ខេត្តកណ្តាល ៖ កាលពីវេលាម៉ោង៧និង២០ព្រឹកថ្ងៃទី៩ ខែធ្នូ ឆ្នាំ២០២៥ កម្លាំងប៉ុស្តិ៍នគរបាលរដ្ឋបាលកំពង់ភ្នំ ស្រុកលើកដែក ខេត្តកណ្តាល បានធ្វើការឃាត់ខ្លួនជនសង្ស័យម្នាក់ ពាក់ព័ន្ធ…
ខេត្តកណ្តាល ៖ កាលពីវេលាម៉ោង៧និង២០ព្រឹកថ្ងៃទី៩ ខែធ្នូ ឆ្នាំ២០២៥ កម្លាំងប៉ុស្តិ៍នគរបាលរដ្ឋបាលកំពង់ភ្នំ ស្រុកលើកដែក ខេត្តកណ្តាល បានធ្វើការឃាត់ខ្លួនជនសង្ស័យម្នាក់ ពាក់ព័ន្ធ ករណីអំពើលួចលួចកាប់ផ្លែចេក នៅត្រង់ចំណុចចំការចេកមួយកន្លែង នៅក្រោយផ្ទះជនរងគ្រោះជាម្ចាស់បណ្តឹង ស្ថិតក្នុងភូមិអំពិលទឹក ឃុំកំពង់ភ្នំ ស្រុកលើកដែក។
ជនរងគ្រោះឈ្មោះ ដេត វិជ្ជនី ភេទស្រី អាយុ៣៣ឆ្នាំ មុខរបរលក់ដូរ មានទីលំនៅភូមិអំពិលទឹក ឃុំកំពង់ភ្នំ ។
ជនសង្ស័យឈ្មោះ ឃ្លី ប្រាក់ ភេទប្រុស អាយុ ៣៣ឆ្នាំ មុខរបរមិនពិតប្រាកដ មានទីលំនៅភូមិអំពិលទឹក ឃុំកំពង់ភ្នំ គ្មានសារធាតុញៀនក្នុងទឹកនោម (អវិជ្ជមាន)។
ក្រោយទទួលបានពាក្យបណ្តឹងពីជនរងគ្រោះដែលតែងតែបាត់ដំណាំជាបន្តបន្ទាប់ លុះនាថ្ងៃខែឆ្នាំខាងលើ កម្លាំងប៉ុស្តិ៍នគរបាលរដ្ឋបាលកំពង់ភ្នំបានចុះទៅដល់កន្លែងកើតហេតុធ្វើការឃាត់ខ្លួនជនសង្ស័យ ព្រមទាំងដកហូតបានវត្ថុតាងផ្លែចេក៣ស្ទូង បញ្ជូនមកកាន់អធិការដ្ឋាននគរបាលស្រុកដើម្បីសាកសួរនិងបន្តចាត់ការតាមនីតិវិធី។
សូមបញ្ជាក់ថា កន្លងមកជនសង្ស័យធ្លាប់លួចកាប់ផ្លែចេករបស់ឈ្មោះ ដេត វិជ្ជានី និងធ្លាប់ធ្វើកិច្ចសន្យាអប់រំណែនាំនៅប៉ុស្តិ៍នគរបាលរដ្ឋបាលកំពង់ភ្នំ១ដងរួចមកហើយ។ ជនសង្ស័យ១រូបនេះក៍ធ្លាប់ជាប់ពន្ធនាគារចំនួន៣លើករួចមកហើយដែរ ដោយលើក÷លើកទី១ ឆ្នាំ២០១២ ពាក់ពករណីអំពើលួច, លើកទី២ ឆ្នាំ២០១៤ ពាក់ព័ន្ធករណី គ្រឿងញៀន និងលើកទី៣ ឆ្នាំ២០២២ ពាក់ព័ន្ធករណីអំពើលួច៕
ចែករំលែកព័តមាននេះ