បណ្តាញព័ត៌មានបរទេសផ្សាយថា ធនាគារអភិវឌ្ឍន៍អាស៊ី (ADB) បានលើកឡើងថាខ្លួនកំពុងធ្វើសេចក្តីព្រាងនៃកំណើន GDP របស់ប្រទេសវៀតណាមដែលមានការកើនឡើងបន្តិចបន្តួចប្រមាណជា៥,៦%នៅក្នុងឆ្នាំ២០១៤ និង៥,៨%ក្នុងឆ្នាំ២០១៥ ។ ADB បានបន្តទៀតថា តួលេខនេះបានអនុវត្តទៅតាមភាពរីកចម្រើនដែលកើតឡើងអាស្រ័យដោយភាពខ្សោយនៃវិស័យធនាគារក្នុងស្រុកតាមរយៈ
បណ្តាញព័ត៌មានបរទេសផ្សាយថា ធនាគារអភិវឌ្ឍន៍អាស៊ី (ADB) បានលើកឡើងថាខ្លួនកំពុងធ្វើសេចក្តីព្រាងនៃកំណើន GDP របស់ប្រទេសវៀតណាមដែលមានការកើនឡើងបន្តិចបន្តួចប្រមាណជា៥,៦%នៅក្នុងឆ្នាំ២០១៤ និង៥,៨%ក្នុងឆ្នាំ២០១៥ ។ ADB បានបន្តទៀតថា តួលេខនេះបានអនុវត្តទៅតាមភាពរីកចម្រើនដែលកើតឡើងអាស្រ័យដោយភាពខ្សោយនៃវិស័យធនាគារក្នុងស្រុកតាមរយៈការដំណើរការប្រក្រតីវិញនៃសេដ្ឋកិច្ចនៅសហរដ្ឋអាមេរិក និងតំបន់អឺរ៉ុប ។
ចក្ខុវិស័យនៃការអភិវឌ្ឍអាស៊ានក្នុងឆ្នាំ២០១៤ ដែលបានចេញផ្សាយនៅក្នុងទីក្រុងហាណូយ មន្ត្រីរបស់ ADB បានអំពាវនាវដល់រដ្ឋាភិបាលខាងលើ បង្កើតឡើងនូវកម្រិតនៃសហប្រតិបត្តិការសម្រាប់ភាពជាដៃគូរវាងឯកជន និងរដ្ឋ ដើម្បីភ្ជាប់ទំនាក់ទំនងឱ្យកាន់តែប្រសើរឡើង ជាមួយនឹងការវិនិយោគឯកជននៅក្នុងការអភិវឌ្ឍហេដ្ឋារចនាសម្ព័ន្ធសាធារណៈ និងសេវាកម្ម។ លោក Dominic Mellor អ្នកសេដ្ឋកិច្ចរបស់ធនាគារអភិវឌ្ឍន៍អាស៊ី ប្រចាំនៅវៀតណាម បានថ្លែងថា បទប្បញ្ញតិ្តនៃដៃគូវិនិយោគឯកជន និងរដ្ឋថ្មី គឺតម្រូវឱ្យសង្កត់ធ្ងន់លើភាពខ្លាំងនៃការប្រកួតប្រជែងដែលមានន័យថា គម្រោងផ្សេងៗត្រូវតែឱ្យរង្វាន់លើកទឹកចិត្តតាមរយៈការដេញថ្លៃដែលមានការប្រកួតប្រជែង ហើយគួរតែអនុវត្តទៅតាមស្តង់ដាអន្តរជាតិ ។ នៅក្នុងចក្ខុវិស័យនោះដែរ ក៏បានព្យាករទុកថាគំរូនៃកំណើននៅក្នុងតំបន់អាស៊ីអាគ្នេយ៍ នឹងត្រូវបានគ្របដណ្តប់ដោយវិស័យជាច្រើននៅក្នុងប្រទេសប្រមាណជា៥% នៅក្នុងឆ្នាំ២០១៤ ៕
ចែករំលែកព័តមាននេះ