កីឡាករស្វ៊ីស Stanislas Wawrinka បានបំផ្លាញចោលក្តីសុបិនរបស់ រ៉ូជើ ហ្វេដឺរ័រ ដែលចង់ដណ្តើមតំណែងជាម្ចាស់ជើងឯកវាយកូនបាល់កម្មវិធី ATP Monte Carlo Masters លើកទី១ កាលពីថ្ងៃអាទិត្យទី២០ ខែមេសាកន្លងមកនេះ រូបគេបានយកឈ្នះពិន្ទុក្នុងវគ្គផ្តាច់ព្រ័ត្រជាមួយលទ្ធផល៣សិត ។ នៅលើទីលានប្រកួតដីក្រហមនាប្រទេសម៉ូណាកូ កីឡាករលេខ៤ពិភពលោករូបនេះបានយក
កីឡាករស្វ៊ីស Stanislas Wawrinka បានបំផ្លាញចោលក្តីសុបិនរបស់ រ៉ូជើ ហ្វេដឺរ័រ ដែលចង់ដណ្តើមតំណែងជាម្ចាស់ជើងឯកវាយកូនបាល់កម្មវិធី ATP Monte Carlo Masters លើកទី១ កាលពីថ្ងៃអាទិត្យទី២០ ខែមេសាកន្លងមកនេះ រូបគេបានយកឈ្នះពិន្ទុក្នុងវគ្គផ្តាច់ព្រ័ត្រជាមួយលទ្ធផល៣សិត ។ នៅលើទីលានប្រកួតដីក្រហមនាប្រទេសម៉ូណាកូ កីឡាករលេខ៤ពិភពលោករូបនេះបានយកឈ្នះហ្វេដឺរ័រដែលជាជ័យលាភីលេខ២បីជំនាន់ជាប់ៗគ្នាក្នុងលទ្ធផល៤-៦,៧-៦និង៦-២ គ្រងតំណែងជើងឯកជាលើកទី១ដោយក្តីរីករាយ។
ជិតមួយសប្តាហ៍កន្លងមកនេះ Wawrinka ប្រកួតទាំងប្រថុយប្រថាន ដ្បិតគេបានរងរបួសក.ជើងតាំងពីចាប់ផ្តើមថ្ងៃដំបូងមកម៉្លេះ ។ ជ័យជម្នះដែលបានកើតឡើងក្រោយចំណាយពេលអស់១ម៉ោងនិង៥១នាទីនេះគឺជាការលើកទឹកចិត្តដ៏ធំមួយសម្រាប់ការចូលរួមក្នុងក្របខ័ណ្ឌធំ French Open នាខែក្រោយ ។ វាគឺជាជ័យជម្នះលើកទី២ផងដែរនៅក្នុងការជួបជាមួយ ហ្វេដឺរ័រ ១៥លើក ។ ក្រៅពីប្រាក់រង្វាន់ ៥៥ម៉ឺនដុល្លារអាមេរិក ជ័យជម្នះនេះក៏នឹងជួយឱ្យកីឡាករ Wawrinka ឡើងទៅកាន់ចំណាត់ថ្នាក់ពិភពលោកលំដាប់ទី៣ផងដែរ ។ គេបានថ្លែងថា៖«ខ្ញុំសម្រេចបានកិច្ចការមួយដ៏គួរឱ្យភ្ញាក់ផ្អើល ។ ខ្ញុំពិតជាសប្បាយចិត្តខ្លាំងណាស់ ។ វាពិតជាពិសេសខ្លាំងណាស់ដែលបានប្រកួតជាមួយហ្វេដឺរ័រ ហើយអាចយកឈ្នះរូបគេ ។ នៅក្នុងសមាគម ATP Tour ហ្វេដឺរ័រ គឺជាមិត្តល្អរបស់ខ្ញុំ» ។
ដោយឡែក សម្រាប់ហ្វេដឺរ័រ គឺជាលើកទី៤ហើយដែលរូបគេបានបរាជ័យក្នុងវគ្គផ្តាច់ព្រ័ត្រនៅទីនេះ ។ ការបរាជ័យ៣លើកផ្ទួនៗគ្នាគឺកើតឡើងចាប់ពីឆ្នាំ២០០៦ដល់ឆ្នាំ២០០៨ ក្រោមថ្វីដៃកីឡាករលេខ១លើលោក រ៉ាហ្វាអែល ណាដាល់ ។ គេបានថ្លែងថា៖«ខ្ញុំគិតថា នេះគឺជាវគ្គផ្តាច់ព្រ័ត្រមួយដែលខ្ញុំត្រូវតែឈ្នះ ប៉ុន្តែកីឡាករ Wawrinka ពិតជាស្វិតស្វាញខ្លាំងណាស់ ។ ខ្ញុំគិតថា គេស័ក្តិសមជាអ្នកលើកពាន» ៕
ចែករំលែកព័តមាននេះ