ខេត្តកំពង់ឆ្នាំង ៖ កូនក្រមុំទើបរៀបការបាន៧ថ្ងៃ បានសម្រេចិត្តលេបថ្នាំសម្លា.ប់ខ្លួន ហើយត្រូវក្រុមគ្រួសារដឹកមកសង្គ្រោះនៅមន្ទីរពេទ្យភ្លាមៗ ដែលហេតុការណ៍នេះ បង្កការភ្ញាក់ផ្អើលកាលពីវេលាម៉ោង៧ និង៣០នាទីយប់ថ្ងៃទី៣០ មីនា ២០១៤ ស្ថិតក្នុងភូមិអូរទទឹង ឃុំស្វាយជ្រុំ ស្រុករលាប្អៀរ ។
ខេត្តកំពង់ឆ្នាំង ៖ កូនក្រមុំទើបរៀបការបាន៧ថ្ងៃ បានសម្រេចិត្តលេបថ្នាំសម្លាប់ខ្លួន ហើយត្រូវក្រុមគ្រួសារដឹកមកសង្គ្រោះនៅមន្ទីរពេទ្យភ្លាមៗ ដែលហេតុការណ៍នេះ បង្កការភ្ញាក់ផ្អើលកាលពីវេលាម៉ោង៧ និង៣០នាទីយប់ថ្ងៃទី៣០ មីនា ២០១៤ ស្ថិតក្នុងភូមិអូរទទឹង ឃុំស្វាយជ្រុំ ស្រុករលាប្អៀរ ។
ប្រភពបានឱ្យដឹងថា នារីរងគ្រោះមានឈ្មោះវង់ សុជាតិ អាយុ២៦ឆ្នាំ មានទីលំនៅក្នុងភូមិកើតហេតុខាងលើ ។ កាលពីព្រឹកថ្ងៃទី៣១ មីនា ២០១៤ នេះ នាងកំពុងស្ថិតក្នុងការសង្គ្រោះបន្ទាន់នៅឡើយ ដែលគ្រូពេទ្យប្រាប់ថា ធ្ងន់ធ្ងរកំពុងស្ថិតក្នុងការតាមដាន ។ ពុំមានប្រភពណាបញ្ជាក់ថា នាងលេបថ្នាំសម្លាប់ខ្លួនបណ្តាលមកពីមូលហេតុអ្វីនោះទេ តែត្រូវបានគេសង្ស័យថា គឺបណ្តាលមកពី ប្តីដែលនាងបានរៀបការជាមួយនោះ គឺជាបុរសពោះម៉ាយ ធ្លាប់មានប្រពន្ធ២ និងកូន៤នាក់ទៅហើយ ។
ប្រភពបន្តថា ក្រុមគ្រួសារដែលនៅកំដរក្នុងមន្ទីរពេទ្យហាក់ចង់លាក់បាំងពីមូលហេតុនៃការប៉ងសម្លាប់ខ្លួននេះ ដោយពួកគេគ្រាន់តែប្រាប់ឈ្មោះ និងទីលំនៅតែប៉ុណ្ណោះ ដោយមិនប្រាប់ពីមូលហេតុឡើយ ហើយមិនត្រឹមតែប៉ុណ្ណឹងបានប្រាប់ថា នាងនៅលីវ មិនទាន់រៀបការទៀតផង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ