រាជធានីភ្នំពេញ ៖ អ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃទី០៧ ខែធ្នូឆ្នាំ២០២៥ បានប្រកាសព័ត៌មានស្តីពីការចោទប្រកាន់ជនសង្ស័យចំនួន៧ នាក់ ពាក់ពន្ធក្នុងករណីគ្រឿងញៀន ទម្ងន់ប្រមាណ៤១ គីឡូក្រាម ដែលជនសង្ស័យត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន…
រាជធានីភ្នំពេញ ៖ អ្នកនាំពាក្យអយ្យការអមសាលាដំបូងរាជធានីភ្នំពេញ កាលពីថ្ងៃទី០៧ ខែធ្នូឆ្នាំ២០២៥ បានប្រកាសព័ត៌មានស្តីពីការចោទប្រកាន់ជនសង្ស័យចំនួន៧ នាក់ ពាក់ពន្ធក្នុងករណីគ្រឿងញៀន ទម្ងន់ប្រមាណ៤១ គីឡូក្រាម ដែលជនសង្ស័យត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន ។
សូមជម្រាបថា ៖ កាលពីថ្ងៃទី២៩ ខែវិច្ឆិកា ឆ្នាំ២០២៥ សមត្តកិច្ចនៃមន្ទីរប្រឆាំងគ្រឿងញៀន បានសហការជាមួយកម្លាំងសមត្តកិច្ចនៃស្នងការដ្ឋាននគរបាលរាជធានីភ្នំពេញ បង្ក្រាបករណីគ្រឿង គោលដៅទី១ ស្ថិតនៅខាងមុខក្លឹប CENTRALX សង្កាត់ទន្លេបាសាក់ ខណ្ឌចំការមន រាជធានីភ្នំពេញ និង ៤គោលដៅផ្សេងទៀត ស្ថិតនៅចំណុចបុរីជីបម៉ុង សង្កាត់ជើងឯក ខណ្ឌដង្កោ តាជធានីភ្នំពេញ ។
ក្នុងរង្វង់ប្រតិបត្តិការបង្ក្រាបបទល្មើស សមត្តកិច្ចបានឃាត់ខ្លួនជនសង្ស័យសរុបចំនួន៧ នាក់ ៖
១.ឈ្មោះ SHEN MENG ភេទប្រុស អាយុ២២ ឆ្នាំ ជនជាតិចិន
២.ឈ្មោះ សេង ចាន់ធី ភេទប្រុស អាយុ៤៨ ឆ្នាំ ជនជាតិខ្មែរ
៣.ឈ្មោះ TONG YUAN ភេទប្រុស អាយុ៣៤ ឆ្នាំ ជនជាតិចិន
៤.ឈ្មោះ MA LIDONG ភេទប្រុស អាយុ២០ ឆ្នាំ ជនជាតិចិន
៥.ឈ្មោះ XIE FEI ភេទប្រុស អាយុ៣៤ ឆ្នាំ ជនជាតិចិន
៦.ឈ្មោះ ZHUANG LONGXIANG ភេទប្រុស អាយុ២៣ ឆ្នាំ ជនជាតិចិនតៃវ៉ាន់
៧.ឈ្មោះ IM KINLAM ភេទប្រុស អាយុ៤០ ឆ្នាំ ជនជាតិចិនហុងកុង ។ ដកហូតបានវត្ថុតាងជាគ្រឿងញៀន ៖
-ប្រភេទ MDMA ទម្ងន់ ៥.៨២១,៥៨ ក្រាម
-ប្រភេទ កូកាអ៊ីន ទម្ងន់ ១២.១៧៤,៨៩ ក្រាម
-រុក្ខជាតិក្រៀម ទម្ងន់ ៤៧៥,៤២ ក្រាម និង សារធាតុផ្ស្មិនច្បាស់ ទម្ងន់ ២២.៨៨៤ក្រាម រួមជាមួយម៉ាស៊ីនអ៊ុតចំនួន១គ្រឿង ម៉ាស៊ីនសង្កត់ពុម្ព កែវលាយគ្រឿងញៀនចំនួន១ ជញ្ជីងថ្លឹងគ្រឿងញៀនចំនួន ១គ្រឿង ម៉ាស៊ីក្រឡុកចំនួន ១គ្រឿង និងម៉ាស៊ីនសម្អាតចំនួន ១គ្រឿង ។
បន្ទាប់ពីបញ្ចប់ប្រតិបត្តិការនេះ សមត្តកិច្ចបានកសាងសំណុំរឿង និងបញ្ជូនជនសង្ស័យខាងលើ មកកាន់អយ្យការអមសាលាដំបូងរាជធានីភ្នំពេញ ។ ចំណែកឯបក្ខពួកដែលពាក់ពន្ធនិងករណីគ្រឿងញៀនខាងលើនេះ សមត្តកិច្ចបាននិងកំពុងស្រាវជ្រាវបន្ត ។
ក្រោយពីបានទទួលនិងពិនិត្យសំណុំរឿងនេះ តំណាងអយ្យការបានសម្រេចចោទប្រកាន់លើជនសង្ស័យទាំង៧ នាក់ និងបក្ខពួក ពីបទ.រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន ប្រព្រឹត្តនៅរាជធានីភ្នំពេញ កាលពីអំឡុងចុងឆ្នាំ២០២៣ រហូតដល់ថ្ងៃទី២៩ ខែវិច្ឆិកា ឆ្នាំ២០២៥ តាមបញ្ញត្តិមាត្រា ៤០ នៃច្បាប់ស្តីពីការត្រួតពិនិត្យគ្រឿងញៀន ៕
ចែករំលែកព័តមាននេះ