នៅថ្ងៃនេះ កូរ៉េខាងត្បូងបានចំណាយមូលនិធិជិត១៧លានដុល្លារ ដើម្បីអនុវត្តគម្រោងនវានុវត្តន៍ថ្មីមួយទៀត រួមមានទំនើបកម្មបរិក្ខារពេទ្យ សេវាកម្ម និងការបណ្តុះបណ្តាល បច្ចេកវិទ្យាវេជ្ជសាស្ត្រថ្មីៗ ដើម្បីបម្រើសេវាសុខភាពជូនកុមារកម្ពុជា និងសាងសង់ អគារមិត្តភាពកម្ពុជា-កូរ៉េទី២…
នៅថ្ងៃនេះ កូរ៉េខាងត្បូងបានចំណាយមូលនិធិជិត១៧លានដុល្លារ ដើម្បីអនុវត្តគម្រោងនវានុវត្តន៍ថ្មីមួយទៀត រួមមានទំនើបកម្មបរិក្ខារពេទ្យ សេវាកម្ម និងការបណ្តុះបណ្តាល បច្ចេកវិទ្យាវេជ្ជសាស្ត្រថ្មីៗ ដើម្បីបម្រើសេវាសុខភាពជូនកុមារកម្ពុជា និងសាងសង់ អគារមិត្តភាពកម្ពុជា-កូរ៉េទី២ នៅមន្ទីរពេទ្យកុមារជាតិ ។
លោក គីម ឆាងយ៉ុង (Kim Chang-Yong) ឯកអគ្គរដ្ឋកូរ៉េខាងត្បូងប្រចាំកម្ពុជា និយាយថា អគារនេះ គឺជាអគារទី២ ក្នុងគម្រោងទី៣ ដោយចំណាយថវិកាចំនួន ១៦,៩៩ លានដុល្លា ក្រោមជំនួយឥតសំណង ដើម្បីជួយគាំទ្រសេវាសុខភាពជូនកុមារកម្ពុជាប្រកបដោយគុណភាព និងសមធម៌ ។
ដោយឡែកលោក ឈាង រ៉ា រដ្ឋមន្ត្រីក្រសួងសុខាភិបាលបានសម្តែងនូវការកោតសរសើរដោយស្មោះ និងថ្លែងអំណរគុណយ៉ាងជ្រាលជ្រៅ ជូនចំពោះរដ្ឋាភិបាល និងប្រជាជនកូរ៉េខាងត្បូងតាមរយៈស្ថានទូត និងទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដែលតែងតែខិតខំប្រឹងប្រែង សម្របសម្រួលឱ្យទទួលបានហិរញ្ញប្បទាន បន្ថែមគាំទ្រវិស័យសុខាភិបាលកន្លងមក និងនាពេលអនាគត ។
អគារមន្ទីរពេទ្យនេះ មានកម្ពស់២៤,៧ម៉ែត្រ ទទឹង៣៧,៨០ម៉ែត្រ និងបណ្តោយ៧៦,៨០ម៉ែត្រ មាន៥ជាន់ គិតជាផ្ទៃក្រឡាសរុបស្មើនឹង៩.០៥៣ ម៉ែត្រការ៉េ ។
អគារនេះមាន ផ្នែកពិគ្រោះជំងឺក្រៅផ្នែកឯកទេសរោគកុមារ ផ្នែកឱសថស្ថានសម្រាប់ជំងឺសម្រាកពេទ្យ កន្លែងទទួលភ្ញៀវ អាហារដ្ឋានសម្រាប់បុគ្គលិក ស្ដារលទ្ធភាពពលកម្ម លាងឈាមនិងជំងឺតម្រង់នោម និងបន្ទប់វះកាត់ផ្នែកត្រចៀក ច្រមុះ បំពងក និងជំងឺមហារីកុមារ។ល។
ចែករំលែកព័តមាននេះ