អាជ្ញាធរស្តារ និងអភិវឌ្ឍន៍ទីក្រុងរបស់ប្រទេសសិង្ហបុរី បានឱ្យដឹងថា តម្លៃលក់ផ្ទះរបស់ឯកជនក្នុងប្រទេសនៅត្រីមាសទី១ ឆ្នាំ២០១៤នេះ បានបន្តនិន្នាការធ្លាក់ចុះ២,៧ពិន្ទុ ពីពិន្ទុ២១៤,៣នាអំឡុងត្រីមាសទី៤ ឆ្នាំ២០១៣ ធៀបនឹងត្រីមាសទី១ ឆ្នាំ២០១៤ មាន២១១,៦ពិន្ទុ ។ តួលេខនេះតំណាងឱ្យភាពអវិជ្ជមាន១,៣% ធៀបនឹងត្រីមាសមុនធ្លាក់ចុះ០,៩% ។
អាជ្ញាធរស្តារ និងអភិវឌ្ឍន៍ទីក្រុងរបស់ប្រទេសសិង្ហបុរី បានឱ្យដឹងថា តម្លៃលក់ផ្ទះរបស់ឯកជនក្នុងប្រទេសនៅត្រីមាសទី១ ឆ្នាំ២០១៤នេះ បានបន្តនិន្នាការធ្លាក់ចុះ២,៧ពិន្ទុ ពីពិន្ទុ២១៤,៣នាអំឡុងត្រីមាសទី៤ ឆ្នាំ២០១៣ ធៀបនឹងត្រីមាសទី១ ឆ្នាំ២០១៤ មាន២១១,៦ពិន្ទុ ។ តួលេខនេះតំណាងឱ្យភាពអវិជ្ជមាន១,៣% ធៀបនឹងត្រីមាសមុនធ្លាក់ចុះ០,៩% ។
តម្លៃអចលនទ្រព្យនៃលំនៅឋានដែលពុំមែនជាដីឯកជននៅគ្រប់ទីផ្សារទាំងអស់ បានដាំក្បាលចុះនៅក្នុងរយៈពេលត្រីមាសដំបូងនេះ ។ ចំណែកតំបន់សេដ្ឋកិច្ចសំខាន់ៗតម្លៃហាងឆេងផ្ទះធ្លាក់ចុះ១,៣% បន្ទាប់ពីត្រីមាសមុនធ្លាក់ចុះ២,១% ។ លទ្ធផលនេះបានបង្ហាញឱ្យឃើញពីភាពអវិជ្ជមានជាបន្តបន្ទាប់ក្នុងអំឡុងពេលចុងក្រោយនេះ ។ រីឯតម្លៃនៅក្រៅតំបន់សេដ្ឋកិច្ចពិសេស បានធ្លាក់ថ្លៃនៅក្នុងត្រីមាសទី២ជាបន្តបន្ទាប់ ប្រមាណ០,៣% ធៀបនឹងការធ្លាក់ថ្លៃ១% នៃត្រីមាសមុន ។ នៅតំបន់សម្រាកលំហែកាយឯណោះវិញ តម្លៃហាងឆេងលក់ផ្ទះ បានធ្លាក់ថ្លៃ២,៨% ធៀបនឹងការកើនឡើងនៃត្រីមាសមុន០,៤% ។ តម្លៃអចលនទ្រព្យលើផ្ទះដែលជាដីឯកជន ក៏ធ្លាក់ថ្លៃ០,៦% ផងដែរ សម្រាប់ត្រីមាសទី២ បន្ទាប់ពីជួបឱនភាព១% ក្នុងត្រីមាសមុន ។
គួរបញ្ជាក់ថា ការព្យាករខាងលើ ត្រូវបានចងក្រងឡើងដោយផ្អែកលើមូលដ្ឋានតម្លៃនៃជំនួញអចលនទ្រព្យនាអំឡុងពេល៩សប្តាហ៍ដំបូងក្នុងត្រីមាសនេះ ។ ស្ថិតិនឹងកែប្រែថ្មីនាអំឡុង៤សប្តាហ៍ក្រោយ នៅពេលអាជ្ញាធរស្តារ និងអភិវឌ្ឍន៍ទីក្រុង (URA) ចេញផ្សាយនូវស្ថិតិអចលនទ្រព្យសម្រាប់ត្រីមាសទី១ ឆ្នាំ២០១៤ ៕
ចែករំលែកព័តមាននេះ