រាជធានីភ្នំពេញ៖ តាមការយកចិត្តទុកដាក់ខ្ពស់របស់លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ នៅវេលាម៉ោង៨:០០នាទីព្រឹក ថ្ងៃទី២៣ ខែតុលា ឆ្នាំ២០២៥ លោកប៉ាង…
រាជធានីភ្នំពេញ៖ តាមការយកចិត្តទុកដាក់ខ្ពស់របស់លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ នៅវេលាម៉ោង៨:០០នាទីព្រឹក ថ្ងៃទី២៣ ខែតុលា ឆ្នាំ២០២៥ លោកប៉ាង លីដា អភិបាលរងខណ្ឌបានបន្តដឹកនាំក្រុមការងាររដ្ឋបាលខណ្ឌ ចុះអនុវត្តការងាររៀបចំសណ្តាប់ធ្នាប់សាធារណៈ ។ នេះបើយោងតាមផេករដ្ឋបាលខណ្ឌពោធិ៍សែនជ័យ បានប្រកាសនាព្រឹកថ្ងៃទី២៣ ខែតុលានេះ ។
ជាក់ស្តែងនៅក្នុងប្រតិបត្តិការនេះ បានផ្តោតសំខាន់លើការបោសសម្អាត បាញ់ទឹកលាងសម្អាត និងកាត់សំយាបផ្ទះ ដែលសាងសង់រំលោភលើចិញ្ចើមផ្លូវថ្មើរជើង ។ ចំពោះទីតាំងដែលក្រុមការងារចុះអន្តរាគមន៍ គឺនៅតាមបណ្តោយផ្លូវបេតុង ផ្សារព្រៃទារ សង្កាត់ចោមចៅទី៣ និង ភូមិត្រពាំងជ្រៃ សង្កាត់កាកាបទី២ ។
សកម្មភាពនេះ មានគោលបំណងធានាថា ចិញ្ចើមផ្លូវសាធារណៈត្រូវបានប្រើប្រាស់ត្រឹមត្រូវតាមច្បាប់ ដើម្បីលើកកម្ពស់សោភ័ណភាព និងសុវត្ថិភាពសម្រាប់អ្នកថ្មើរជើងក្នុងមូលដ្ឋានខណ្ឌពោធិ៍សែនជ័យ ៕
ចែករំលែកព័តមាននេះ