ប្រភពពី AP ផ្សាយថា រដ្ឋាភិបាលមីយ៉ាន់ម៉ា ចាប់ផ្តើមធ្វើជំរឿនប្រជាជនទូទៅនៅទូទាំងប្រទេសជាលើកដំបូងក្នុងអំទ្បុងពេល៣០ឆ្នាំកន្លងមក ដោយចាប់ផ្តើមរាប់ចំនួនប្រជាជននៅតាមផ្ទះចាប់ពីម៉ោង៧ព្រឹក ថ្ងៃទី៣០ មីនា ទៅនិងបានព្យាករណ៍ទុកថា នឹងជំរឿនបានគ្រប់ទាំង១២លានគ្រួសារ នៅទូទាំងប្រទេសត្រឹមថ្ងៃទី១០ មេសា ខាងមុខ ។
ប្រភពពី AP ផ្សាយថា រដ្ឋាភិបាលមីយ៉ាន់ម៉ា ចាប់ផ្តើមធ្វើជំរឿនប្រជាជនទូទៅនៅទូទាំងប្រទេសជាលើកដំបូងក្នុងអំទ្បុងពេល៣០ឆ្នាំកន្លងមក ដោយចាប់ផ្តើមរាប់ចំនួនប្រជាជននៅតាមផ្ទះចាប់ពីម៉ោង៧ព្រឹក ថ្ងៃទី៣០ មីនា ទៅនិងបានព្យាករណ៍ទុកថា នឹងជំរឿនបានគ្រប់ទាំង១២លានគ្រួសារ នៅទូទាំងប្រទេសត្រឹមថ្ងៃទី១០ មេសា ខាងមុខ ។
ការធ្វើជំរឿនលើកនេះ គឺជាកិច្ចសហប្រតិបត្តិការរវាងរដ្ឋាភិបាលមីយ៉ាន់ម៉ា និងមូលនិធិប្រជាជននៃអង្គការសហប្រជាជាតិ (UNPF) ដើម្បីរកតួលេខចំនួនប្រជាជនមីយ៉ាន់ម៉ា ទាំងអ្នកចេះអក្សរ ទាំងអ្នកបំពេញការងារ ទាំងសមត្ថភាពទឹកស្អាត ។ ក្រៅពីនេះ ក៏មានការធ្វើជំរឿនលើទិន្នន័យលំអិតពីជាតិសាសន៍ ពិសេសសម្រាប់ជនមូស្លីមរ៉ូហីុងយ៉ា ដែលភាគច្រើនរស់នៅក្នុងរដ្ឋយ៉ាខៃ ដែលតែងកើតមានទំនាស់ ជាមួយពួកអ្នកកាន់ពុទ្ធសាសនារយៈពេល២ឆ្នាំកន្លងមកនេះ បណ្តាលឱ្យមានអ្នកស្លាប់ជាង២០០នាក់ ។
របាយការណ៍បញ្ជាក់ថា ពួកអ្នកកាន់ពុទ្ធសាសនាក្នុងរដ្ឋយ៉ាខៃ ប្រកាសថា នឹងធ្វើពហិការចំពោះការធ្វើជំរឿននេះ ព្រោះបារម្ភខ្លាចផ្តល់ភាពស្របច្បាប់ដល់ជនមូស្លីមរ៉ូហ៊ីងយ៉ា ។ ទោះជាបែបណា ស្ថានការណ៍ចាប់ផ្តើមតានតឹងជាថ្មីទៀត ដោយកាលពីថ្ងៃទី២៩ មីនា កន្លងមក លោក យេហាទុត អ្នកនាំពាក្យប្រធានាធិបតីមីយ៉ាន់ម៉ា ថ្លែងថា រដ្ឋាភិបាលមីយ៉ាន់ម៉ា មិនអនុញ្ញាតឱ្យមានការបញ្ជាក់ពីជាតិសាសន៍ «រ៉ូហ៊ីងយ៉ា» ប៉ុន្តែអាចបញ្ចាក់ថា ជាជន«ប៊េងហ្គល»បាន បើមិនដូច្នេះទេ នឹងមិនត្រូវចុះឈ្មោះជំរឿនទ្បើយ ។ រដ្ឋាភិបាលមីយ៉ាន់ម៉ាយល់ឃើញថា ជនអំបូររ៉ូហ៊ីងយ៉ា ជាជនភៀសខ្លួន និងបដិសេធថា ពុំមែនពលរដ្ឋមីយ៉ាន់ម៉ា ៕
ចែករំលែកព័តមាននេះ