សង្គ្រាមអ៉ីរ៉ង់ ៖ ទូរទស្សន៍រដ្ឋអ៉ីរ៉ងអះអាង នាថ្ងៃទី៥ មីនា ថា បណ្ដាដ្រូនរបស់កងឆ្មាំបដិវត្តន៍អ៉ីរ៉ង់បានវាយប្រហារនាវាផ្ទុកយន្តហោះអាមេរិក ABRAHAM LINCOLN ដែលដាក់ពង្រាយក្នុងតំបន់ឈូងសមុទ្រពែរ្ស៍…
សង្គ្រាមអ៉ីរ៉ង់ ៖ ទូរទស្សន៍រដ្ឋអ៉ីរ៉ងអះអាង នាថ្ងៃទី៥ មីនា ថា បណ្ដាដ្រូនរបស់កងឆ្មាំបដិវត្តន៍អ៉ីរ៉ង់បានវាយប្រហារនាវាផ្ទុកយន្តហោះអាមេរិក ABRAHAM LINCOLN ដែលដាក់ពង្រាយក្នុងតំបន់ឈូងសមុទ្រពែរ្ស៍ ចាប់តាំងពីដំណាច់ខែមករាមក ។
ទូរទស្សន៍នោះ មិនបានផ្ដល់ការបញ្ជាក់ថែមទៀតឡើយក្នុងដំណាក់កាលនេះ។ កាលពីថ្ងៃទី២មីនាកងឆ្មាំបដិវត្តន៍ធ្លាប់បានអះអាងពីការវាយប្រហារនាវាផ្ទុកយន្តហោះនោះជាមួយមីស៊ីល៤គ្រាប់ តែទីបញ្ជាការដ្ឋានយោធាអាមេរិកនៅមជ្ឈឹមបូព៌ាបានបដិសេធថា នោះជាការភូតកុហក ។
មុននេះ កងឆ្មាំបដិវត្តន៍អ៉ីរ៉ង់អះអាងថា បានវាយប្រហារនាវាដឹកប្រេងអាមេរិកមួយគ្រឿងក្នុងឈូងសមុទ្រពែរ្ស៍ ចំណែកស្នូរផ្ទុះនានាបន្តលាន់ឮក្នុងបណ្ដារដ្ឋធានីនៃប្រទេសជាច្រើនក្នុងតំបន់។ កងឆ្មាំបដិវត្តន៍អ៉ីរ់ង់ក៏អះអាងដែរ នាថ្ងៃទី៥ មីនា វាយប្រហារព្រលានយន្តហោះអន្តរជាតិ BEN GOURION អ៉ីស្រាអែល និងមូលដ្ឋានអាកាសចរណ៍មួយក្នុងតំបន់នោះ។
ចំណែកបណ្ដាមីស៊ីលធុនធ្ងន់KHORRAMSHAHR – 4 ដែលផ្ទុកក្បាលគ្រាប់ទម្ងន់១តោន ត្រូវបានបាញ់ចេញនាព្រឹកព្រលឹមថ្ងៃទី៥មីនា ទៅកាន់កណ្ដាលក្រុងតែលអាវីវ ព្រលានយន្តហោះBEN GOURION និងមូលដ្ឋានកងយន្តហោះទី២៧ នែកងទ័ពអាកាសអ៉ីស្រាអែល ស្ថិតក្នុងព្រលានយន្តហោះនោះ។ នេះបើតាមសេចក្ដីប្រកាសមួយចេញផ្សាយដោយទីភ្នាក់ងារព័ត៌មានអ៉ីរ៉ង់TASNIM ។
មុននេះក្រសួងដឹកជញ្ជូនអ៉ីស្រាអែលប្រកាសពីការចុះចតនៃយន្តហោះ២គ្រឿងដែលដឹកពលរដ្ឋ
អ៉ីស្រាអែលប្រមាណ៣៤០នាក់វិលត្រឡប់មកប្រទេសវិញ ។ ព្រលានយន្តហោះនោះត្រូវបានបិទតាំងពីចាប់ផ្ដើមការវាយលុកលើអ៉ីរ៉ង់មក ដែលមកទល់ពេលនេះនៅតែបិទសម្រាប់យន្តហោះពាណិជ្ជកម្ម។
ចំណែកប្រទេសរុស្ស៊ីវិញគូសបញ្ជាក់នាថ្ងៃទី៥មីនាថា អ៉ីរ៉ង់ជាសម្ព័ន្ធមិត្តជិតស្និទ្ធមិនសើ្នសុំជំនួយយោធាពីខ្លួនឡើយ ។ ពេលឆ្លើយតបសំនួរដែលសួរថា តើរុស្ស៊ីមានបំណងផ្ដល់អាវុធដល់អ៉ីរ៉ង់ដែរទេ អ្នកនាំពាក្យវិមានក្រឹមឡាំងលោកឌីមីឌ្រីប៉េស្កូវអះអាងថា ពុំមានការស្នើសុំជំនួយយោធាពី
អ៉ីរ៉ង់ឡើយ ៕ ប្រភព៖ fr.news.yahoo.com
ចែករំលែកព័តមាននេះ