ក្រុមហ៊ុនរៀបចំការប្រកួត Top Rank Promotions បានប្រកាសឱ្យដឹងកាលពីពេលថ្មីៗកន្លងទៅនេះថា កីឡាករអាមេរិក ធីម៉ូធី ប៊្រែតលី នឹងឡើងសង្វៀនប្រកួតការពារខ្សែក្រវាត់ស្ថាប័ន WBO ប្រភេទទម្ងន់ Welterweight របស់ខ្លួនជាថ្មីម្តងទៀតប្រឆាំងនឹងកីឡាករហ្វ៊ីលីពីនម៉ានី ប៉ាក់គីអាវនៅក្រុងឡាសវេហ្គាស ថ្ងៃទី១២ ខែមេសាខាងមុខ ។
ក្រុមហ៊ុនរៀបចំការប្រកួត Top Rank Promotions បានប្រកាសឱ្យដឹងកាលពីពេលថ្មីៗកន្លងទៅនេះថា កីឡាករអាមេរិក ធីម៉ូធី ប៊្រែតលី នឹងឡើងសង្វៀនប្រកួតការពារខ្សែក្រវាត់ស្ថាប័ន WBO ប្រភេទទម្ងន់ Welterweight របស់ខ្លួនជាថ្មីម្តងទៀតប្រឆាំងនឹងកីឡាករហ្វ៊ីលីពីនម៉ានី ប៉ាក់គីអាវនៅក្រុងឡាសវេហ្គាស ថ្ងៃទី១២ ខែមេសាខាងមុខ ។
ការជួបគ្នាលើកទី១ កាលពីថ្ងៃទី៩ ខែមិថុនា ឆ្នាំ២០១២ ប៊្រែតលី បានយកឈ្នះប៉ាក់គីអាវដោយពិន្ទុយ៉ាងប្រផុតប្រផើយ ហើយលទ្ធផលនោះបានធ្វើឱ្យគ្រប់ៗគ្នាជឿថា ប៉ាកគីអាវ ជាជនរងគ្រោះដោយការគៃបន្លំ ។
នៅក្នុងសេចក្តីប្រកាសមួយរបស់ខ្លួន ក្រុមហ៊ុន Top Rank Promotions បានបញ្ជាក់ថា ៖«លោកបប់ អារ៉ាំ លោក ថូត ឌូបូហ្វ និងលោកម៉ៃឃើល ខុន បានប្រកាសរួមគ្នាថា ពួកគេបានឈានដល់កិច្ចព្រមព្រៀងមួយដែលបើកផ្លូវឱ្យកីឡាករប៊្រែតលី ឡើងការពារខ្សែក្រវាត់ស្ថាប័ន WBO របស់ខ្លួនប្រឆាំងនឹងកីឡាករម៉ានី ប៉ាក់គីអាវ ។ ការប្រកួតនឹងធ្វើនៅសង្វៀន MGM Grand Arena ស្ថិតក្នុងទីក្រុងឡាសវេហ្គាស សហរដ្ឋអាមេរិកនារាត្រីថ្ងៃសៅរ៍ ទី១២ ខែមេសា» ។
ប៉ាក់គីអាវ ធ្លាប់ប្រកួតបាន៦២លើក ក្នុងនោះឈ្នះ៥៥លើក ចាញ់៥ ស្មើ២លើក ធ្លាប់ផ្តួលដៃគូឱ្យសន្លប់ចំនួន៣៨លើក ។ ប្រកួតលើកចុងក្រោយនៅក្រុងម៉ាកាវ ប្រទេសចិនកាលពីថ្ងៃទី២៤ ខែវិច្ឆិកា ឆ្នាំ២០១៣ ឈ្នះកីឡាករអាមេរិកប្រែ៊នដុន រីយ៉ូស ដោយពិន្ទុ ។ ឯប៊្រែតលី វិញ នៅក្នុងការប្រកួតសរុប៣១លើក គឺមិនដែលចាញ់ម្តងណាឡើយ ហើយថែមទាំងផ្តួលដៃគូឱ្យសន្លប់បានចំនួន១២លើកផងដែរ ។ ប្រកួតលើកចុងក្រោយកាលពីថ្ងៃទី១២ ខែតុលា ឆ្នាំ ២០១៣ ឈ្នះកីឡាករម៉ិកស៊ិកចូអាន ម៉ានូអែលម៉ាកហ្គេស ដោយពិន្ទុការពារបានខ្សែក្រវាត់ស្ថាប័ន WBO របស់ខ្លួន ៕
ចែករំលែកព័តមាននេះ