មុន​បើកឡាន​ដេញ​បុក​ ​ប្រើស​ម្តី​ថា​«​អញ​នឹង​សម្លាប់​អ្ហែង​និង​ប្រពន្ធ​អញ​ចោល​…»


ខេត្តកណ្តាល ៖ តាម​សេចក្តីរាយការណ៍​ឲ្យ​ដឹង​ថា បុរស​ម្នាក់​ត្រូវ​កម្លាំង​នគរបាល​ស្រុក​កៀនស្វាយ ឃាត់ខ្លួន​កាលពី​ថ្ងៃ​ទី​២១ ខែកញ្ញា ពាក់ព័ន្ធ​នឹង​ករណី​គំរាម​ថា​ នឹង​សម្លាប់​ដោយ​បើករថយន្ត​ដេញ​បុក​បុរស​ម្នាក់​ដោយ​ចោទ​ថា ​លួច​សហាយស្មន់​ជាមួយ​ប្រពន្ធ​របស់​ខ្លួន និងធ្លាប់និយាយថា«​អញ​នឹង​សម្លាប់​អ្ហែង និង​ប្រពន្ធ​អញ​ចោល​ទាំង​២​នាក់ បើ​អ្ហែង​នៅ​តែ​ទាក់ទង​គ្នា​» ។

ជនសង្ស័យខាងលើ ​ឈ្មោះ ឆាយ សំណាង អាយុ​៣៤ឆ្នាំ មាន​ទីលំនៅ​ក្នុងភូមិ​ស្រែ​អំពិល ឃុំ​ឈើទាល ស្រុក​​​កៀន​ស្វាយ មុខរបរ​បើករថយន្ត​ដឹក​ដី ត្រូវបាន​ឃាត់ខ្លួន​ជាមួយ​រថយន្ត​១​គ្រឿង ។ ចំណែកជន​រង​គ្រោះ​ឈ្មោះ សូ រាប អាយុ​៣១​ឆ្នាំ មានទីលំនៅ​ក្នុងភូមិ ឃុំ​ជាមួយ​គ្នា ជា​កសិករ ។

សេចក្តីរាយការណ៍​ឲ្យ​ដឹង​ទៀត​ថា ដោយសារតែ​ប្រចណ្ឌ​ប្រពន្ធ នៅ​ថ្ងៃ​ទី​១៦ ខែកញ្ញា វេលាម៉ោង​ប្រមាណ​៦​និង​៣០​នាទី​យប់ ជនសង្ស័យ​បាន​ដើរ​ចូល​មក​ក្រោមផ្ទះ​ជន​រង​គ្រោះ​រួច​ចោទ​ថា «​អ្ហែង​សហាយស្មន់​ជា​មួយ​ប្រពន្ធ​អញ​» ។ ឯ​ជន​រង​គ្រោះ​ក៏​តប​ទៅ​វិញ​ថា «​ខ្ញុំ​មិន​បាន​ទាក់ទង​ប្រពន្ធ​បង​ទេ បង​ឯង​ទៅ​ផ្ទះ​វិញ​ទៅ» ។ ភ្លាម​នោះ ជនសង្ស័យ​ក៏​បាន​បោះពាក្យ​ថា «​អញ​នឹង​សម្លាប់​អ្ហែង និង​ប្រពន្ធ​អញ​ចោល​ទាំង​២​នាក់ បើ​អ្ហែង​នៅ​តែ​ទាក់ទង​គ្នា​» និយាយ​ហើយ​ជន​រូប​នេះ​ក៏​ដើរទៅ​ផ្ទះ​បាត់​ទៅ ។

លុះ​នៅ​ថ្ងៃ​ទី​២០ ​កញ្ញា វេលា​ម៉ោង​ប្រហែល​៨​និង​៣៥​នាទី​ព្រឹក ខណៈ​ជន​រង​គ្រោះ​កំពុង​កិនស្រូវ​នៅផ្ទះ​ឈ្មោះ ហៃ ដែល​មាន​ទីលំនៅ​ក្នុងភូមិ ឃុំ​ជាមួយ​គ្នា ស្រាប់តែ​ជនសង្ស័យជិះ​ម៉ូតូ​ទៅ​រករឿង​ទៀត​ដោយ​និយាយ​ថា «​អ្ហែង​ត្រូវ​តែ​ទទួលខុសត្រូវ​លើ​ប្រពន្ធ​របស់​អញ​» ហើយក៏​បបួល​ជន​រង​គ្រោះ​ស្បថ​នៅ​ឯ​វត្ត ។ ពេល​នោះជន​រង​គ្រោះ​បាន​តប​វិញ​ថា ទៅ​មុន​ទៅ​ចាំ​ខ្ញុំ​ទៅ​តាម​ក្រោយ រួច​ជនសង្ស័យ​ក៏​ជិះ​ម៉ូតូ​ចេញ​ទៅ​បាត់​ទៅ ។

នៅ​ព្រឹក​ថ្ងៃ​ទី​២១ ខែកញ្ញា ជន​រង​គ្រោះ​បានជិះ​ម៉ូតូ​ម្នាក់ឯង តាម​ទំនប់​ស្រែ​អំពិល​ជាប់​ប្រឡាយ​វរៈ​៥ ក្នុង​គោលដៅ​ទៅ​កន្លែង​ចិញ្ចឹម​ជ្រូក ។ពេល​នោះ​ជនសង្ស័យ​បាន​បើករថយន្ត​ដឹក​ដី​របស់​ខ្លួន​ដេញ​តាម​បុក​ជន​រង​គ្រោះ ។ ខណៈ​ឃើញ​ដូច្នោះ ជន​រង​គ្រោះ​ក៏​ផ្តួល​ម៉ូតូ​នៅ​វាលស្រែ ជនសង្ស័យ​បើករថយន្ត​ជ្រុល​ហួស​ទៅ​មុខ​រួច​ស្រែកថា «​កុំ​តែ​អ្ហែង​ជិះ​ចូល​វាលស្រែ​ទាន់​កុំ​អី​អញ​បុកអ្ហែង​ឲ្យ​ងាប់​តែ​ម្តង​» ។ ដោយសារ​ឮ​ពាក្យ​នេះជន​រង​គ្រោះ​ក៏​ទុក​ម៉ូតូ​នៅ​វាលស្រែ រួចរ​ត់ទៅ​ប្រាប់​បងប្អូន​ឱ្យ​ជួយ និង​បាន​នាំ​ទៅ​ប្តឹង​នគរបាល​ប៉ុស្តិ៍​ឈើទាល ចំពោះ​ការ​ប្រមាថ​អាយុជីវិតខ្លួន​បែប​នេះ ។ ក្រោយ​ពី​ទទួល​បាន​ពាក្យបណ្តឹងខាងលើ កម្លាំង​នគរបាល​ប៉ុស្តិ៍​បាន​ទៅ​ដល់​កន្លែង​កើតហេតុ និង​ឃាត់ខ្លួន​ជនសង្ស័យ​នាំ​មក​សាកសួរ ។

ដោយសារ​ឮ​ពាក្យ​នេះជន​រង​គ្រោះ​ក៏​ទុក​ម៉ូតូ​នៅ​វាលស្រែ រួចរ​ត់ទៅ​ប្រាប់​បងប្អូន​ឱ្យ​ជួយ និង​បាន​នាំ​ទៅ​ប្តឹង​នគរបាល​ប៉ុស្តិ៍​ឈើទាល ចំពោះ​ការ​ប្រមាថ​អាយុជីវិតខ្លួន​បែប​នេះ ។ ក្រោយ​ពី​ទទួល​បាន​ពាក្យបណ្តឹងខាងលើ កម្លាំង​នគរបាល​ប៉ុស្តិ៍​បាន​ទៅ​ដល់​កន្លែង​កើតហេតុ និង​ឃាត់ខ្លួន​ជនសង្ស័យ​នាំ​មក​សាកសួរ ។

នៅ​ចំពោះ​មុខ​សមត្ថកិច្ច ជនសង្ស័យ​សារភាព​ថា ខ្លួន​ពិតជា​បាន​ធ្វើ​សកម្មភាព​ដូច​ខាងលើ​ប្រាកដ​មែន និង​ធ្លាប់​ប្រើប្រាស់​គ្រឿងញៀន​ទៀតផង ។ ជនសង្ស័យ​ត្រូវ​បាន​សមត្ត​កិច្ច​កសាង​សំណុំរឿង​បញ្ជូន​តាម​នីតិវិធី ។ ការ​ប្រមាថ​អាយុជីវិត​អ្នក​ដទៃ ក៏​ត្រូវ​តែ​មានទោស​ដែរ ៕

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ