ខេត្តកណ្តាល ៖ យុវជនវ័យ២០ឆ្នាំម្នាក់បានក្លាយជាអ្នកទោសស្នេហា ដោយសារតែស្គាល់ក្មេងស្រីម្នាក់វ័យ១៣ឆ្នាំ តាមរយៈទូរស័ព្ទតែក្នុងរយៈពេលខ្លី ក៏ឈានដល់ការណាត់ជួបគ្នានៅផ្ទះសំណាក់ ហើយស្ម័គ្ររួមមេត្រីជាមួយគ្នាជាច្រើនលើកយ៉ាងផ្អែមល្ហែម ដោយភ្លេចគិតថាតើលទ្ធផលចុងក្រោយទៅជាបែបណា ? ការស្រេកឃ្លានតណ្ហាខុសតម្រា រំលងប្រពៃណី រមែងគ្មានលទ្ធផលល្អឡើយ ។
ខេត្តកណ្តាល ៖ យុវជនវ័យ២០ឆ្នាំម្នាក់បានក្លាយជាអ្នកទោសស្នេហា ដោយសារតែស្គាល់ក្មេងស្រីម្នាក់វ័យ១៣ឆ្នាំ តាមរយៈទូរស័ព្ទតែក្នុងរយៈពេលខ្លី ក៏ឈានដល់ការណាត់ជួបគ្នានៅផ្ទះសំណាក់ ហើយស្ម័គ្ររួមមេត្រីជាមួយគ្នាជាច្រើនលើកយ៉ាងផ្អែមល្ហែម ដោយភ្លេចគិតថាតើលទ្ធផលចុងក្រោយទៅជាបែបណា ? ការស្រេកឃ្លានតណ្ហាខុសតម្រា រំលងប្រពៃណី រមែងគ្មានលទ្ធផលល្អឡើយ ។
អ្វីដែលផ្អែមល្ហែម វាក៏អាចប្រែជាជូរចត់ណាស់ដែរ ខណៈត្រូវអាណាព្យាបាលក្មេងស្រីដឹង ក៏ប្តឹងនគរបាលឱ្យចាប់ខ្លួន កាលពីរសៀលថ្ងៃទី២ មេសា នៅផ្ទះឪពុកមារបស់ក្មេងស្រី ស្ថិតក្នុងសង្កាត់ដើមមៀន ក្រុងតាខ្មៅ ។ លោក ហុិន គឿន នាយផ្នែកនគរបាលព្រហ្មទណ្ឌក្រុងតាខ្មៅ បានឱ្យដឹងថា ជនដែលត្រូវឃាត់ខ្លួនជាប់ចោទពីបទរួមភេទជាមួយអនីតិជននេះ ឈ្មោះ សូទី សូអុី អាយុ២០ឆ្នាំ មុខរបររត់រុឺម៉កម៉ូតូ មានទីលំនៅក្នុងសង្កាត់ដើមមៀន ក្រុងតាខ្មៅ ដែរ ។ ចំណែកក្មេងស្រីអាយុ១៣ឆ្នាំ ជាសិស្ស ។
មន្ត្រីនគរបាលបានដកស្រង់ចម្លើយរបស់ជនជាប់ចោទថា ជននេះនិងក្មេងស្រីស្គាល់គ្នាតាមរយៈច្រឡំលេខទូរស័ព្ទកាលពីថ្ងៃទី៤ មីនា ហើយក្រោយមកទៀត អ្នកទាំង២នាក់ ក៏មានទំនាក់ទំនងគ្នាតាមទូរស័ព្ទ និងឈានដល់ណាត់ជួបគ្នា ឃើញគ្នាទៅវិញទៅមក ក៏ស្រឡាញ់គ្នាដូចផ្លេកបន្ទោរក្នុងនាមជាសង្សារ និងបានបបួលគ្នាដើរលេងជាញឹកញាប់ ។ លុះនៅថ្ងៃ១០ មីនា ពួកគេទាំងពីរនាក់ណាត់ជួបគ្នាដើរលេងរហូតដល់ម៉ោង១២ថ្ងៃត្រង់ ភាគីខាងប្រុសក៏លួងលោមក្មេងស្រីចូលផ្ទះសំណាក់មួយនៅក្រុងតាខ្មៅ ស្ថិតក្នុងភូមិដើមមៀន សង្កាត់ដើមមៀន ហើយបានរួមភេទជាមួយគ្នា២ដង ដោយមិនមានការបង្ខិតបង្ខំឡើយ ។ លុះក្រោយមកទៀត ជនសង្ស័យបានលួងលោមក្មេងស្រីឱ្យរួមភេទជាមួយ ជាបន្តបន្ទាប់ចំនួន៥លើកបន្ថែមទៀត ។
រហូតមកដល់ថ្ងៃទី១ មេសា ក្មេងស្រីបានវេចបង្វេចខោអាវរបស់ខ្លួន មកនៅផ្ទះជាមួយយុវជនជាសង្សារតែម្តង ។
នៅជាមួយគ្នាបានមួយយប់ នៅព្រឹកថ្ងៃទី២ មេសា ឈ្មោះ សូទី សូអុី ធ្វើជាទូរស័ព្ទទៅឪពុកមាក្មេងស្រីដោយធ្វើជាសួរបង្វែងថា មានឃើញនាងនៅទីនោះទេ ។ ប៉ុន្តែពេលនោះ ឪពុកមាក្មេងស្រី ក៏ដឹងស្រេចដែរថា នាងទៅស្នាក់នៅផ្ទះគេបានមួយយប់ទៅហើយ ក៏ប្រើល្បិចថាឱ្យជួួយរកនាងឱ្យឃើញ ហើយនាំមកឱ្យគាត់នៅផ្ទះគាត់នឹងឱ្យលុយចាយ ។ នៅថ្ងៃដដែលនោះ ដោយសារចង់បានលុយ យុវជនរូបនេះក៏នាំក្មេងស្រីជាសង្សារទៅប្រគល់ឱ្យឪពុកមានាង ហើយឪពុកមានាង ក៏ឃាត់ខ្លួននៅវេលាម៉ោង១១ព្រឹក ថ្ងៃទី២ មេសា និងប្តឹងនគរបាលតែម្តង ។
មន្ត្រីនគរបាលក្រុងតាខ្មៅ បានឱ្យដឹងថា ក្រោយពីទទួលពាក្យបណ្តឹងពីអាណាព្យាបាលក្មេងស្រី នគរបាលក៏ឃាត់ខ្លួនយុវជនរូបនោះមកសាកសួរ ។ តាមចម្លើយរបស់ជនសង្ស័យ និងក្មេងស្រី គឺពួកគេទាំងពីរនាក់ស្រឡាញ់គ្នា គ្មានការបង្ខិតបង្ខំ ឬលួងលោមទៅរំលោភសេពសន្ថវៈទេ គឺពួកគេយល់ព្រមរួមភេទជាមួយគ្នាជាច្រើនលើកដោយស្ម័គ្រស្មោះ ។ ប៉ុន្តែដោយសារក្មេងស្រីទើបមានអាយុ១៣ឆ្នាំ គឺនៅជាអនីតិជន នៅឡើយ ដូច្នេះនគរបាលត្រូវតែកសាងសំណុំរឿងដើម្បីចាត់ការតាមផ្លូវច្បាប់ ៕
ចែករំលែកព័តមាននេះ