នាយករដ្ឋមន្ដ្រីអូស្រ្ដាលីលោក ថូនី អេបបុត បានប្រកាសកាលពីថ្ងៃទី៣១ មីនា កន្លងមកថា ការស្វែងរកយន្ដហោះម៉ាឡេស៊ីដឹកអ្នកដំណើរក្នុងជើងហោះហើរ MH370 ដែលបាត់នោះនឹងដំណើរការបន្ដទៀតដោយគ្មានកំណត់ពេល ដរាបណាបានទទួលការឆ្លើយតបដល់ក្រុមគ្រួសាររបស់អ្នកនៅលើយន្ដហោះបូអីុញ ៧៧៧ ដែលបាត់នោះ ។
នាយករដ្ឋមន្ដ្រីអូស្រ្ដាលីលោក ថូនី អេបបុត បានប្រកាសកាលពីថ្ងៃទី៣១ មីនា កន្លងមកថា ការស្វែងរកយន្ដហោះម៉ាឡេស៊ីដឹកអ្នកដំណើរក្នុងជើងហោះហើរ MH370 ដែលបាត់នោះនឹងដំណើរការបន្ដទៀតដោយគ្មានកំណត់ពេល ដរាបណាបានទទួលការឆ្លើយតបដល់ក្រុមគ្រួសាររបស់អ្នកនៅលើយន្ដហោះបូអីុញ ៧៧៧ ដែលបាត់នោះ ។
ស្របពេលជាមួយគ្នានេះ លោកនាយករដ្ឋមន្ដ្រីក៏បានសម្ដែងការគាំទ្រលើសេចក្ដីថ្លែងការណ៍របស់លោកនាយករដ្ឋមន្ដ្រី ណាជីប រ៉ាសាក់ នៃប្រទេសម៉ាឡេស៊ី ដែលបញ្ជាក់ថា យន្ដហោះខាងលើបានធ្លាក់ក្នុងមហាសមុទ្រឥណ្ឌា ខណៈពេលដែលមេដឹកនាំម៉ាឡេស៊ីក៏ត្រៀមធ្វើដំណើរទៅទស្សនកិច្ចនៅអូស្រ្ដាលីនៅថ្ងៃទី២ មេសា ដើម្បីពិនិត្យមើលប្រតិបត្ដិការរុករកយន្ដហោះនោះ ។
ប្រតិបត្ដិការស្វែងរកវត្ថុតាងពីជើងហោះហើរ MH370 របស់ក្រុមហ៊ុនអាកាសចរណ៍អ៊ែរឡាញ (MAS) ដែលបានបាត់ដ៏អាថ៌កំបាំងតាំងពីថ្ងៃទី៨ មីនា ហើយត្រូវបានគេសន្និដ្ឋានថាបានធ្លាក់នៅក្នុងមហាសមុទ្រឥណ្ឌា គិតមកត្រឹមថ្ងៃទី៣១ មីនា កន្លងមក នៅតែទទួលបរាជ័យ ទោះបីជាមានការប្រទះឃើញវត្ថុសង្ស័យជាច្រើនអណ្ដែតក្នុងសមុទ្រ និងចាប់តាំងពីអូស្រ្ដាលីស្រង់យកវត្ថុខាងលើមកពិនិត្យកន្លងមក ឃើញថាវត្ថុទាំងនោះគ្មានការពាក់ព័ន្ធទៅនឹងបំណែកយន្ដហោះដែលបាត់នោះទេ ។ ស្របពេលជាមួយគ្នានេះដែរ លោកនាយករដ្ឋមន្ដ្រីអូស្រ្ដាលី បានថ្លែងកាលពីថ្ងៃទី៣១ មីនា ក្រោយពីបានធ្វើទស្សនកិច្ច និងជួបសមាជិកអាកាសយានិកនៅឯមូលដ្ឋានទ័ពអាកាស នៅទីក្រុងភើត ក្នុងរដ្ឋវ៉ែសធើន អូស្រ្ដាលី ថា ការប្រតិបត្ដិស្វែងរកនឹងនៅដំណើរការបន្ដ ដរាបណាបានទទួលចម្លើយសម្រាប់ឆ្លើយតបដល់ក្រុមគ្រួសាររបស់អ្នកដំណើរដែលបាត់ខ្លួន ។ ក្រុមគ្រួសារអ្នកដំណើរមានប្រហែល២ភាគ៣ជាជនជាតិចិន បានធ្វើការរិះគន់ដល់ប្រទេសម៉ាឡេស៊ីយ៉ាងធ្ងន់ៗទាក់ទិននឹងការគ្រប់គ្រងលើការស្វែងរកនិងស៊ើបអង្កេតលើការបាត់យន្ដហោះនេះ ។
ទាក់ទិននឹងយន្ដហោះនេះ លោក អេបបុត នាយករដ្ឋមន្ដ្រីអូស្រ្ដាលី បានថ្លែងថា ក្រុមជួយសង្គ្រោះនឹងនៅតែបន្ដការរុករកយន្ដហោះMH370 ហើយបច្ចុប្បន្នមានយន្ដហោះចំនួន១០គ្រឿង និងនាវាចំនួន១០គ្រឿង កំពុងបំពេញតួនាទីក្នុងការស្វែងរកនៅក្នុងសមុទ្រភាគនិរតីនៃទីក្រុងភើត ដើម្បីរកបំណែកយន្ដហោះម៉ាឡេស៊ីដែលបាត់រួមជាមួយអ្នកដំណើរ និងសហនាវិកចំនួន២៣៩នាក់ ដែលចេញដំណើរពីក្រុងគូឡាឡាំពួរ ឆ្ពោះទៅប៉េកាំង ប្រទេសចិន កាលពីថ្ងៃទី៨ មីនា កន្លងទៅ ៕
ចែករំលែកព័តមាននេះ