រាជធានីភ្នំពេញ ៖ ព្រឹត្តិការណ៍ប្រកួតកីឡាមហាជនតាមភូមិភាគទាំង៥ ប្រចាំឆ្នាំ២០១៤ នឹងត្រូវចាប់ផ្តើមនៅថ្ងៃទី២៣ មេសា និងបញ្ចប់នៅថ្ងៃទី៧ ឧសភាខាងមុខ នេះបើយោងតាមការឱ្យដឹងរបស់នាយកដ្ឋានអប់រំកាយ និងកីឡា ។
លោកហ៊ុន សាមុត ប្រធាននាយកដ្ឋានអប់រំកាយ និងកីឡា ឱ្យដឹងថា ការប្រកួតកីឡាតាមភូមិភាគនេះនឹងចាប់ផ្តើម
រាជធានីភ្នំពេញ ៖ ព្រឹត្តិការណ៍ប្រកួតកីឡាមហាជនតាមភូមិភាគទាំង៥ ប្រចាំឆ្នាំ២០១៤ នឹងត្រូវចាប់ផ្តើមនៅថ្ងៃទី២៣ មេសា និងបញ្ចប់នៅថ្ងៃទី៧ ឧសភាខាងមុខ នេះបើយោងតាមការឱ្យដឹងរបស់នាយកដ្ឋានអប់រំកាយ និងកីឡា ។
លោកហ៊ុន សាមុត ប្រធាននាយកដ្ឋានអប់រំកាយ និងកីឡា ឱ្យដឹងថា ការប្រកួតកីឡាតាមភូមិភាគនេះនឹងចាប់ផ្តើមធ្វើព្រមៗគ្នាក្នុងពេលតែមួយតែម្តង ហើយអត្តពលិកដែលទទួលបានជ័យលាភីនៅតាមភូមិភាគទាំង៥ នឹងត្រូវប្រកួតបន្តយកជើងឯកថ្នាក់ជាតិនៅទីរួមខេត្តកំពត ចាប់ពីថ្ងៃទី១៦ ដល់ថ្ងៃទី៣០ ឧសភា ។ ចំពោះប្រភេទកីឡាដែលដាក់ឱ្យប្រកួតនោះមានបាល់ទាត់បុរស បាល់ទះបុរស-នារី បាល់បោះបុរស-នារី និងអត្តពលកម្មបុរស-នារី ។
សម្រាប់ភូមិភាគទាំង៥ មាន ៖
ភូមិភាគរាជធានីភ្នំពេញ មានការចូលរួមពីសមាគមកីឡាតាមបណ្តាស្ថាប័ន ក្រុមហ៊ុន អង្គការនានា សមាគមកីឡាតាមបណ្តាសាលារៀន គ្រឹះស្ថានឧត្តមសិក្សា និងមធ្យមសិក្សាឯកទេស ។ល។ ភូមិភាគកោះកុងមានខេត្តកោះកុង (ម្ចាស់ផ្ទះ) ខេត្តកំពង់ស្ពឺ ខេត្តតាកែវ ខេត្តព្រះសីហនុ ខេត្តកែប និងខេត្តកំពត ។
ភូមិភាគបាត់ដំបង មានខេត្តបាត់ដំបង (ម្ចាស់ផ្ទះ) ខេត្តបន្ទាយមានជ័យ ខេត្តសៀមរាប ខេត្តពោធិ៍សាត់ ខេត្តឧត្តរមានជ័យ និងខេត្តសៀមរាប ។
ភូមិភាគកំពង់ឆ្នាំង មានខេត្តកំពង់ឆ្នាំង (ម្ចាស់ផ្ទះ) ខេត្តស្វាយរៀង ខេត្តព្រៃវែង ខេត្តកំពង់ចាម ខេត្តកណ្តាល និងខេត្តកំពង់ធំ ។
ភូមិភាគមណ្ឌលគិរី ដែលមានខេត្តមណ្ឌលគិរីជាម្ចាស់ផ្ទះនោះតាមគម្រោងមាន ៦ខេត្តដែរ ប្រសិនបើខេត្តត្បូងឃ្មុំ ដែលជាខេត្តបង្កើតថ្មីចូលរួមដែរនោះ តែបើមិនចូលរួមទេ គឺមាន៥ខេត្តដែលក្រៅពីម្ចាស់ផ្ទះមានខេត្តព្រះវិហារ ខេត្តរតនគិរី ខេត្តក្រចេះ និងខេត្តស្ទឹងត្រែង ៕
ចែករំលែកព័តមាននេះ