វៀតណាមជាប្រទេសមួយក្នុងចំណោម១០ប្រទេសជាសមាជិកអាស៊ាន ដែលមានធម្មជាតិស្រស់ស្អាតទាក់ទាញអ្នកទេសចរទូទាំងពិភពលោក ។ ប្រទេសនេះមានអាកាសធាតុត្រជាក់ស្ទើរពេញមួយឆ្នាំ ឡោមព័ទ្ធដោយព្រៃឈើដ៏សម្បូរបែប ។ ចំពោះប្រភពទេសចរណ៍អភិរក្សដ៏ពេញនិយមនៅវៀតណាម គឺក្រុងសាប៉ា (Sa Pa) ស្ថិតនៅភាគខាងជើងប្រទេស ក្នុងខេត្តឡាវកៃ ជាទីក្រុងកសិកម្ម
វៀតណាមជាប្រទេសមួយក្នុងចំណោម១០ប្រទេសជាសមាជិកអាស៊ាន ដែលមានធម្មជាតិស្រស់ស្អាតទាក់ទាញអ្នកទេសចរទូទាំងពិភពលោក ។ ប្រទេសនេះមានអាកាសធាតុត្រជាក់ស្ទើរពេញមួយឆ្នាំ ឡោមព័ទ្ធដោយព្រៃឈើដ៏សម្បូរបែប ។ ចំពោះប្រភពទេសចរណ៍អភិរក្សដ៏ពេញនិយមនៅវៀតណាម គឺក្រុងសាប៉ា (Sa Pa) ស្ថិតនៅភាគខាងជើងប្រទេស ក្នុងខេត្តឡាវកៃ ជាទីក្រុងកសិកម្មដាំបន្លែ និងឈើហូបផ្លែ ។
Sa Pa មានរហស្សនាមថាជា «ដែនដីនៃជួរភ្នំ» ព្រោះមានភ្នំឡោមព័ទ្ធជុំវិញ ។ ភាពលេចធ្លោរបស់ក្រុង Sa pa គឺវាលស្រែមានលក្ខណៈស្រដៀងនឹងកាំជណ្តើរ លាតសន្ធឹងនៅលើជម្រាលភ្នំគួរឱ្យចង់គយគន់ ។ លើសពីនេះជាតំបន់មានប្រភពទឹកដ៏សម្បូរបែប ដោយមានទឹកហូរពីកំពូលភ្នំ ទឹកជ្រោះ និងដងអូរ ។
របរកសិកម្មបែបអភិរក្សមាន ស្រូវ, តែ, បន្លែ និងដំណាំហូបផ្លែ ។ នៅមានចំណុចទាក់ទាញមួយទៀតគឺមនុស្សជាច្រើនអំបូរ ដែលរស់នៅតុបតែងខ្លួនជាលក្ខណៈប្រពៃណី ដោយមានសម្លៀកបំពាក់ឆើតឆាយ និងស្រស់ស្អាតប្រកបដោយស្នាមញញឹមរួសរាយ និងរាក់ទាក់ ។ប្រសិនបើអ្នកទេសចរបានទៅដល់ទីនោះប្រាកដជាគាប់ភ្នែក និងដក់ជាប់ក្នុងអារម្មណ៍ ៕
ចែករំលែកព័តមាននេះ