ខេត្តតាកែវ ៖ នៅក្នុងឱកាសបុណ្យចូលឆ្នាំថ្មី ក៏ដូចជាបុណ្យភ្ជុំបិណ្ឌ ដែលជាបុណ្យប្រពៃណីជាតិ បងប្អូនកូនចៅរបស់ប្រជាពលរដ្ឋនៅតាមភូមិស្រុកដែលទៅធ្វើការរកស៊ីនៅឆ្ងាយពីផ្ទះ តែងតែត្រឡប់មកជួបជុំក្រុមគ្រួសារនៅតាមភូមិ ឃុំរបស់ខ្លួនវិញ ដោយអ្នកខ្លះមានមធ្យោបាយជិះដោយខ្លួនឯង ឯអ្នកខ្លះត្រូវជិះរថយន្តឈ្នួលមកលេងស្រុកកំណើត ។
ខេត្តតាកែវ ៖ នៅក្នុងឱកាសបុណ្យចូលឆ្នាំថ្មី ក៏ដូចជាបុណ្យភ្ជុំបិណ្ឌ ដែលជាបុណ្យប្រពៃណីជាតិ បងប្អូនកូនចៅរបស់ប្រជាពលរដ្ឋនៅតាមភូមិស្រុកដែលទៅធ្វើការរកស៊ីនៅឆ្ងាយពីផ្ទះ តែងតែត្រឡប់មកជួបជុំក្រុមគ្រួសារនៅតាមភូមិ ឃុំរបស់ខ្លួនវិញ ដោយអ្នកខ្លះមានមធ្យោបាយជិះដោយខ្លួនឯង ឯអ្នកខ្លះត្រូវជិះរថយន្តឈ្នួលមកលេងស្រុកកំណើត ។
លុះនៅពេលបញ្ចប់ពិធីបុណ្យ ពួកគេក៏ត្រឡប់ទៅកន្លែងធ្វើការងាររបស់ពួកគេវិញដែរ បុ៉ន្តែអ្វីដែលគួរឱ្យកត់សម្គាល់នោះ គឺជារៀងរាល់ឆ្នាំឱ្យតែចប់ពិធីបុណ្យម្តងៗ តម្លៃរថយន្តឈ្នួលបានឡើងថ្លៃ ចំណែកអ្នកយកភាស៊ីតាមចំណតក៏ដំឡើងថ្លៃដែរ និងមិនដែលឃើញអាជ្ញាធរ ឬសមត្ថកិច្ចពាក់ព័ន្ធណាមកទប់ស្កាត់ម្តងណាឡើយ គឺទុកឱ្យេមភាស៊ីដំឡើងថ្លៃស្រេចតែអំពើចិត្តរបស់ខ្លួន ។ ប្រភពពីអ្នករត់តាក់ស៊ីតាកែវ-ភ្នំពេញ បានប្រាប់កោះសន្តិភាពថា មិនថាតែរដូវបុណ្យចូលឆ្នាំ ឬបុណ្យភ្ជុំបិណ្ឌឡើយ តម្លៃឈ្នួលរថយន្តតែងតែឡើងថ្លៃជានិច្ច គឺក្នុងម្នាក់តម្លៃ២ម៉ឺនរៀលពីតាកែវទៅដល់ភ្នំពេញ ដែលថ្ងៃធម្មតាម្នាក់១ម៉ឺនរៀល ។
ទន្ទឹមនឹងការដំឡើងថ្លៃឈ្នួលរថយន្តនេះដែរ បើងាកមកមើលមេភាស៊ីនៅចំណតរថយន្តតាកែវវិញ គេក៏ដំឡើងថ្លៃភាស៊ីដែរ គឺសម្រាប់រថយន្តឈ្នួល១គ្រឿងគេយក១៥.០០០រៀលលើសពីសៀវភៅបន្ទុកដែលរដ្ឋកំណត់ រថយន្តតាក់ស៊ី១គ្រឿងឱ្យមេភាស៊ីយកតែ៤.០០០រៀលទេ ។ ប្រភពដដែលបន្តទៀតថា ចំណតរថយន្តតាកែវនៅខាងក្រោយស្ថានីយសាំង ពីខាងកើតត្រូវបានគេជួលឱ្យគេលក់អំពៅ និងឪឡឹក ហើយគេបានយកផ្លូវជាតិលេខ២ ធ្វើជាចំណតរថយន្តម្តង ដែលធម្មតាថ្លៃចំណតតាក់ស៊ី១គ្រឿង១០.០០០រៀល ។
គួរកត់សម្គាល់ថា ឆ្នាំ២០១៤ នេះ អាជ្ញាធរខេត្តបានបង្កើតគណៈកម្មការដេញថ្លៃភាស៊ីទូទាំងខេត្ត ដោយមានលោកយស ណាស៊ី អភិបាលរងខេត្ត ជាប្រធានគណៈកម្មការ និងមន្ទីរជុំវិញខេត្តជាអនុប្រធាន និងជាសមាជិក ។ កន្លងមកលោកប្រធានគណៈកម្មការបានព្រមានយ៉ាងចាស់ដៃដល់អ្នកវិនិយោគទុនប្រមូលភាស៊ីតាមផ្សារ កំពង់ទូក ចំណតរថយន្ត និងការប្រមូលភាស៊ីទាំងអស់ត្រូវតែអនុវត្តតាមសៀវភៅបន្ទុកជាដាច់ខាត និងបានពិន័យដល់ផ្សារចំនួន១២ ផងដែរ ដែលមិនអនុវត្ត រហូតពិន័យដកការវិនិយោគថែមទៀតផង បុ៉ន្តែរហូតមកដល់ថ្ងៃនេះការយកលុយលើសសៀវភៅបន្ទុកនៅតែមានដដែល ៕
ចែករំលែកព័តមាននេះ