Lewis Hamilton បានសម្តែងនូវក្តីរីករាយជាពន់ពេកបន្ទាប់ពីរូបគេបានយកឈ្នះជើងឯកប្រណាំងរថយន្តប្រភេទហ្វ័រមូឡាវ័ន កម្មវិធីMalaysian Grand Prix នៅទីលានប្រណាំងSepang Circuit ក្រុងគូឡាឡាំពួ ប្រទេសម៉ាឡេស៊ី កាលពីថ្ងៃអាទិត្យទី៣០ មីនា ។
ស្ថិតនៅក្នុងវ័យ២៩ឆ្នាំ Hamilton ដែលបើកបរឱ្យក្រុម Mercedes បានបញ្ចប់ការប្រណាំង៥៦ជុំទីលានក្នុងថិរវេលា១ម៉ោង៤០នាទី
Lewis Hamilton បានសម្តែងនូវក្តីរីករាយជាពន់ពេកបន្ទាប់ពីរូបគេបានយកឈ្នះជើងឯកប្រណាំងរថយន្តប្រភេទហ្វ័រមូឡាវ័ន កម្មវិធីMalaysian Grand Prix នៅទីលានប្រណាំងSepang Circuit ក្រុងគូឡាឡាំពួ ប្រទេសម៉ាឡេស៊ី កាលពីថ្ងៃអាទិត្យទី៣០ មីនា ។
ស្ថិតនៅក្នុងវ័យ២៩ឆ្នាំ Hamilton ដែលបើកបរឱ្យក្រុម Mercedes បានបញ្ចប់ការប្រណាំង៥៦ជុំទីលានក្នុងថិរវេលា១ម៉ោង៤០នាទីនិង២៥.៩៧៤វិនាទីដណ្តើមបានពានជើងឯកយកមកគ្រប់គ្រងជាលើកទី១ក្នុងរដូវកាល ។ ចំណាត់ថ្នាក់លេខ២បានទៅលើកីឡាករអាល្លឺម៉ង់ Nico Rosberg បើកបរឱ្យក្រុម Mercedes ។ Rosbergបញ្ចប់ការប្រណាំងដោយប្រើអស់ថិរវេលាច្រើនជាង Hamilton ១៧.៣១៣វិនាទី ។
ចំណែកកីឡាករអាល្លឺម៉ង់ម្នាក់ទៀតគឺ សេបាស្ទៀន វេតទែល ដែលធ្វើឱ្យក្រុមរេដប៊ុលលេចធ្លោជាងគេប៉ុន្មានឆ្នាំចុងក្រោយនេះបញ្ចប់ការប្រណាំងដណ្តើមបានត្រឹមចំណាត់ថ្នាក់លេខ៣ប៉ុណ្ណោះ ។ វេតទែល ដែលធ្វើមិនបានល្អក្នុងការប្រណាំង២ជុំមកនេះ បានបញ្ចប់ការប្រណាំងក្នុងថិរវេលាយឺតជាង Hamilton ២៤នាទីនិង៥៣៤វិនាទី ។
ចំណែកកីឡាករដែលបើកលឿនដណ្តើមបានចំណាត់ថ្នាក់លេខ៤បានទៅលើ Fernando Alonso។ កីឡាករអេស៉្បាញរូបនេះបានបញ្ចប់ការប្រណាំងដោយប្រើថិរវេលាយឺតជាង Hamilton ៣៥.៩៩២វិនាទី ។សម្រាប់ Hamilton នេះគឺជាជ័យជម្នះជើងឯកលើកទី១របស់ខ្លួននៅក្នុងរដូវកាលប្រណាំងឆ្នាំនេះ ។ សម្រាប់ក្រុម Mercedesវិញ វាក៏ជាលើកទី១ផងដែរគិតចាប់តាំងពីឆ្នាំ១៩៥៥មកដែលកីឡាកររបស់ខ្លួនដល់ទៅ២រូបនាំមុខការប្រណាំងក្នុងចំណាត់ថ្នាក់លេខ១ និងលេខ២ ។
ថ្លែងបន្ទាប់ដណ្តើមបានពានជើងឯកHamilton បានបញ្ជាក់ថា៖«ជ័យជម្នះលើកនេះធ្វើឱ្យខ្ញុំមិនអាចរកអ្វីមកថ្លែងពីអារម្មណ៍បានទេ។ វាជាជ័យជម្នះដែលមិនគួរឱ្យជឿ ។ ខ្ញុំសូមឧទ្ទិសជ័យជម្នះនេះដល់ជនរងគ្រោះជើងហោះហើរ MH 370 ដែលបានបាត់ខ្លួន» ។
កីឡាករជើងខ្លាំងពិភពលោកម្នាក់ទៀតJenson Button បញ្ចប់ការប្រណាំងក្នុងលំដាប់ទី៦ ។ អ្នកបើកបរឱ្យក្រុម McLaren រូបនេះបញ្ចប់៥៦ជុំទីលានប្រណាំងដោយប្រើអស់ថិរវេលា ១នាទីនិង២៣.៦៩១វិនាទីច្រើនជាង កីឡាករ Hamilton ។
នៅលើតារាងជើងឯកពិភពលោកវិញ បន្ទាប់ពីបញ្ចប់ការប្រណំាំងលើកនេះ(ជុំទី២) កីឡាករ Nico Rosberg ស្ថិតនៅលំដាប់លើគេមាន៤៣ពិន្ទុ នាំមុខកីឡាករ Hamilton ដែលមាន២៥ពិន្ទុស្ថិតនៅលំដាប់ទី២ ។ ឯ Fernando Alonso ស្ថិតនៅលំដាប់ទី៣មាន២៤ពិន្ទុ ។ កីឡាករ Jenson Button ស្ថិតនៅលំដាប់ទី៤មាន២៣ពិន្ទុ ៕
ចែករំលែកព័តមាននេះ