ប្រភពព័ត៌មានពីបរទេសផ្សាយថា នៅឆ្នាំ២០១៤ នេះ ថៅកែក្រុមហ៊ុន រោងចក្រ សហគ្រាសនានាក្នុងប្រទេសថៃ នឹងដំឡើងប្រាក់
បៀវត្សរ៍បន្ថែម៦%ដល់និយោជិតរបស់ខ្លួនដើម្បីរក្សាទុកអ្នកមានទេពកោសល្យសម្រាប់បំពេញការងារបន្តទៀតដល់ក្រុមហ៊ុន ។
កាលពីចន្លោះខែមករា និងខែមីនា កន្លងមកក្រុមហ៊ុនTowers Watson របស់ប្រទេសថៃបានបើកការស្ទង់មតិជាមួយនឹងក្រុមហ៊ុន
ប្រភពព័ត៌មានពីបរទេសផ្សាយថា នៅឆ្នាំ២០១៤ នេះ ថៅកែក្រុមហ៊ុន រោងចក្រ សហគ្រាសនានាក្នុងប្រទេសថៃ នឹងដំឡើងប្រាក់
បៀវត្សរ៍បន្ថែម៦%ដល់និយោជិតរបស់ខ្លួនដើម្បីរក្សាទុកអ្នកមានទេពកោសល្យសម្រាប់បំពេញការងារបន្តទៀតដល់ក្រុមហ៊ុន ។
កាលពីចន្លោះខែមករា និងខែមីនា កន្លងមកក្រុមហ៊ុនTowers Watson របស់ប្រទេសថៃបានបើកការស្ទង់មតិជាមួយនឹងក្រុមហ៊ុនចំនួន៩០ដែលមកពីវិស័យឧស្សាហកម្មដូចជា វិស័យយានយន្ត សេវាកម្ម ហិរញ្ញវត្ថុ ធានារ៉ាប់រង ផលិតកម្មអេឡិចត្រូនិក គីមីសាស្ត្រ និងបច្ចេកវិទ្យាទាន់សម័យ ។
ជាលទ្ធផលបានរកឃើញថា កម្រិតប្រាក់បៀវត្សរ៍ប្រចាំខែក្នុងឆ្នាំ២០១៣ របស់បណ្ដានិយោជិតក្រុមហ៊ុននានានៅក្នុងប្រទេសថៃដែលទទួលបានខ្ពស់បំផុតនោះគឺក្រុមនិយោជិតដែលបានបញ្ចប់ការសិក្សាថ្នាក់មហាវិទ្យាល័យមកពីផ្នែកវិស្វករ ផ្នែកស្រាវជ្រាវ និងអភិវឌ្ឍន៍ ។ ជាទូទៅពួកគេទទួលបានប្រាក់ឈ្នួល១៨.០០០បាត ស្មើនឹង៥៥៦,៣២ដុល្លារអាមេរិកក្នុងមួយខែ ។ ម្យ៉ាងទៀត និយោជិតដែលក្រុមហ៊ុនផ្ដល់ថ្លៃឈ្នួលពលកម្មកម្រិតនេះនៅក្នុងឆ្នាំ២០១២ មាន១២,៥% និងឆ្នាំ២០១៣ មាន១២,៨% គឺមានអត្រាខ្ពស់ជាងឆ្នាំ២០១០-២០១១ទៅទៀត ។
ជាងនេះទៀត ការស្ទង់មតិក៏បានបង្ហាញថាវិស័យលក់និងវិស័យវិស្វកម្មកំពុងប្រឈមមុខនឹងបញ្ហាច្រើនបំផុតទាក់ទងនឹងការចាប់អារម្មណ៍និងការរក្សាទុកនូវនិយោជិតដែលមានទេពកោសល្យក្នុងការងារ ។ តាមពិតទៅ ការរក្សាទុកអ្នកមានបទពិសោធន៍និងទេពកោសល្យ គឺជាការប្រកួតប្រជែងផ្នែកធនធានមនុស្សលំដាប់លេខ១ក្នុងប្រទេសថៃ ។
ទោះជាយ៉ាងណាក៏ដោយ ការស្ទង់មតិក្នុងឆ្នាំ២០១៤ នេះបានបង្ហាញថា យុទ្ធសាស្ត្រគន្លឹះនៃការរក្សាទុកអ្នកមានទេពកោសល្យរបស់ក្រុមហ៊ុន នឹងត្រៀមទុកសម្រាប់ការមកដល់នៃសហគមន៍សេដ្ឋកិច្ចអាស៊ាននាឆ្នាំក្រោយនេះ ។ ជាការឆ្លើយតបទៅនឹងជំហានដំបូង គឺនឹងផ្ដល់នូវការហ្វឹកហ្វឺនលើផ្នែកភាសាក្នុងប្រទេស៦៥% ចំណែក៥៨%ផ្សេងទៀតសង្កត់ធ្ងន់លើការអភិវឌ្ឍភាពជាអ្នកដឹកនាំ៕
ចែករំលែកព័តមាននេះ