សហរដ្ឋអាមេរិក-ចិន ៖ តាមវេបសាយNATIONAL DEFENSE មេបញ្ជាការកងកម្លាំងអវកាសអាមេរិកឧត្ដមសេនីយJOHN RAYMIND កាលពីថ្ងៃទី៧តុលាបានចេញការប្រកាសអាសន្នមួយថា យើងប្រាកដក្នុងចិត្តដែលចិនបានផលិតអាវុធឡាសែរ ប្រឆាំងបណ្ដាផ្កាយរណបរបស់យើង ធ្វើឲ្យផ្កាយរណបទាំងនោះចាប់អ្វីមិនបាន។…
សហរដ្ឋអាមេរិក-ចិន ៖ តាមវេបសាយNATIONAL DEFENSE មេបញ្ជាការកងកម្លាំងអវកាសអាមេរិកឧត្ដមសេនីយJOHN RAYMIND កាលពីថ្ងៃទី៧តុលាបានចេញការប្រកាសអាសន្នមួយថា យើងប្រាកដក្នុងចិត្តដែលចិនបានផលិតអាវុធឡាសែរ ប្រឆាំងបណ្ដាផ្កាយរណបរបស់យើង ធ្វើឲ្យផ្កាយរណបទាំងនោះចាប់អ្វីមិនបាន។
ឧត្ដមសេនីយរូបនោះដែលដឹកនាំកងកម្លាំងថ្មីនោះបង្កើតឡើងដោយលោកដូណាល់ត្រាំក្នុងឆ្នាំ២០១៩យល់ថា សហរដ្ឋអាមេរិកត្រូវការពារឲ្យបានល្អបណ្ដាភ្នែករបស់ខ្លួនក្នុងទីអវកាស។ប្រសិនបើសង្គ្រាមមួយកើតឡើង នោះយើងត្រូវធ្វើយ៉ាងណាកុំឲ្យគេអាចរំខានបណ្ដាផ្កាយរណបចារកម្មរបស់យើងធុនKH-11។ ផ្កាយរណបKH-11ជាផ្កាយរណបប្រើប្រាស់ចាប់តាំងពីទសវត្សឆ្នាំ៧០មក ដើម្បីធ្វើចារកម្មលើសហភាពសូវៀត។ ត្រូវបានធ្វើឲ្យទំនើបកាន់តែខ្លាំងចាប់តាំងពីសង្គ្រាមត្រជាក់មក ផ្កាយរណបទាំងនេះហោះហើរជុំវិញផែនដី ក្នុងកម្ពស់រវាងពី៣០០ទៅ១០០០គីឡូម៉ែត្រ។
ផ្កាយរណបទាំងនេះនិមួយៗមានតម្លៃរវាងពី២ទៅ៣ពាន់លានដុល្លារ។ ក្នុងឆ្នាំ២០១៩អាមេរិកមានផ្កាយរណបធុននេះ១៦គ្រឿងដែលកំពុងធ្វើសកម្មភាព។
ឧត្ដមសេនីយJOHN RAYMINDវាយតម្លៃថា គេត្រូវមានអាវុធឡាសែរខ្លាំងបំផុតដែលអាចឆ្លងកាត់ពពកនិងឧស្ម័នផ្សេងៗនៃបរិយាកាស ក្នុងចម្ងាយច្រើនរយគីឡូម៉ែត្រដោយពុំបាត់បង់សមត្ថភាពប្រឆាំងឧបករណ៍ចាប់រូបភាពរបស់KH-11។ តែបណ្ដានាយទាហានរបស់កងកម្លាំងអវកាសអាមេរិកមានជំនឿជាក់ថា ពួកអ្នកវិទ្យាសាស្ត្រចិនមានសមត្ថភាពកសាងបច្ចេកវិទ្យាមួយបែបនេះ។
ឧត្ដមសេនីយJOHN RAYMINDអះអាងថា សម្រាប់ពេលនេះ យើងនៅជាអ្នកឈានមុខគេលើពិភពលោកក្នុងប្រតិបត្តិការអវកាស ហើយបើចង់រក្សាការឈានមុខនេះ គេត្រូវបង្កើតបណ្ដាបច្ចេកវិទ្យាដើម្បីការពារបណ្ដាផ្កាយរណបរបស់យើង៕ (កែសម្រួលដោយ ៖ បុប្ផា)
ចែករំលែកព័តមាននេះ