ទីភ្នាក់ងារព័ត៌មានកូរ៉េខាងត្បូង YONHAP រាយការណ៍កាលពីថ្ងៃទី១៨ មេសាថា ចំនួនអ្នកស្លាប់ដោយសារការលិចនាវាដឹកអ្នកដំណើរឈ្មោះ SEWOL ក្នុងដែនទឹកនៃកោះជីនដូ ភាគនិរតីឧបទ្វីបកូរ៉េឡើងដល់២៥នាក់មកដល់ព្រឹកថ្ងៃទី១៨ មេសា ខណៈសាកសពមនុស្សដែលអណ្តែតលើផ្ទៃទឹកសមុទ្រត្រូវបានរកឃើញប្រហែលជាមកពីការផ្លាស់ប្តូរចរន្តទឹកសមុទ្រ ។
ទីភ្នាក់ងារព័ត៌មានកូរ៉េខាងត្បូង YONHAP រាយការណ៍កាលពីថ្ងៃទី១៨ មេសាថា ចំនួនអ្នកស្លាប់ដោយសារការលិចនាវាដឹកអ្នកដំណើរឈ្មោះ SEWOL ក្នុងដែនទឹកនៃកោះជីនដូ ភាគនិរតីឧបទ្វីបកូរ៉េឡើងដល់២៥នាក់មកដល់ព្រឹកថ្ងៃទី១៨ មេសា ខណៈសាកសពមនុស្សដែលអណ្តែតលើផ្ទៃទឹកសមុទ្រត្រូវបានរកឃើញប្រហែលជាមកពីការផ្លាស់ប្តូរចរន្តទឹកសមុទ្រ ។
ប៉ូលិសសមុទ្រកូរ៉េខាងត្បូងនិយាយថា សរុបសាកសពមនុស្ស១៦នាក់ត្រូវបានរកឃើញចាប់ពីថ្ងៃទី១៧ មេសាមក ។ អ្នកមុជទឹកជាច្រើនរយនាក់បន្តប្រតិបត្តិការជួយសង្គ្រោះបុ៉នប៉ងតាមរកមនុស្សទាំងឡាយដែលអាចនៅរស់រានមានជីវិត ខណៈមនុស្ស២៧១នាក់នៅតែបាត់ខ្លួន ។ បូ៉លិសសមុទ្រអះអាងថា ចំនួនអ្នកស្លាប់នឹងកើនឡើងដោយឆាប់រហ័ស ។
នាវាឈ្មោះ SEWOL ចំណុះ៦.៣២៥តោន ពេលកំពុងធ្វើដំណើរឆ្ពោះទៅកាន់កោះ JEJU បានលិចក្នុងដែនទឹកនៃកោះជីនដូជាមួយអ្នកដំណើរ និងសមាជិកក្រុមនាវិក៤៧៥នាក់ជិះក្នុងនោះ ។ ក្នុងចំណោមអ្នកដំណើរមានសិស្សសាលា៣២៥នាក់ និងគ្រូ១៥នាក់នៃវិទ្យាល័យ DANWON នៅក្រុងអានសាន ភាគខាងត្បូងក្រុងសេអ៊ូល ។ សិស្សសាលា និងគ្រូទាំងនោះធ្វើដំណើរកម្សាន្តសិក្សារយៈពេល៤ថ្ងៃ ។
នេះជាគ្រោះមហន្តរាយសមុទ្រធ្ងន់ធ្ងរបំផុតមួយនៅកូរ៉េខាងត្បូងពុំធ្លាប់មានចាប់តាំងពីឆ្នាំ១៩៩៣ មក ដែលនាឆ្នាំនោះមាននាវាមួយគ្រឿងលិចនៅឆ្នេរសមុទ្រខាងលិចរបស់កូរ៉េខាងត្បូងបណ្តាលឱ្យមនុស្សស្លាប់២៩២នាក់ ។ នាវា SEWOL ដែលរត់រវាង INCHEON និង JEJU ២លើកក្នុងមួយសប្តាហ៍នោះផលិតនៅប្រទេសជបុ៉នកាលពីឆ្នាំ១៩៩៤ ។ វាមានបណ្តោយ១៤៦ម៉ែត្រ និងទទឹង២២ម៉ែត្រ។ វាអាចដឹកអ្នកដំណើរបានរហូតដល់ទៅ៩២១នាក់ ដឹករថយន្តបាន១៨០គ្រឿង ព្រមទាំងកុងតឺន័រក្នុងពេលជាមួយគ្នាបានដល់ទៅ១៥២ឯណោះ ៕
ចែករំលែកព័តមាននេះ