កាលពីថ្ងៃព្រហស្បតិ៍សប្តាហ៍នេះ សន្តិសុខសម្រាប់ព្រឹត្តិការណ៍ប្រណាំងរថយន្តហ្វមមូឡាវ័នត្រូវបានរឹតបន្តឹង ខណៈក្រុមប្រឆាំងនិកាយស៊ីអុីតរបស់បារ៉ែនមានគម្រោងធ្វើបាតុកម្មទាញចំណាប់អារម្មណ៍ពិភពលោកលើការទាមទារកំណែទម្រង់លើស្ថាប័នរដ្ឋមួយចំនួន ។
កាលពីថ្ងៃព្រហស្បតិ៍សប្តាហ៍នេះ សន្តិសុខសម្រាប់ព្រឹត្តិការណ៍ប្រណាំងរថយន្តហ្វមមូឡាវ័នត្រូវបានរឹតបន្តឹង ខណៈក្រុមប្រឆាំងនិកាយស៊ីអុីតរបស់បារ៉ែនមានគម្រោងធ្វើបាតុកម្មទាញចំណាប់អារម្មណ៍ពិភពលោកលើការទាមទារកំណែទម្រង់លើស្ថាប័នរដ្ឋមួយចំនួន ។
គួរកត់សម្គាល់ថា ចាប់តាំងពីឆ្នាំ២០១១ មក បាតុកម្មតែងត្រូវបានធ្វើយ៉ាងទៀងទាត់នៅចំថ្ងៃប្រណាំងរថយន្តហ្វមមូឡាវ័ន ។ ប៉ូលិសជាច្រើនត្រូវបានបញ្ជូនទៅដាក់ពង្រាយតាមដងផ្លូវសំខាន់មួយដែលភ្ជាប់តំបន់ Manama ទៅនឹងទីលានប្រណាំង Sakhir F1 ។
លោក Ali Salman មេដឹកនាំចលនាប្រឆាំងបានសុំឱ្យអ្នកគាំទ្ររបស់ខ្លួនតវ៉ាដោយសន្តិវិធី ហើយទាញយកផលចំណេញពីវត្តមានក្រុមអ្នកសារព័ត៌មានបរទេសដែលចូលរួមការប្រណាំង ធ្វើយ៉ាងណា ឱ្យពិភពលោកបានដឹងបានឮពីសំឡេងប្រឆាំងពីការទាមទាររបស់ខ្លួន ក៏ដូចជាការឈឺចាប់ក្នុងប្រទេសនេះ ។
ដោយឡែក ប្រធានសន្តិសុខសាធារណៈលោក Tariq Hasan វិញ បាននិយាយកាលពីថ្ងៃអង្គារថា អាជ្ញាធរនឹងចាត់វិធានការគ្រប់បែបយ៉ាងទាំងអស់ដើម្បីរក្សាសន្តិសុខព្រឹត្តិការណ៍ប្រណាំង ។តាមប្រភពពីអង្គការសិទ្ធិមនុស្សឱ្យដឹងថា ការផ្ទុះហិង្សារយៈពេលជាង៣ឆ្នាំមកនេះ បានសម្លាប់ជីវិតមនុស្សយ៉ាងហោចណាស់៨៩នាក់៕
ចែករំលែកព័តមាននេះ