ប្រទេសកូរ៉េខាងជើង ៖ អគ្គសេនាធិការដ្ឋានកងទ័ពកូរ៉េខាងត្បូងរាយការណ៍ថា កូរ៉េខាងជើងកាលពីថ្ងៃទី២តុលាបានបាញ់មីស៊ីលនានាសំដៅទៅសមុទ្រ ដែលការបាញ់មីស៊ីលទាំងនោះធ្វើឡើងបន្ទាប់ពីក្រុងព្យុងយ៉ាងប្រកាសពីការបន្តពិភាក្សាការងារ នាថ្ងៃទី៥តុលាស្ដីពីនុយក្លេអ៊ែរ ជាមួយសហរដ្ឋអាមេរិក។ កងទ័ពកូរ៉េខាងត្បូងគូសបញ្ជាក់ថា កូរ៉េខាងជើងបានបាញ់បណ្ដាមីស៊ីល មិនទាន់ដឹងជាប្រភេទអ្វីចេញពីវ៉ុនសាន…
ប្រទេសកូរ៉េខាងជើង ៖ អគ្គសេនាធិការដ្ឋានកងទ័ពកូរ៉េខាងត្បូងរាយការណ៍ថា កូរ៉េខាងជើងកាលពីថ្ងៃទី២តុលាបានបាញ់មីស៊ីលនានាសំដៅទៅសមុទ្រ ដែលការបាញ់មីស៊ីលទាំងនោះធ្វើឡើងបន្ទាប់ពីក្រុងព្យុងយ៉ាងប្រកាសពីការបន្តពិភាក្សាការងារ នាថ្ងៃទី៥តុលាស្ដីពីនុយក្លេអ៊ែរ ជាមួយសហរដ្ឋអាមេរិក។
កងទ័ពកូរ៉េខាងត្បូងគូសបញ្ជាក់ថា កូរ៉េខាងជើងបានបាញ់បណ្ដាមីស៊ីល មិនទាន់ដឹងជាប្រភេទអ្វីចេញពីវ៉ុនសាន សំដៅទៅសមុទ្រខាងកើតហៅសមុទ្រជប៉ុន នាព្រឹកថ្ងៃទី២តុលា។ កងទ័ពកូរ៉េខាងត្បូងមិនបញ្ជាក់ពីប្រភេទមីស៊ីលដែលបាញ់ចេញ តែការបាញ់នោះប្រាកដជាមីស៊ីលបាលីស្ទិករយៈខ្លី។
ចំណែកអគ្គលេខាធិការនៃរដ្ឋាភិបាលជប៉ុនលោកយ៉ូស៊ីហ៊ីដស៊ូហ្គាគូសបញ្ជាក់ទៅកាន់សារព័ត៌មានថា នាវេលាម៉ោង៧និង១០នាទីព្រឹកម៉ោងក្នុងស្រុក មីស៊ីល២គ្រាប់ត្រូវបានបាញ់ចេញពីឆ្នេរសមុទ្រខាងកើតរបស់កូរ៉េខាងជើង។ មីស៊ីល១គ្រាប់ហាក់ដូចជាធ្លាក់ក្នុងតំបន់សេដ្ឋកិច្ចផ្ដាច់មុខរបស់ជប៉ុន។ រីឯនាយករដ្ឋមន្ត្រីជប៉ុនលោកស៊ីនហ្សូអាបេ បានថ្កោលទោសការបាញ់មីស៊ីលទាំងនោះរបស់កូរ៉េខាងជើងថា ជាការរំលោភបំពានលើបណ្ដាដំណោះស្រាយអ.ស.ប។ យើងតវ៉ានិងថ្កោលទោសយ៉ាងម៉ឺងម៉ាត់។
ការបាញ់មីស៊ីលទាំងនោះធ្វើឡើងខណៈក្រុងព្យុងយ៉ាងប្រកាសនាថ្ងៃទី១តុលា ពីការបើកធ្វើនាថ្ងៃទី៥តុលា ការពិភាក្សាការងារស្ដីពីនុយក្លេអ៊ែរជាមួយក្រុងវ៉ាស៊ិនតោន ដែលនឹងជម្រុញខាងការទូត ៨ខែក្រោយពីបរាជ័យនៃកិច្ចប្រជុំកំពូលនៅក្រុងហាណូយ។ អ្នកនាំពាក្យក្រសួងការបរទេសអាមេរិក លោកស្រីMORGAN ORTAGUS អះអាងនាពេលមុននេះពីការជួបពិភាក្សាគ្នាជាថ្មីនាពេលដ៏ឆាប់ខាងមុខ៕ (កែសម្រួលដោយ ៖ បុប្ផា)
ចែករំលែកព័តមាននេះ