មហន្តរាយគ្រោះទឹកជំនន់ ធ្វើឱ្យមនុស្សក្មេងចាស់ស្លា.ប់ និងដំណាំជន់លិចខូច
- ក្រចេះ
ខេត្តក្រចេះ ៖ មនុស្សក្មេងចាស់យ៉ាងហោច៦នាក់ មានខ្លះស្លាប់ដោយលង់ទឹកទន្លេ ទឹក បឹង ទឹកព្រែក និងមានខ្លះបានស្លាប់ ដោយសារឧប្បទ្ទហេតុ ។…
ខេត្តក្រចេះ ៖ មនុស្សក្មេងចាស់យ៉ាងហោច៦នាក់ មានខ្លះស្លាប់ដោយលង់ទឹកទន្លេ ទឹក បឹង ទឹកព្រែក និងមានខ្លះបានស្លាប់ ដោយសារឧប្បទ្ទហេតុ ។…
ខេត្តក្រចេះ ៖ មនុស្សក្មេងចាស់យ៉ាងហោច៦នាក់ មានខ្លះស្លាប់ដោយលង់ទឹកទន្លេ ទឹក បឹង ទឹកព្រែក និងមានខ្លះបានស្លាប់ ដោយសារឧប្បទ្ទហេតុ ។ ក្រៅពីមានការស្លាប់បាត់បង់ ជីវិតក៏នៅមានដំណាំកសិកម្មជាច្រើនម៉ឺនហិកតា ត្រូវបានខូចខាតដោយសារតែការជន់លិចពីទឹកជំនន់ ក្នុងគ្រោះមហន្តរាយទឹកជំនន់ក្នុង
ឆ្នាំ២០១៩នេះ។ជនរងគ្រោះក្មេងចាស់ទាំង៦នាក់ រស់នៅក្នុងស្រុកឆ្លូង ស្រុកសំបូរ និងស្រុកចិត្របុរី ដែលសុទ្ធសឹងជាស្រុកស្ថិតនៅតាមតំបន់ទំនាបជួរមាត់ទន្លេ និងជាតំបន់ប្រឈមការជន់លិចខ្លាំង ក្នុងនោះ មានមនុស្សក្មេងចាស់៥នាក់ស្លាប់ដោយសារលង់ទឹក និងម្នាក់ទៀតបានស្លាប់ និងឆក់ខ្សែភ្លើងពេលទឹកលិចចូលក្រោមផ្ទះ។
តាមរបាយការណ៍របស់សាលាខេត្តក្រចេះបានឲ្យដឹងថា គ្រោះមហន្តរាយទឹកជំនន់ឆ្នាំ២០១៩ នេះមានការប៉ះពាល់ធ្ងន់ធ្ងរជាងឆ្នាំមុន ខណៈកំពស់ទឹកបានជន់ឡើងលើសពីកំរិត ប្រកាសអាសន្នខ្លាំង ក្នុងនោះមានស្រុកចំនួន៤ និងក្រុង១នៅទូទាំង ក្នុងចំណោមស្រុកទាំង៥ បានប្រឈមនិងការលិចលង់ធ្ងន់ធ្ងរ។
តាមរបាយការណ៍របស់សាលាខេត្តក្រចេះ ដែលបានបង្ហាញឲ្យដឹងក្រោយស្ថានភាពទឹក ជំនន់បានធូរស្រាលវិញ បន្ទាប់ពីមានការជន់លិចរយះពេលជាច្រើនថ្ងៃរួចមកនោះ បានបង្ហាញ បានឲ្យដឹងថា ការជន់លិចបង្កឲ្យមានផលប៉ះពាល់ដល់វិស័យកសិកម្ម ក្នុងនោះរួមមានស្រែ វស្សាចំនួនជាង៥៩ម៉ឺនហិកតា ប៉ះពាល់ដំណាំរួមផ្សំជាង៧ម៉ឺនហិកតា លិចផ្លូវវលំ១៤ខ្សែរ ប្រវែងជាង៩ម៉ឺនមែត្រ លិចផ្លូវខេត្ត៤កន្លែង ផ្លូវជាតិ១កន្លែង លិចស្ពាន៨៤កន្លែង លិចទំនប់ ៥៨ កន្លែងប្រវែងជាង៦ម៉ឺនមែត្រ ។ បង្កបះពាល់ផ្ទះសម្បែងប្រជាពលរដ្ឋ ជាង២ម៉ឺនខ្នងផ្ទះ អណ្តូងស្នប៧៥៤អណ្តូង សាលា រៀន៨០កន្លែងមណ្ឌលសុខភាព៨មណ្ឌល ប៉ះពាល់វត្តចំនួន៣៧វត្ត លិចសាលាឃុំ១១កន្លែង។
របាយការណ៍របស់សាលាខេត្ត ដែលចេញដោយលោក ប៉ែន លីណាត អភិបាលរងខេត្ត ទទួលបន្ទុកកិច្ចការងារគ្រោះមហន្តរាយបានឲ្យដឹងទៀតថា អាជ្ញាធរបានចាត់ជម្លៀសពលរដ្ឋ ចំនួន ជាង២ពាន់៦រយគ្រួសារ និងសត្វពាហនៈគោក្របី ជាង១ម៉ឺន៣ពាន់ក្បាល ទៅកាន់ទី ទួលសុវត្ថភាព។ ហើយពលរដ្ឋទាំងនោះ ក៏ត្រូវបានទទួលការសួរសុខទុក្ខយ៉ាងយកចិត្តទុក ដាក់ពីសំណាក់អាជ្ញាធរក្រោមការដឹកនាំ របស់លោក វ៉ា ថន អភិបាលនៃគណអភិបាលខេត្ត ដូចជាការចុះចែកជូនស្បែងអារហារថ្នាំសង្កូវ ក៏ដូជាសម្ភារៈសម្រាប់ ប្រើប្រាស់ផ្សេងៗ។ ជាមួយគ្នានេះ អាជ្ញាធរក៏បានផ្តល់ការចាក់វ៉ាក់សាំងគោ ក្របី ចំនួនរាប់ម៉ឺនក្បាលរបស់ប្រជា ពលរដ្ឋដែលត្រូវបានចាត់ជម្លៀសទៅកាន់ទីទួលសុវត្ថិភាពដែលអាជ្ញាធរបានរៀបចំទុក។
បើតាមមន្ត្រីសាលាខេត្តក្រចេះបានបញ្ជាក់ឲ្យដឹងនៅថ្ងៃទី២០ កញ្ញា នេះថា រហូតមកទល់សព្វថ្ងៃ ស្ថាន
ភាពទឹកជំនន់ ដែលបានជន់លិចយ៉ាងគំហុក កាលពីដើមខែកញ្ញា ត្រូវបានធូរស្រាលដោយថមយទៅវិញ
ហើយ គ្រាន់តែមានតំបន់ទំនាបខ្លះ ដែលស្ថិតជាប់និង ដងទន្លេ ដៃព្រែក និងអូរ គឺនៅមានការជន់លិចតិចតួច ។ ចំនែកឯពលរដ្ឋនិងសត្វពាហនៈ ដែលបានចាត់ជម្លៀស ក៏ត្រូវបានបញ្ជូនទៅកាន់ភូមិដ្ឋានរៀងៗខ្លួនវិញអស់ទៅហើយដែរ ។ (សម្រួលដោយ៖ ស្រីណា)
ចែករំលែកព័តមាននេះ