ខេត្តសៀមរាប៖ ស្រះស្រង់ជាផ្នែកមួយដ៏សំខាន់នៃរមណីយដ្ឋានអង្គរ និងមានសំណង់ប្រាសាទនៅកណ្ដាលជាតំណាងឱ្យភ្នំព្រះសុមេរុ។ បច្ចុប្បន្នប្រាសាទនេះបានរងការបាក់បែកដោយសារកត្តាធម្មជាតិ ។ ដើម្បីលើកតម្លៃប្រវត្តិសាស្ត្រ និងទេសភាពវប្បធ៌មនៃស្រះស្រង់ឡើងវិញ អាជ្ញាធរជាតិអប្សរាគ្រោងនឹងជួសជុលប្រាសាទកណ្ដាលស្រះស្រង់នាពេល ឆាប់ៗខាងមុខនេះ។ ផេកហ្វេសប៊ុកក្រសួងវប្បធម៌…
ខេត្តសៀមរាប៖ ស្រះស្រង់ជាផ្នែកមួយដ៏សំខាន់នៃរមណីយដ្ឋានអង្គរ និងមានសំណង់ប្រាសាទនៅកណ្ដាលជាតំណាងឱ្យភ្នំព្រះសុមេរុ។ បច្ចុប្បន្នប្រាសាទនេះបានរងការបាក់បែកដោយសារកត្តាធម្មជាតិ ។ ដើម្បីលើកតម្លៃប្រវត្តិសាស្ត្រ និងទេសភាពវប្បធ៌មនៃស្រះស្រង់ឡើងវិញ អាជ្ញាធរជាតិអប្សរាគ្រោងនឹងជួសជុលប្រាសាទកណ្ដាលស្រះស្រង់នាពេល ឆាប់ៗខាងមុខនេះ។
ផេកហ្វេសប៊ុកក្រសួងវប្បធម៌ និងវិចិត្រសិល្បៈផ្សាយថា ការជួសជុលនេះមានការចូលរួមពីវិស័យឯកជន ដោយមានការបរិច្ចាគថវិកាទាំងស្រុងពីលោកជំទាវឧកញ៉ាបណ្ឌិត សៀង ចាន់ហេង អគ្គនាយិកាក្រុមហ៊ុន ហេង អភិវឌ្ឍន៍ តាមរយៈព្រះតេជគណព្រះសទ្ធម្មប្បាកាសនីបណ្ឌិតតាត មហាទី ចៅអធិកាវត្តព្រះឥន្ទកោសា ។
តាមរយៈស្មារតីរួមចំណែកនាពេលនេះ គេសង្កេតឃើញថាវិស័យឯកជនបាន និងកំពុងតែចូលរួមយ៉ាងសកម្មលើផ្នែកបេតិកភណ្ឌវប្បធម៌ជាតិ ។ ជាមួយគ្នានេះដែរ នេះជាលើកទី២ហើយដែលលោកជំទាវឧកញ៉ាបណ្ឌិត សៀង ចាន់ហេង បានចូលរួមជាមួយអាជ្ញាធរជាតិអប្សរាលើកិច្ចការបេតិកភណ្ឌនេះ ដែលលើកទីមួយគឺលោកជំទាវបានរ៉ាប់រងជួសជុលរហាត់ទឹកបុរាណមួយក្នុងរមណីយដ្ឋានអង្គរ ដែលបច្ចុប្បន្នកំពុងដំណើរការជួសជុល ។
ប្រាសាទកណ្ដាលស្រះស្រង់ដែលស្ថិតនៅមុខខាងកើតប្រាសាទបន្ទាយក្ដី កសាងឡើងក្នុងរាជ្យព្រះបាទជ័យវរ្ម័នទី៧ នាស.វទី១២ ៕ (កែសម្រួលដោយ ៖ បុប្ផា)
ចែករំលែកព័តមាននេះ