រាជធានីភ្នំពេញ ៖ ជនសង្ស័យលួច ចំនួន៤នាក់ ត្រូវបានកម្លាំងនគរបាលព្រហ្មទណ្ឌកំរិតស្រាល នៃស្នងការនគបាលរាជធានីភ្នំពេញ ស្រាវជ្រាវឃាត់ខ្លួនជាបន្តបន្ទាប់ បន្ទាប់ពីធ្វើសកម្មភាពលួចទូរសព្ទ ចំនួន៩ករណី នៅតាមផ្លូវថ្មើរជើងចតុមុខ…
រាជធានីភ្នំពេញ ៖ ជនសង្ស័យលួច ចំនួន៤នាក់ ត្រូវបានកម្លាំងនគរបាលព្រហ្មទណ្ឌកំរិតស្រាល នៃស្នងការនគបាលរាជធានីភ្នំពេញ ស្រាវជ្រាវឃាត់ខ្លួនជាបន្តបន្ទាប់ បន្ទាប់ពីធ្វើសកម្មភាពលួចទូរសព្ទ ចំនួន៩ករណី នៅតាមផ្លូវថ្មើរជើងចតុមុខ (walkstree) កាលពីថ្ងៃទី៧ ខែធ្នូ ឆ្នាំ២០២៥ ។
ជនសង្ស័យទាំងនោះ រួមមាន ៖
១.ឈ្មោះ យិន សមរ៉ា ហៅ រ៉ា ភេទប្រុស អាយុ២០ឆ្នាំ ជនជាតិខ្មែរ
២.ឈ្មោះ សាយ សុធាឧត្តម ភេទប្រុស កើតឆ្នាំ១៩៩២ ជនជាតិខ្មែរ
៣.ឈ្មោះ រិទ្ធ មុនីរ័ត្ន ភេទប្រុស កើតឆ្នាំ១៩៩៧ ជនជាតិខ្មែរ
និង៤.ឈ្មោះ យិន រ៉ូឌី ភេទប្រុស កើតឆ្នាំ១៩៩១ ជនជាតិខ្មែរ ។
តាមនគរបាលការិយាល័យព្រហ្មទណ្ឌកំរិតស្រាល បានឲ្យដឹងថា នៅថ្ងៃទី០៨ ខែធ្នូ ឆ្នាំ ២០២៥ ការិយាល័យនគរ បាលព្រហ្មទណ្ឌកំរិតស្រាល ឃាត់ខ្លួនជនសង្ស័យចំនួន០៤នាក់ ពាក់ព័ន្ធ ចំនួន ០៩ករណី ៖
ករណីទី១ ៖ លួចយកទូរសព្ទដៃម៉ាកអាយហ្វូន ១៥ ផ្លឹស ពណ៌ផ្កាឈូក ចំនួន០១ គ្រឿងនៅចំណុចផ្លូវថ្មើរជើងចតុមុខ(Walk Street) មុខហាងកាហ្វេយីហោ TUBE COFFE ផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ ។
ករណីទី២ ៖ លួចយកទូរសព្ទដៃម៉ាកអាយហ្វូន១៦ ផ្លឹស ពណ៌ផ្កាឈូក ចំនួន០១ គ្រឿង។
ករណីទី៣ ៖ លួចយកទូរសព្ទដៃម៉ាកអាយហ្វូន១៣ ប្រូម៉េក ពណ៌មាស ចំនួន០១ គ្រឿង។
ករណីទី៤ ៖ លួច យកទូរសព្ទដៃម៉ាកអាយហ្វូន១៣ ពណ៌ផ្កាឈូក ចំនួន០១ គ្រឿង។
ករណីទី៥ ៖ លួចយកទូរសព្ទដៃម៉ាកអាយហ្វូន ចំនួន០២គ្រឿង ម៉ាកអាយហ្វូន១១ ពណ៌ខ្មៅ និងម៉ាកអាយហ្វូន១៥ ប្រូម៉េក ពណ៌ទឹកប្រាក់។
ករណីទី៦ ៖ លួចយកទូរសព្ទដៃម៉ាកអាយហ្វូន ១១ប្រូ ពណ៌ប្រផេះ ចំនួន០១ គ្រឿង។
ករណីទី៧ ៖ លួចយកទូរសព្ទដៃ។
ករណីទី៨ ៖ លួចយកទូរសព្ទដៃម៉ាកអាយហ្វូន ១៤ ផ្លឹស ពណ៌ផ្កាឈូក ចំនួន០១គ្រឿង ។
និងករណីទី៩ ៖ លួចយកទូរសព្ទដៃម៉ាកអាយហ្វូន ១២មីនី ពណ៌ស ចំនួន០១ គ្រឿង។ ប្រព្រឹត្តនៅចំណុចផ្លូវកែងព្រះបរមរាជវាំង ផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ ។
បន្ទាប់ពីឃាត់ខ្លួន សមត្ថកិច្ចដកហូតវត្ថុតាងទូរសព្ទ ៩គ្រឿង បានប្រគល់ជនរងគ្រោះវិញ ចំនួន ៧នាក់ និង ២នាក់ទៀត កំពុងស្វែងរកជនរងគ្រោះ ។
ជនសង្ស័យទាំង៤នាក់ ត្រូវបានកម្លាំងនគរបាលព្រហ្មទណ្ឌកំរិតស្រាល កសាងសំណុំរឿងចាត់ការតាមនិតិវិធី ៕
ចែករំលែកព័តមាននេះ