបររងរបួសធ្ងន់។
តាមសាក្សីបានអោយដឹងទៀតថា នៅក្នុងគ្រោះថ្នាក់រថយន្តសណ្តោងកន្ទុយ ដឹកកុងតឺន័រ បានបុកកន្ទុយខាងមុខ រុញទៅប៉ះនិងរថយន្តម៉ាកកាមរីមួយគ្រឿង បណ្តាលឲ្យរងការខូចខាតផងដែរ។នៅក្នុងគ្រោះថ្នាក់នោះហើយអ្នកបើកបរម្នាក់បានរងរបួសធ្ងន់។
បន្ទាប់ពីកើតមានគ្រោះថ្នាក់ នគរបាលមូលដ្ឋានចុះទៅសម្រួលចរាចរណ៍ ហើយទាក់ទងនគរបាលជំនាញចុះទៅវាស់វែងរួចបញ្ជូនរថយន្តទាំងពីរគ្រឿងទៅកាន់ការិយាល័យដើម្បីដោះស្រាយ។ដោយឡែក កាមរីមួយគ្រឿងពុំបានទារសំណងការខូចខាតនោះឡើយ ៕
ចែករំលែកព័តមាននេះ