ខេត្តកំពង់ធំ ៖ នៅទីស្នាក់ការគណបក្សប្រជាជនស្រុកសំបូរ កាលពីព្រឹកថ្ងៃទី៥ មេសាកន្លងទៅនេះ លោកផាន់ សុផេង សមាជិកអចិន្ត្រៃយ៍គណៈកម្មាធិការគណបក្សប្រជាជនកម្ពុជាខេត្ត អនុប្រធានក្រុមការងារចុះជួយស្រុកប្រាសាទសំបូរ និងជាស្នងការនគរបាលខេត្ត បានចុះពង្រឹងអង្គបោះឆ្នោតក្រុមប្រឹក្សាស្រុកប្រាសាទសំបូរ ។ ក្នុងពិធីនោះលោកខៀវ ប៉ាង អភិបាលស្រុក និងជាប្រធានគណៈកម្មាធិការគណបក្សប្រជាជនកម្ពុជាស្រុកប្រាសាទសំបូរ បានអានរបាយការណ៍ស្តីពីផែនការរៀបចំការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក នៅក្នុងស្រុកប្រាសាទសំបូរ ដោយមានសមាជិកក្រុមប្រឹក្សាឃុំ ស្រុកទាំងអស់សរុបចំនួន១៣០នាក់ចូលរួម ។
លោកផាន់ សុផេង បានមានប្រសាសន៍សំណេះសំណាលជាមួយសមាជិកបក្សទាំងអស់ថា ត្រូវរួបរួមសាមគ្គីគ្នាជាធ្លុងមួយ ពង្រឹងសាមគ្គីភាពផ្ទៃក្នុងឱ្យបានល្អរវាងសមាជិកគណបក្សប្រជាជនកម្ពុជា ធ្វើយ៉ាងណានៅថ្ងៃបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២ ឱ្យទទួលបានជោគជ័យ១០០% បន្ទាប់ពីអាណត្តិទី១ បានបញ្ចប់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ