ខេត្តស្វាយរៀង ៖ បុរសម្នាក់ជាចោរលួចក្របីឆ្លងដែនចូលប្រទេសវៀតណាមយ៉ាងសកម្មត្រូវសមត្ថកិច្ចឃាត់ខ្លួនកាលពីវេលាម៉ោង៦ព្រឹក ថ្ងៃទី៣០ មីនា ២០១៤ បន្ទាប់ពីជននេះលួចក្របីរបស់អ្នកស្រុកចំនួន៥ក្បាល កាលពីថ្ងៃទី២៩ មីនា ២០១៤ នៅភូមិពោធិ ឃុំមេសថ្ងក ស្រុកចន្ទ្រា ។
ខេត្តស្វាយរៀង ៖ បុរសម្នាក់ជាចោរលួចក្របីឆ្លងដែនចូលប្រទេសវៀតណាមយ៉ាងសកម្មត្រូវសមត្ថកិច្ចឃាត់ខ្លួនកាលពីវេលាម៉ោង៦ព្រឹក ថ្ងៃទី៣០ មីនា ២០១៤ បន្ទាប់ពីជននេះលួចក្របីរបស់អ្នកស្រុកចំនួន៥ក្បាល កាលពីថ្ងៃទី២៩ មីនា ២០១៤ នៅភូមិពោធិ ឃុំមេសថ្ងក ស្រុកចន្ទ្រា ។
បើតាមលោកវរសេនីយ៍ទោ កុយ សុភាព នាយការិយាល័យព្រហ្មទណ្ឌកម្រិតធ្ងន់ស្នងការនគរបាលខេត្តបានឱ្យដឹងថា ជនសង្ស័យឈ្មោះសៅ ស៊ន់ ភេទប្រុស អាយុ៣០ឆ្នាំ មានទីលំនៅភូមិតាដេវ ឃុំមេសថ្ងក ស្រុកចន្ទ្រា។ ជននេះបានធ្វើសកម្មភាពលួចក្របីចំនួន៥ក្បាល របស់ឈ្មោះសេក សា ភេទស្រី អាយុ៥២ឆ្នាំ រស់នៅភូមិ-ឃុំខាងលើ យកទៅលាក់ទុកក្នុងព្រៃជិតភូមិវៀតណាមដើម្បីលក់ឱ្យឈ្មួញវៀតណាម។
សូមបញ្ជាក់ថា ជនសង្ស័យត្រូវសមត្ថកិច្ចចាប់ដាក់គុកកាលពីថ្ងៃទី១២ កុម្ភៈ ២០១៣ ពីបទលួចក្របីអ្នកស្រុក ហើយពេលចេញពីគុកមកវិញបានជាង១ខែមិនរាងចាលលួចក្របីគេទៀតត្រូវសមត្ថកិច្ចចាប់បញ្ជូនចូលគុកវិញនៅវេលាម៉ោង១២ថ្ងៃត្រង់ ថ្ងៃទី៣១ មីនា ២០១៤៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ