ប្រភពព័ត៌មានបរទេសផ្សាយថា ឧស្សាហកម្មផលិតស្ករនៅប្រទេសវៀតណាមក្នុងត្រីមាសទី១ ឆ្នាំ២០១៤ បានកើនឡើងខ្ពស់ស្មើនឹង៥០%លើសឆ្នាំមុន៦០០.០០០តោន ខណៈតម្លៃលក់នៅរោងចក្រនៅតែបន្តធ្លាក់ចុះទៅនឹងកម្រិតទាបបំផុតក្នុងរយៈពេល៥ឆ្នាំ ។
តាមស្ថិតិរបស់ក្រសួងកសិកម្ម និងអភិវឌ្ឍន៍ជនបទ បានបង្ហាញថា នាចុងខែមីនា កន្លងមកនេះ វិស័យឧស្សាហកម្មផលិតស្ករ ផលិត
ប្រភពព័ត៌មានបរទេសផ្សាយថា ឧស្សាហកម្មផលិតស្ករនៅប្រទេសវៀតណាមក្នុងត្រីមាសទី១ ឆ្នាំ២០១៤ បានកើនឡើងខ្ពស់ស្មើនឹង៥០%លើសឆ្នាំមុន៦០០.០០០តោន ខណៈតម្លៃលក់នៅរោងចក្រនៅតែបន្តធ្លាក់ចុះទៅនឹងកម្រិតទាបបំផុតក្នុងរយៈពេល៥ឆ្នាំ ។
តាមស្ថិតិរបស់ក្រសួងកសិកម្ម និងអភិវឌ្ឍន៍ជនបទ បានបង្ហាញថា នាចុងខែមីនា កន្លងមកនេះ វិស័យឧស្សាហកម្មផលិតស្ករ ផលិតបាន១,១៧លានតោន គឺច្រើនជាងអំឡុងពេលដូចគ្នាក្នុងឆ្នាំ២០១៣ ដល់ទៅ១២០.០០០តោន ។
លើសពីនេះក្រសួងបានព្យាករថា ទិន្នផលស្ករឆ្នាំនេះ នឹងសម្រេចបាន១,៦លានតោន ខណៈការប្រើប្រាស់ក្នុងស្រុកនឹងសម្រេចបាន១,៤លានតោន ជាលទ្ធផលការផ្គត់ផ្គង់ស្ករក្នុងឆ្នាំ២០១៤នេះ នឹងមានកម្រិតច្រើនជាងតម្រូវការរហូតដល់ទៅ២០០.០០០តោនឯណោះ ។
រីឯតម្លៃស្ករនៅតាមរោងចក្រ ត្រូវបានកាត់បន្ថយពី០,៨៦ទៅ០,៩០ដុល្លារ ក្នុងមួយគីឡូក្រាមនៅក្នុងឆ្នាំ២០១១ ទៅនឹង០,៦៧ទៅ០,៧១ដុល្លារ ក្នុងមួយគីឡូក្រាមក្នុងឆ្នាំ ២០១៣ ។ សរុបមក រយៈពេល៣ខែដំបូងនេះ តម្លៃស្ករបានបង្ហាញឱ្យឃើញពីភាពអវិជ្ជមានទៅនឹងតម្លៃ០,៥៧ទៅ០,៦២ដុល្លារ ក្នុងមួយគីឡូក្រាម ខណៈស្ករនាំចូលខុសច្បាប់បានដាក់លក់ក្នុងតម្លៃត្រឹមតែ០,៥២ដុល្លារប៉ុណ្ណោះក្នុងមួយគីឡូក្រាម ។
ដោយឡែកតម្លៃហាងឆេងស្ករលើទីផ្សារពិភពលោក ធ្លាក់ចុះពី៨០០ដុល្លារ មកត្រឹម៤៦៥,៩ដុល្លារ ក្នុងមួយតោន ។គួរបញ្ជាក់ថា សមាគមផលិតស្កររបស់វៀតណាម បានព្យាករថា ទិន្នផលស្ករសម្រាប់ការប្រមូលផលិតផលឆ្នាំ២០១៣-២០១៤ នៅក្នុងប្រទេសចិន នឹងទទួលបាន១៤,២លានតោន ខណៈតម្រូវការក្នុងស្រុករបស់ខ្លួនមានចំនួន១៦,៣លានតោន ៕
ចែករំលែកព័តមាននេះ