រាជធានីភ្នំពេញ ៖ សហភាពសហព័ន្ធយុវជនកម្ពុជាខណ្ឌមានជ័យប្រមាណ១០០០នាក់កាលពីវេលារសៀលថ្ងៃទី៥ មេសា បានជួបសំណេះសំណាលនិងពិសាបាយសាមគ្គីនៅក្នុងមជ្ឈមណ្ឌលម៉ូឌែន២ ស្ថិតនៅតាមបណ្តោយផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ក្រោមអធិបតីភាពលោកសាយ សំអាល់ រដ្ឋមន្រ្តីក្រសួងបរិស្ថាន និងលោកគួច ចំរើន អភិបាលខណ្ឌមានជ័យ។
រាជធានីភ្នំពេញ ៖ សហភាពសហព័ន្ធយុវជនកម្ពុជាខណ្ឌមានជ័យប្រមាណ១០០០នាក់កាលពីវេលារសៀលថ្ងៃទី៥ មេសា បានជួបសំណេះសំណាលនិងពិសាបាយសាមគ្គីនៅក្នុងមជ្ឈមណ្ឌលម៉ូឌែន២ ស្ថិតនៅតាមបណ្តោយផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ ក្រោមអធិបតីភាពលោកសាយ សំអាល់ រដ្ឋមន្រ្តីក្រសួងបរិស្ថាន និងលោកគួច ចំរើន អភិបាលខណ្ឌមានជ័យ។
លោក គួច ចំរើន តំណាងឲ្យសហភាពសហព័ន្ធយុវជនកម្ពុជាខណ្ឌមានជ័យបានមានប្រសាសន៍ថ្លែងអំណរគុណ ចំពោះគណៈអធិបតិដែលបានចំណាយពេលវេលាដ៏មានតម្លៃអញ្ជើញជាអធិបតីក្នុងពិធីដ៏មានសារសំខាន់នាពេលនេះ។ លោកអភិបាលខណ្ឌក៏បានកោតសរសើរចំពោះទឹកចិត្តយុវជនខណ្ឌមានជ័យ ដែលបានចំណាយពេលវេលាចូលរួមយ៉ាងសកម្មចុះវាស់វែងដីធ្លីជូនប្រជាពលរដ្ឋតាមគោលនយោបាយរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
លោក សាយ សំអាល់ រដ្ឋមន្រ្តីក្រសួងបរិស្ថានបានមានប្រសាសន៍សំណេះសំណាលជាមួយយុវជនយុវនារីខណ្ឌមានជ័យអំពីសភាពការណ៍នយោបាយរបស់ប្រទេសកម្ពុជា ក្រោយលទ្ធផលបោះឆ្នោតតំណាងរាស្រ្តកាលពីថ្ងៃទី២៧ កក្កដា ឆ្នាំ២០១៣ កន្លងមក គឺជាសារមួយដែលយុវជនយើងទាំងអស់គ្នាត្រូវតែគិតគូរឡើងវិញអំពីអនាគតរបស់គណបក្សប្រជាជនកម្ពុជានិងអនាគតប្រទេសជាតិយើងដែលចាំបាច់ត្រូវតែកែលម្អរមិនត្រូវមើលមែកធាងតែមួយមែកឡើយគឺត្រូវមើលដើមឈើទាំងមូល។
ចែករំលែកព័តមាននេះ