រាជធានីភ្នំពេញ ៖ ក្រុមអ្នកលេងបាល់បាន ឮស្នូរសំឡេងស្រែក ត្រដរខ្យល់ ជិតតារាងបាល់ ក៏នាំគ្នារត់ទៅមើល ស្រាប់តែឃើញយុវជនម្នាក់ចង.កស្លាប់នៅលើដើមប្រេងខ្យល់បាត់ទៅហើយ ដោយមិនអាចជួយសង្គ្រោះបានទាន់ពេលវេលាឡើយ ។…
រាជធានីភ្នំពេញ ៖ ក្រុមអ្នកលេងបាល់បាន ឮស្នូរសំឡេងស្រែក ត្រដរខ្យល់ ជិតតារាងបាល់ ក៏នាំគ្នារត់ទៅមើល ស្រាប់តែឃើញយុវជនម្នាក់ចង.កស្លាប់នៅលើដើមប្រេងខ្យល់បាត់ទៅហើយ ដោយមិនអាចជួយសង្គ្រោះបានទាន់ពេលវេលាឡើយ ។
ហេតុការណ៍នោះបានកើតឡើងបង្កឲ្យមានការភ្ញាក់ផ្អើល កាលពីវេលាម៉ោង១០និង៤០នាទីព្រឹកថ្ងៃទី៨ ខែធ្នូ ឆ្នាំ២០២៥ នៅត្រង់ចំណុចខាងក្រោយវត្តជន្លង់ម្លូ ស្ថិតនៅក្នុងភូមិព្រៃរងៀង សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
យុវជនខាងលើនោះឈ្មោះ រុំ ណារ៉ង អាយុ២១ឆ្នាំ មានស្រុកកំណើតនៅភូមិអាជេន ឃុំកំពង់ចាម ស្រុកសំបូរ ខេត្តក្រចេះ (នេះបើតាមឈ្មោះក្នុងសំបុត្រកំណើត និងសៀវភៅគ្រួសារ) ដែលយុវជននេះទុកនៅក្នុងចេតិយ៍មួយជិតវត្តជន្លង់ម្លូ ហើយត្រូវបានគរបាលរកឃើញ ។
យុវជនខាងលើបានយកខ្សែនីឡុង និងអាវយឺតពណ៌ស ទៅចងកជាប់ និងដើមប្រេងខ្យល់ខាងលើ បណ្ដាលឲ្យស្លាប់តាមបំណង ប៉ុន្តែពុំមាននរណាម្នាក់បានដឹងថា តើរូបគេមានវិបត្តិអ្វីនោះទេ ទើបបានជាគិតខ្លីលែងចង់រស់នៅលើលោក ហើយបញ្ចប់ជីវិតខ្លួនឯងទាំងក្មេងខ្ចីបែបនេះ ។
បើតាមក្រុមអ្នកលេងបាល់ទះ បាននិយាយថា នៅមុនពេលកើតហេតុ ខណៈដែលពួកគាត់កំពុងលេងបាល់នៅជិតនោះបានឮសម្លេងមនុស្សប្រុសស្រែកត្រដរខ្យល់២ដង ហើយដោយសារតែមានការងឿងឆ្ងល់ ពួកគាត់ក៏បានទៅមើល ស្រាប់តែឃើញយុវជននោះចងកស្លាប់បាត់ទៅហើយ ។ ពេលនោះក៏បាននាំគ្នាប្រាប់អ្នកភូមិបង្កឲ្យមានការភ្ញាក់ផ្អើលនាំគ្នាទៅចោមរោមមើល ចំណែកព្រះសង្ឃវត្តជន្លង់ម្លូ ក៏បានយករទេះទៅអូសយកសពទៅតម្កល់ទុកនៅឈាបនដ្ឋានវត្តជន្លង់ម្លូ រង់ចាំក្រុមគ្រួសារទៅទទួលយកធ្វើបុណ្យ ។
ក្រោយពេលកើតហេតុ អ្នកភូមិបានរាយការណ៍ជូននគរបាលប៉ុស្តិ៍ភ្លើងឆេះរទេះ ខណ្ឌកំបូលឲ្យចុះទៅពិនិត្យមើលនិងរាយការណ៍បន្តទៅកាន់នគរបាលការិយាល័យបច្ចេកទេសនិងវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញ ដើម្បីធ្វើកោសល្យវិច័យ ហើយលទ្ធផលគឺបុរសនេះស្លាប់ដោយអត្តឃាតចងកសម្លាប់ខ្លួនឯង ៕
ចែករំលែកព័តមាននេះ