Anna Nordqvist នៅតែរក្សាបានភាពខ្លាំងរបស់ខ្លួនក្នុងនាមជាកីឡាការិនីលំដាប់កំពូលប្រទេសស៊ុយអែតសម្រាប់ឆ្នាំ២០១៤ នេះជាដដែល បន្ទាប់ពីនាងដណ្តើមបានពានជើងឯកក្នុងកម្មវិធី Kia Classic ជាមួយនឹងគម្លាតពិន្ទុ១សត់ ។ ព្រឹត្តិការណ៍ប្រកួតដែលមានទឹកប្រាក់សរុប១លាន និង៧សែនដុល្លារអាមេរិកខាងដើមនេះ ត្រូវបានរៀបចំធ្វើនៅទីលានវាយកូនគោល La Costa Resort and
Anna Nordqvist នៅតែរក្សាបានភាពខ្លាំងរបស់ខ្លួនក្នុងនាមជាកីឡាការិនីលំដាប់កំពូលប្រទេសស៊ុយអែតសម្រាប់ឆ្នាំ២០១៤ នេះជាដដែល បន្ទាប់ពីនាងដណ្តើមបានពានជើងឯកក្នុងកម្មវិធី Kia Classic ជាមួយនឹងគម្លាតពិន្ទុ១សត់ ។ ព្រឹត្តិការណ៍ប្រកួតដែលមានទឹកប្រាក់សរុប១លាន និង៧សែនដុល្លារអាមេរិកខាងដើមនេះ ត្រូវបានរៀបចំធ្វើនៅទីលានវាយកូនគោល La Costa Resort and Spa ក្រុង Carlsbad រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃអាទិត្យទី៣០ មីនាម្សិលមិញ ។
Nordqvist វ័យ២៦ឆ្នាំ ឆ្លងកាត់ការប្រកួត៤ជុំធ្វើបានលទ្ធផលសរុប១៣អាន់ឌ័រ ២៧៥ ក្លាយជាអ្នកគ្រប់គ្រងពានជើងឯកថ្មី អមជាមួយប្រាក់រង្វាន់២៥ម៉ឺន និង៥ពាន់ដុល្លារអាមេរិក ។ នេះគឺជាពានជើងឯកលើកទី២ នៅក្នុងសមាគម LPGA Tour សម្រាប់ឆ្នាំ២០១៤ នេះ។ នាងដណ្តើមបានពានរបស់សមាគមនេះលើកទី១ ក្នុងរដូវកាលនៅប្រទេសថៃកាលពីខែកម្ភៈ ។ គួរកត់សម្គាល់ថា ចាប់តាំងពីឆ្នាំ២០០៩ មក កីឡាការិនីរូបនេះមិនធ្លាប់ដណ្តើមបានពានជើងឯកកម្មវិធីណាមួយនោះទេ ។
ថ្លែងបន្ទាប់ពីបញ្ចប់ការប្រកួត Nordqvist បានបញ្ជាក់ថា ៖ «ខ្ញុំរំភើបខ្លាំងណាស់ ។ ខ្ញុំស្ទើរមិនជឿថា ខ្លួនឯងអាចយកឈ្នះពាននេះទេ ។ ខ្ញុំរីករាយណាស់ដែលក្នុងរដូវកាលនេះ ខ្ញុំដណ្តើមបានពានជើងឯកចំនួន២» ។កីឡាការិនីម្ចាស់ផ្ទះ Lizette Salas បញ្ចប់ការប្រកួតក្នុងចំណាត់ថ្នាក់លេខ២ ក្រោយពីធ្វើបានពិន្ទុសរុប១២អាន់ឌ័រ ២៧៦ ។ ជ័យលាភីនេះនាំឱ្យនាងទទួលបានប្រាក់រង្វាន់១៥៦ពាន់ដុល្លារ ខណៈនាង Lexi Thompson ដែលជាមិត្តរួមជាតិបញ្ចប់ការប្រកួតក្នុងចំណាត់ថ្នាក់លេខ៣ ៕
ចែករំលែកព័តមាននេះ