រាជធានីភ្នំពេញ ៖ ស្នងការរងនគរបាលរាជធានីភ្នំពេញ លោកឧត្ដមសេនីយ៍ត្រី អ៊ែល សំនាង កាលពីព្រឹកថ្ងៃទី៨ មេសា ២០១៤ បានចុះទៅបង្រៀននិងផ្សព្វផ្សាយ ច្បាប់ ចរាចរណ៍ផ្លូវគោកដល់កម្លាំងសណ្ដាប់ធ្នាប់ខណ្ឌដូនពេញនិងប្រជាការពារសង្កាត់ទាំង១១នៅសាលប្រជុំសាលាខណ្ឌដូនពេញ ដើម្បីបង្កើនការយល់ដឹងក៏ដូចជា ចូលរួមអនុវត្ដនិងគោរពច្បាប់ចរាចរណ៍។
រាជធានីភ្នំពេញ ៖ ស្នងការរងនគរបាលរាជធានីភ្នំពេញ លោកឧត្ដមសេនីយ៍ត្រី អ៊ែល សំនាង កាលពីព្រឹកថ្ងៃទី៨ មេសា ២០១៤ បានចុះទៅបង្រៀននិងផ្សព្វផ្សាយ ច្បាប់ ចរាចរណ៍ផ្លូវគោកដល់កម្លាំងសណ្ដាប់ធ្នាប់ខណ្ឌដូនពេញនិងប្រជាការពារសង្កាត់ទាំង១១នៅសាលប្រជុំសាលាខណ្ឌដូនពេញ ដើម្បីបង្កើនការយល់ដឹងក៏ដូចជា ចូលរួមអនុវត្ដនិងគោរពច្បាប់ចរាចរណ៍។ នៅក្នុងពិធីនេះដែរ មានការចូលរួមពី លោកសុខ ពេញវុធ អភិបាលរងខណ្ឌដូនពេញ អាជ្ញាធរសង្កាត់ទាំង១១ កម្លាំងសណ្ដាប់ធ្នាប់ខណ្ឌ និងប្រជាការពារសង្កាត់ទាំង១១ ប្រមាណជា២០០នាក់ ។
ក្នុងវគ្គបណ្ដុះបណ្ដាលនិងការផ្សព្វផ្សាយច្បាប់ចរាចរណ៍ផ្លូវគោកខាងលើនេះ លោកឧត្តមសេនីយ៍ត្រី អ៊ែល សំនាង បានលើកឡើងថា បច្ចុប្បន្នគ្រោះថ្នាក់ចរាចរណ៍ មានការកើនឡើងគួរឱ្យព្រួយបារម្ភ បណ្ដាលឱ្យមានអ្នកស្លាប់និងរងរបួសមួយថ្ងៃៗជាច្រើននាក់ ទាំងនោះភាគច្រើន បណ្ដាលមកពីអ្នកបើកបរយានយន្ដ និងទោចក្រយានយន្ដ មិនយល់ដឹងពីច្បាប់ចរាចរណ៍ បើកបរក្រោមជាតិស្រវឹង បើកបរគ្មានពាក់មួកសុវត្ថិភាព និងបើកបរ ហួសល្បឿនកំណត់ ។ ជាមួយគ្នានោះដែរ លោកស្នងការរងទទួលផែនចរាចរណ៍ក៏បានអំពាវនាវនិងជំរុញឱ្យកម្លាំងសណ្ដាប់ធ្នាប់និងប្រជាការពារសង្កាត់ទាំងអស់ ត្រូវយល់ដឹងកាន់តែខ្លាំងនិងចូលរួមគោរពច្បាប់ចរាចរណ៍ទាំងអស់គ្នា ដើម្បីកាត់បន្ថយការស្លាប់និងរងរបួសជារៀងរាល់ថ្ងៃ ។
ចែករំលែកព័តមាននេះ