រាជធានីភ្នំពេញ ៖ នាយកក្រុមហ៊ុន APF Holdings លោក Mitsuji Konoshita កាលពីព្រឹកថ្ងៃទី៧ មេសា បានចុះកិច្ចព្រមព្រៀងឧបត្ថម្ភជួយដល់កីឡាករវាយកូនបាល់អាជីពរបស់ជប៉ុន លោក Toshihide Matsui នៅក្នុងទីស្នាក់ការក្រុមហ៊ុន GL Finance ដែលស្ថិតនៅផ្លូវកម្ពុជាក្រោម ។
រាជធានីភ្នំពេញ ៖ នាយកក្រុមហ៊ុន APF Holdings លោក Mitsuji Konoshita កាលពីព្រឹកថ្ងៃទី៧ មេសា បានចុះកិច្ចព្រមព្រៀងឧបត្ថម្ភជួយដល់កីឡាករវាយកូនបាល់អាជីពរបស់ជប៉ុន លោក Toshihide Matsui នៅក្នុងទីស្នាក់ការក្រុមហ៊ុន GL Finance ដែលស្ថិតនៅផ្លូវកម្ពុជាក្រោម ។
លោក Mitsuji Konoshita ប្រធានក្រុមហ៊ុន APF Holdings បានថ្លែងថា កិច្ចព្រមព្រៀងរួមគ្នារវាងក្រុមហ៊ុន APF Holdings និងកីឡាករវាយកូនបាល់ជម្រើសជាតិជប៉ុនលោក Toshihide Matsui ខាងលើនេះគឺមានរយៈពេល១ឆ្នាំដោយចាប់ផ្ដើមពីថ្ងៃទី១ មេសា ឆ្នាំ២០១៤នេះ រហូតដល់ថ្ងៃទី៣១ មីនា ឆ្នាំ២០១៥ ទើបផុតកំណត់ ហើយក្រុមហ៊ុននឹងជួយឧបត្ថម្ភកីឡាករ Toshihide គ្រប់សកម្មភាពជាលក្ខណៈអន្ដរជាតិទាំងអស់តែម្ដង ។
លោក Konoshita ឱ្យដឹងទៀតថា មូលហេតុដែលលោកចូលខ្លួនមកឧបត្ថម្ភកីឡាករ Toshihide Matsui ព្រោះលោកចូលចិត្ដកីឡាវាយកូនបាល់តាំងពីក្មេងមកម៉្លេះ ហើយលោកធ្លាប់បានទទួលជោគជ័យនៅក្នុងការប្រកួតជាលក្ខណៈទ្រង់ទ្រាយតូចៗ មិនទទួលបានជោគជ័យធំៗដូចកីឡាករ Toshihide Mat sui ទេ ។
ប៉ុន្ដែលោកចង់សម្រេចក្ដីស្រមៃរបស់លោក ទើបលោកបានផ្ដល់ការឧបត្ថម្ភដល់កីឡាករ Toshihide Matsui ដើម្បីជំរុញភាពជោគជ័យកាន់តែខ្លាំងថែមទៀតនៅលើឆាកអន្ដរជាតិសម្រាប់អាជីពកីឡាវាយកូនបាល់ ។ លោកសង្ឃឹមថា ការជួយឧបត្ថម្ភជ្រោមជ្រែងពី ក្រុមហ៊ុនរបស់លោកនឹងជួយឱ្យកីឡាករ Toshi hide Matsui បានសម្រេចនូវគោលដៅរបស់ខ្លួនក្លាយជាកីឡាករវាយកូនបាល់អាជីពម្នាក់ដែលមានចំណាត់ថ្នាក់យ៉ាងហោចណាស់លេខ៥០នៅលើពិភពលោកដែរ ។ លោកបន្ថែមទៀតថា បើការប្រកួតអូឡាំពិក កីឡាករ Toshihide Matsui ទទួលបានមេដាយមាសនោះ ក្រុមហ៊ុនលោកនឹងឧបត្ថម្ភទឹកប្រាក់ចំនួន១លានដុល្លារ បើមេដាយប្រាក់ទទួលបាន៥០ម៉ឺុនដុល្លារ ។
នាយកក្រុមហ៊ុនរូបនេះបានបន្ដទៀតថា កន្លងមកក្រុមហ៊ុន GL Finance ដែលជាសាខារបស់ក្រុមហ៊ុន APF Holdings ធ្លាប់បានចូលរួមឧបត្ថម្ភដល់កីឡាវាយកូនបាល់កម្ពុជា ៣ឆ្នាំមកហើយ ចាប់ពីឆ្នាំ២០១២មកម៉្លេះ ហើយក៏បានចូលរួមអភិវឌ្ឍន៍កីឡាវាយកូនបាល់កម្ពុជាជាច្រើនផងដែរ តាមរយៈការរៀបចំព្រឹត្ដិការណ៍ប្រកួតលក្ខណៈជាតិ និងអន្ដរជាតិជាដើម ។ តាមរយៈការចុះកិច្ចព្រមព្រៀងនេះដែរ លោក Mitsuji Konoshita សង្ឃឹមថា កីឡាករ Toshihide Matsui នឹងធ្វើឱ្យកីឡាវាយកូនបាល់ក្នុងតំបន់អាស៊ីទាំងមូលមានភាពល្បីល្បាញ ហើយគាត់នឹងជួយឱ្យប្រភេទកីឡាវាយកូនបាល់កម្ពុជាមានសក្ដានុពលលើឆាកអន្ដរជាតិ ។ ចំណែកកីឡាករ Toshihide Matsui បានថ្លែងថា លោកមានមោទនភាពយ៉ាងខ្លាំង ដែលទទួលបានការគាំទ្រពីក្រុមហ៊ុន APF Holdings នោះ ហើយលោកសូមប្ដេជ្ញាថានឹងជួយឱ្យវិស័យកីឡាវាយកូនបាល់អាស៊ីយើងមានការរីកចម្រើនកាន់តែខ្លាំងបន្ថែមទៀត ។
គួរបញ្ជាក់ថា កីឡាករ Toshihide Matsui គឺជាកីឡាករវាយកូនបាល់អាជីពមួយរូបដែលទទួលបានពានរង្វាន់ជាច្រើនដូចជា ដណ្ដើមបានមេដាយប្រាក់ និងសំរឹទ្ធ ក្នុងព្រឹត្ដិការណ៍ Asian Games ឆ្នាំ២០០៦ ,ដណ្ដើមបានជ័យលាភីក្នុងការប្រកួតពានរង្វាន់ All-Japan Tennis Cham pionships Singles កាលពីឆ្នាំ២០០៦ ,ដណ្ដើមបានជ័យលាភីក្នុងព្រឹត្ដិការណ៍ All-Japan Tennis Cham pionships Doubles កាលពីឆ្នាំ២០០៥ ,២០០៧ ,២០០៨ និងឆ្នាំ២០០៩ និងបានក្លាយជាកីឡាករជម្រើសជាតិជប៉ុនក្នុងការប្រកួត Davis-Cup កាលពីឆ្នាំ២០០៦ និងឆ្នាំ២០១០ ផងដែរ ៕
ចែករំលែកព័តមាននេះ