ខេត្តព្រះវិហារ ៖ ប្រជាពលរដ្ឋប្រមាណជា៩០នាក់ ភាគច្រើនជាស្ត្រីរស់នៅឃុំប្រមេរ ស្រុកត្បែងមានជ័យ ដឹកនាំដោយបុគ្គលិករបស់អង្គការមួយប្រចាំខេត្តព្រះវិហារធ្វើសកម្មភាពដកដំណាំអំពៅទើបតែដាំថ្មី នៅព្រឹកថ្ងៃទី១ មេសា ២០១៤ របស់ក្រុមហ៊ុនដីសម្បទានសេដ្ឋកិច្ចមួយដែលរាជរដ្ឋាភិបាលអនុញ្ញាតឱ្យធ្វើវិនិយោគដំណាំអំពៅ ផលិតស្ករសរបស់ក្រុមហ៊ុនរ៉យហ្វេង ស្ថិតក្នុងភូមិសាស្ត្រភូមិពោធិ៍ទាប ស្រុកឆែប ។
ជុំវិញបញ្ហាខាងលើនេះដែរតាមប្រជាពលរដ្ឋដែលបានធ្វើសកម្មភាពដកដំណាំអំពៅរបស់ក្រុមហ៊ុនខាងលើបានប្រាប់អ្នកសារព័ត៌មានថា ក្រុមហ៊ុនបានឈូសឆាយ និងដាំដំណាំអំពៅនៅលើដីរបស់ពួកគេ ទើបពួកគេបាននាំគ្នាប្រមាណ៣ភូមិក្នុងឃុំប្រមេរ មកធ្វើការហាមឃាត់ដកដំណាំអំពៅ និងផ្អាកមិនឱ្យក្រុមហ៊ុនខាងលើដាំដំណាំបន្តទៀត។
ពាក់ព័ន្ធរឿងនេះដែរ លោកជំទាវ ខូយ ប៊ុនថាន អភិបាលរងខេត្តព្រះវិហារបានចុះពិនិត្យដល់កន្លែងកើតហេតុក៏បានឃើញសកម្មភាពប្រជាពលរដ្ឋកំពុងឃាត់គ្រឿងចក្រដាំដំណាំ និងបានដកដំណាំអំពៅអស់ប្រមាណជា៣ហិកតា និងធ្វើឱ្យខូចខាតដំណាំអំពៅប្រមាណជាង៣៦ហិកតា។ លោកជំទាវខូយ ប៊ុនថាន បន្តទៀតថា ការធ្វើវិនិយោគរបស់ក្រុមហ៊ុនខាងលើនេះ គឺលើផ្ទៃដីសាធារណៈរបស់រដ្ឋមិនប៉ះពាល់ដល់ប្រជាពលរដ្ឋឡើយ ប៉ុន្តែប្រជាពលរដ្ឋមួយចំនួនតូចចេះតែធ្វើការអុកឡុកមិនឱ្យក្រុមខាងលើធ្វើការវិនិយោគដោយទុកដីទាំងអស់នោះដល់ពួកគាត់។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ