រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ កាលពីវេលាម៉ោង១១និង៣០នាទីព្រឹកថ្ងៃទី៣១ មីនា បានស្រាវជ្រាវនិងឈានទៅឃាត់ខ្លួនជនសង្ស័យម្នាក់ ដែលជាប់ពាក់ព័ន្ធករណីបា.ញ់សម្លា.ប់មនុស្សនៅក្បែរក្រសួងព័ត៌មាន ។
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតធ្ងន់រាជធានីភ្នំពេញ កាលពីវេលាម៉ោង១១និង៣០នាទីព្រឹកថ្ងៃទី៣១ មីនា បានស្រាវជ្រាវនិងឈានទៅឃាត់ខ្លួនជនសង្ស័យម្នាក់ ដែលជាប់ពាក់ព័ន្ធករណីបាញ់សម្លាប់មនុស្សនៅក្បែរក្រសួងព័ត៌មាន ។
ជនសង្ស័យឈ្មោះ ឆន លីន ភេទប្រុស អាយុ២៧ឆ្នាំ ស្នាក់នៅផ្ទះលេខ២៩អា សង្កាត់វាលវង់ ខណ្ឌ៧មករា ដែលកំពុងសម្រាកព្យាបាលរបួសនៅក្នុងគ្លីនិកមនោរម្យ សង្កាត់ស្ទឹងមានជ័យ ខណ្ឌមានជ័យ ។
សេចក្តីរាយការណ៍ចុងក្រោយបានឱ្យដឹងថា បន្ទាប់ពីឃាត់ខ្លួនជនសង្ស័យ សមត្ថកិច្ចក៏បានឆែកឆេរម៉ូតូបក្សពួកជនសង្ស័យនៅមន្ទីរពេទ្យ រកឃើញថ្នាំញៀនមួយចំនួនធំ ដែលសង្ស័យពួកគេជាជនជួញដូរគ្រឿងញៀនផងដែរ ។
គួររំលឹកថា បុរស២នាក់ត្រូវបានមិត្ដភក្ដិដឹកតាមម៉ូតូមកកាន់មន្ទីរពេទ្យកាល់ម៉ែត ដើម្បីសង្គ្រោះជីវិត ក្រោយពីត្រូវខ្មាន់កាំភ្លើងដេញបាញ់ជាបន្ដបន្ទាប់ កាលពីវេលាម៉ោង៥និង១០នាទីព្រឹកថ្ងៃទី២៣ មីនា ខណៈពេលជិះម៉ូតូមកដល់មុខផ្ទះសំណាក់មីុលីស ទីតាំងផ្ទះលេខ២៨G មហាវិថីព្រះមុនីវង្ស ខាងត្បូងច្រកចូលក្រសួងព័ត៌មាន ក្នុងសង្កាត់ស្រះចក ខណ្ឌដូនពេញ ។ ក្នុងហេតុការណ៍នេះ បណ្ដាលឱ្យជនរងគ្រោះម្នាក់ស្លាប់មុនពេលទៅដល់មន្ទីរពេទ្យ និងបុរសម្នាក់ទៀតរបួសធ្ងន់កំពុងសង្គ្រោះបន្ទាន់ រីឯខ្មាន់កាំភ្លើងគេចខ្លួនបាត់ ។
ចែករំលែកព័តមាននេះ