ខេត្តកោះកុង ៖ នៅរសៀលថ្ងៃទី៣១ មីនា ២០១៤ ប្រជាពលរដ្ឋចំនួន១០០គ្រួសារ មកពី៣ឃុំ គឺឃុំជំនាប់ ឃុំប្រឡាយ និងឃុំថ្មដូនពៅ រួមទាំងព្រះសង្ឃផង បានលើកគ្នាតវ៉ានៅមុខសាលាខេត្តកោះកុង ដែលការតវ៉ាលើកនេះ សុំឱ្យប្រមុខរាជរដ្ឋាភិបាល ផ្អាកគម្រោងសាងសង់វារីអគ្គិសនីនៅតំបន់ស្ទឹងអារ៉ែង ស្ថិតក្នុងស្រុកថ្មបាំង ។
ខេត្តកោះកុង ៖ នៅរសៀលថ្ងៃទី៣១ មីនា ២០១៤ ប្រជាពលរដ្ឋចំនួន១០០គ្រួសារ មកពី៣ឃុំ គឺឃុំជំនាប់ ឃុំប្រឡាយ និងឃុំថ្មដូនពៅ រួមទាំងព្រះសង្ឃផង បានលើកគ្នាតវ៉ានៅមុខសាលាខេត្តកោះកុង ដែលការតវ៉ាលើកនេះ សុំឱ្យប្រមុខរាជរដ្ឋាភិបាល ផ្អាកគម្រោងសាងសង់វារីអគ្គិសនីនៅតំបន់ស្ទឹងអារ៉ែង ស្ថិតក្នុងស្រុកថ្មបាំង ។
សូមរំលឹកថា កាតវ៉ានេះចាប់ផ្តើមតាំងពីថ្ងៃទី១៤ មីនា មកម្ល៉េះ ដោយជំហានដំបូងពួកគាត់បានធ្វើការរារាំង និងបិទផ្លូវមិនឱ្យវិស្វករចិនចូលទៅក្នុងតំបន់អារ៉ែង ។ ដែលតាមគម្រោងរបស់ក្រសួងឧស្សាហកម្មរ៉ែនិងថាមពល លិខិតចុះថ្ងៃទី០៧ មីនា ២០១៤ របស់លោករដ្ឋមន្ត្រី ស៊ុយ សែម បានស្នើសុំទៅលោកអភិបាលខេត្តឱ្យជួយសម្របសម្រួលឱ្យក្រុមហ៊ុន SINOHY DRO RESOURCES.LTD ធ្វើការវិនិយោគសាងសង់ គម្រោងវារីអគ្គិសនីស្ទឹងអារ់ែង ហើយក្រុមហ៊ុននេះបានបញ្ជូនអ្នកបច្ចេកទេស និងវិស្វករសិក្សាប្រមូលទិន្នន័យបន្ថែមទៅទីតាំងគម្រោង ចាប់តាំងពីថ្ងៃទី១៩ កុម្ភៈ ២០១៤ រហូតដល់ថ្ងៃទី២៥ មិថុនា ២០១៤ ហើយមានសមាជិកប្រមាណជា៦០នាក់ត្រូវទៅកាន់ទីនោះ ។ ប៉ុន្តែក្រុមការងាររបស់ក្រុមហ៊ុនចិនមួយនេះ ត្រូវបានប្រជាពលរដ្ឋតំបន់ស្ទឹងអារ៉ែងរារាំងមិនឱ្យចូលទៅតំបន់នោះឡើយ តាំងពីថ្ងៃទី១៤ មីនា ២០១៤រហូតមក ហើយការរារាំងពុំមានដំណោះស្រាយសោះ ទើបវាចេះតែអូសបន្លាយរហូតមក ហើយពួកគាត់បានដល់សាលាខេត្តនៅរសៀលថ្ងៃទី៣១ មីនានេះតែម្តង ។
នៅក្នុងបដាដែលពលរដ្ឋលើកឡើងមកធ្វើការតវ៉ាមានន័យថា «យើងមិនត្រូវការទំនប់វារីអគ្គិសនីនៅតំបន់អារ៉ែងទេ»។ មិនតែប៉ុណ្ណោះទាំងប្រជាពលរដ្ឋ និងព្រះសង្ឃបានលើកឡើងថា សុំឱ្យប្រមុខរាជរដ្ឋាភិបាល បញ្ឈប់គម្រោងវារីអគ្គិសនីតំបន់អារ៉ែងទៅ ព្រោះវាបានបំផ្លាញធនធានធម្មជាតិច្រើនយ៉ាងដូចជាព្រៃឈើ ថ្មភ្នំ រ៉ែ និងសត្វព្រៃ ហើយពួកគាត់ជាជនជាតិដើមក៏មិនត្រូវការវារីអគ្គិសនីដែរ ។
ព័ត៌មានលម្អិតនឹងមានផ្សាតជូននៅលើទំព័រកាសែតកោះសន្តិភាព
ចែករំលែកព័តមាននេះ