រាជធានីភ្នំពេញ ៖ ភូមិគ្រឹះមួយកន្លែងនៅសង្កាត់បឹងកក់ទី២ ខណ្ឌទួលគោកត្រូវបានកម្លាំងនគរបាល នាយកដ្ឋានចារកម្ម នៃក្រសួងមហាផ្ទៃ សហការជាមួយ កម្លាំងនគរបាលមូលដ្ឋាន ឆ្មក់ចូលឆែកឆេរបង្ក្រាបល្បែងស៊ីសងខុសច្បាប់តាមប្រព័ន្ធអីុនធើណេតហើយឃាត់ខ្លួន បានជនជាតិកូរ៉េចំនួន១៥នាក់ដែលគេសង្ស័យជាមេក្លោងក្នុងការបើកល្បែងស៊ីសងនៅក្រៅប្រទេស។
រាជធានីភ្នំពេញ ៖ ភូមិគ្រឹះមួយកន្លែងនៅសង្កាត់បឹងកក់ទី២ ខណ្ឌទួលគោកត្រូវបានកម្លាំងនគរបាល នាយកដ្ឋានចារកម្ម នៃក្រសួងមហាផ្ទៃ សហការជាមួយ កម្លាំងនគរបាលមូលដ្ឋាន ឆ្មក់ចូលឆែកឆេរបង្ក្រាបល្បែងស៊ីសងខុសច្បាប់តាមប្រព័ន្ធអីុនធើណេតហើយឃាត់ខ្លួន បានជនជាតិកូរ៉េចំនួន១៥នាក់ដែលគេសង្ស័យជាមេក្លោងក្នុងការបើកល្បែងស៊ីសងនៅក្រៅប្រទេស។
ប្រតិបត្តិការបង្ក្រាបល្បែងស៊ីសងនេះ បានធ្វើឡើង កាលពីវេលាម៉ោង ៣និង៣០នាទីរសៀលថ្ងៃទី២ ខែមេសាឆ្នាំ២០១៤នៅភូមិគ្រឹះលេខ៦៩ ផ្លូវលេខ៣១៣ ក្រោមការដឹកនាំដោយព្រះលោកសៀង សុខព្រះរាជ្ញារងអមសាលាដំបូងរាជធានីភ្នំពេញ។ភូមិគ្រឹះដែលសមត្ថកិច្ចចុះឆែកឆេរនេះ ត្រូវបានអាជ្ញាធរមូលដ្ឋានអោយដឹងថា ជាផ្ទះលោកឧត្តមសេនីយ៍យោធាម្នាក់ដែលបានជួលទៅអោយជនជាតិរ៉េជាយូមកហើយ ដើម្បីបើកល្បែងស៊ីសង នៅក្រៅប្រទេស។
តាមព័ត៌មានឱ្យដឹងថា ដោយមានការស្រាវជ្រាវ ពីមន្រ្តីចារកម្មក្រសួងមហាផ្ទៃដឹងថា ភូមិគ្រឹះខាងលើបើកល្បែងស៊ីសង សមត្ថកិច្ចបាន រាយការណ៍ ទៅព្រះរាជអាជ្ញាអមសាលាដំបូង រាជធានីភ្នំពេញចុះទៅបង្ក្រាបតែម្តង។តាមព័ត៌មានឱ្យដឹងថាជនជាតិកូរ៉េចំនួន១៥នាក់ត្រូវបានឃាត់ខ្លួនរួមទាំងវត្ថតាងមួយចំនួនទៀតដែរពាក់ព័ន្ធបើកល្បែងស៊ីសងមួយចំនួនទៀតត្រូវបានដកហូត បញ្ជូនទៅកាន់នាយកដ្ឋានចារកម្មដើម្បី សាកសួរ។ ក្រៅពីជនជាតិកូរ៉េសមត្ថកិច្ចក៍បាននាំខ្លន ស្រ្តីខ្មែរចំនួន២នាក់ផងដែរ។
ទោះបីជាយ៉ាងណាសមត្ថកិច្ចពុំបានផ្តល់ព័ត៌មានជុំវិញការបង្ក្រាបល្បែងស៊ីសងថ្នាក់អន្តរជាតិនោះឡើយ។ ដោយក្រុមអ្នកយកព័ត៌មានពុំអនុញ្ញាត្តិអោយហើយសមត្ថកិច្ចក៍បានគំរាមបោកម៉ាស៊ីនថតភ្នាក់ទូរទស្សន៍បាយ័នម្នាក់នៅពេលដែលថតពីខាងក្រៅខណៈ ពេលដែលលោកស័ក្កបីមួយរូបបានបើទ្វារអោយរថយន្តចេញ។ ជនសង្ស័យត្រូវបានបញ្ជូនទៅកាន់នាយកដ្ឋានយ៉ាងអាថ៌កំបាំងបំផុត។
គួរបញ្ជាក់ថាកន្លងមកជនបរទេសបានយកប្រទេសកម្ពុជាជាទីកន្លែងបើកល្បែងហើយស៊ីសងនៅក្រៅប្រទេស ព្រមទាំងបើកកន្លែងចាប់ជម្រិតទាប្រាក់ទាំងហ្វូងៗហើយបង្ក្រាបមិនចេះអស់។ ជូនកាលពេលទៅបង្ក្រាបមានអ្នកផ្តល់តំណឹងក៍មានដែរ។ ក្នុងការជួលទីតាំងបើកល្បែងគឺជនបរទេសជួលសុទ្ធតែភូមិគ្រឹះដើម្បីងាយស្រួលបិទបាំង ។
ចែករំលែកព័តមាននេះ