រាជធាភ្នំពេញ ៖ ទីតាំងសំណង់រឹងមាំមួយកន្លែង ស្ថិតនៅក្នុងភោជនីយដ្ឋានដាយមិនផាក ក្នុងដីឡូតិ៍លេខ១២៤ ផ្លូវសុធារស សង្កាត់ទន្លេបាសាក់ ខណ្ឌចំការមន គ្មានដីកា សម្រេចរបស់តុលាការ ធ្វើឱ្យប៉ះពាល់ផលប្រយោជន៍ភាគីម្ខាង ហើយភាគីរងគ្រោះបានប្តឹងទៅអាជ្ញាធរសង្កាត់ខណ្ឌ មិនចុះជួយអន្តរាគមន៍ ឃាត់ការរុះរើទាំងបំពានច្បាប់។
រាជធាភ្នំពេញ ៖ ទីតាំងសំណង់រឹងមាំមួយកន្លែង ស្ថិតនៅក្នុងភោជនីយដ្ឋានដាយមិនផាក ក្នុងដីឡូតិ៍លេខ១២៤ ផ្លូវសុធារស សង្កាត់ទន្លេបាសាក់ ខណ្ឌចំការមន គ្មានដីកា សម្រេចរបស់តុលាការ ធ្វើឱ្យប៉ះពាល់ផលប្រយោជន៍ភាគីម្ខាង ហើយភាគីរងគ្រោះបានប្តឹងទៅអាជ្ញាធរសង្កាត់ខណ្ឌ មិនចុះជួយអន្តរាគមន៍ ឃាត់ការរុះរើទាំងបំពានច្បាប់។
ជុំវិញបាតុភាពខាងលើនេះ តំណាងម្ចាស់សំណង់ ដែលបានជួលទីតាំងខាងលើបានឱ្យដឹងថា កាលពីថ្ងៃទី២៥ មីនា ២០១៣ ឈ្មោះ ឡេង ស៊ាងលី និងឈ្មោះ តុង គីមស្រ៊ុន បានឯកភាពគ្នា ជួលដីឡូតិ៍លេខ១២៤ ធ្វើអាជីវកម្មរួមគ្នា ដោយមានកិច្ចសន្យាដឹងឮពីមេធាវីត្រឹមត្រូវ ។ ប៉ុន្តែចន្លោះពេលថ្មីៗនេះ ឈ្មោះ ឡេង ស៊ាងលី បានទៅលួចលុបកិច្ចសន្យាជាមួយម្ចាស់ដី ដោយមិនបានទូទាត់បញ្ជីស្នាមនៃកិច្ចសន្យាធ្វើអាជីវកម្មរួមគ្នាជាមួយឈ្មោះ តុង គីមស្រ៊ុន ជាហេតុធ្វើឱ្យប៉ះពាល់ ដល់ផលប្រយោជន៍ ក្នុងកិច្ចសន្យាចាស់ ។
ផ្តើមចេញពីការលួចរំសាយកិច្ចសន្យាលួចលាក់ពីឈ្មោះ ឡេង ស៊ាងលី ជាមួយម្ចាស់ដី ទើបនៅថ្ងៃទី២៩ មីនា ២០១៤ រហូតមកដល់ថ្ងៃទី០១ មេសានេះ តំណាងម្ចាស់ដីបានទៅរុះរើ តូប និងសម្ភារសំណង់របស់ឈ្មោះ តុង គឹមស្រ៊ុន ដោយគ្មានការឯកភាពពីម្ចាស់សំណង់ ។ ដោយសារបាតុភាពនេះហើយ ទើបម្ចាស់សំណង់បានទៅប្តឹងអាជ្ញាធរសង្កាត់ខណ្ឌឱ្យចុះឃាត់សកម្មភាពរុះរើ សំណង់នៅក្នុងទីតាំងខាងលើ រង់ចាំការដោះស្រាយគ្នាតាមផ្លូវច្បាប់ឱ្យដាច់ស្រេចសិន ។ ប៉ុន្តែអ្វីជាការកត់សម្គាល់ គឺអស់លោកមន្រ្តីមូលដ្ឋាន មិនចុះអន្តរាគមន៍តាមបណ្តឹងភាគីម្ខាងនោះទេ ។ ប្រការបែបនេះ តើអោយប្រជាពលរដ្ឋដែលត្រូវការអន្តរាគមន៍ ការពារផលប្រយោជន៍ឯកជនទៅប្តឹងមន្រ្តីថ្នាក់ណា ដើម្បីជួយទប់ស្កាត់ រាល់វិវាទដែលបានកើតឡើង ។
យ៉ាងណាក៏ដោយ មន្ត្រីអាជ្ញាធរខណ្ឌចំការមនបានឱ្យដឹងថា នៅរសៀលថ្ងៃទី០១ មេសា មន្ត្រីសង្កាត់ទន្លេបាសាក់នឹងចុះទៅឃាត់ការរុះរើសំណង់នេះ រង់ចាំការដោះស្រាយតាមច្បាប់ ៕
ចែករំលែកព័តមាននេះ