ម្ចាស់ជើងឯកពិភពលោកនិងម្ចាស់មេដាយមាសអូឡាំពិក យូសេន បូល ដែលបានរងរបួសប្រអប់ជើងអំឡុងការប្រកួតមួយក្នុងប្រទេសអាល្លឺម៉ង់សប្តាហ៍កន្លងទៅ ទំនងមិនអាចចូលរួមក្នុងព្រឹត្តិការណ៍កីឡា Commonwealth Gamesឆ្នាំ២០១៤នេះបានទេ ខណៈអត្តពលិករូបនេះបានជូនដំណឹងពីការដកខ្លួនពីកម្មវិធីប្រកួត Diamond League នៅទីក្រុងរ៉ូមខែមិថុនាខាងមុខ។
ម្ចាស់ជើងឯកពិភពលោកនិងម្ចាស់មេដាយមាសអូឡាំពិក យូសេន បូល ដែលបានរងរបួសប្រអប់ជើងអំឡុងការប្រកួតមួយក្នុងប្រទេសអាល្លឺម៉ង់សប្តាហ៍កន្លងទៅ ទំនងមិនអាចចូលរួមក្នុងព្រឹត្តិការណ៍កីឡា Commonwealth Gamesឆ្នាំ២០១៤នេះបានទេ ខណៈអត្តពលិករូបនេះបានជូនដំណឹងពីការដកខ្លួនពីកម្មវិធីប្រកួត Diamond League នៅទីក្រុងរ៉ូមខែមិថុនាខាងមុខ។
តាមគម្រោង យូសេន បូល ត្រៀមទៅចូលរួមកម្មវិធីខាងលើនៅប្រទេសអុីតាលីនាថ្ងៃទី១៧ខែមិថុនា ហើយបន្ទាប់មកនៅថ្ងៃទី៥ ខែកក្កដា រូបគេនឹងធ្វើដំណើរទៅប្រកួតនៅទីក្រុងប៉ារីស ប្រទេសបារាំង ។ លោក Glen Mills ដែលជាគ្រូបង្វឹកបានថ្លែងថា ដំណឹងពីការចូលរួមក្នុងព្រឹត្តិការណ៍កីឡាCommonwealth Games របស់យូសេន បូលនៅឆ្នាំនេះអាចនឹងយឺតយ៉ាវបន្តិច ប៉ុន្តែថា កំពូលអ្នករត់លឿនគ្មានពីរលើលោករូបនេះគ្មានគម្រោងលុបចោលការចូលរួមឡើយ ។
សូមបញ្ជាក់ថា ព្រឹត្តិការណ៍ប្រកួតកីឡា Commonwealth Games ឆ្នាំ២០១៤ នឹងចាប់ផ្តើមបើកការប្រកួតរបស់ខ្លួននៅថ្ងៃទី២៣ ខែកក្កដា ហើយបញ្ចប់នៅថ្ងៃទី៣ ខែសីហា ។ ការប្រកួតនឹងរៀបចំនៅទីក្រុង Glasgow ប្រទេសស្កុតឡែន ។ ក្នុងរយៈពេល១១ថ្ងៃ អត្តពលិកមកពី៧០ប្រទេសនឹងប្រកួតប្រជែងគ្នាលើ១៧ប្រភេទកីឡា ៕
ចែករំលែកព័តមាននេះ