រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា កម្ពុជាត្រូវបានជនបរទេសធ្វើជាកន្លែងប្រព្រឹទ្ធបទល្មើសអនឡាញ ប៉ុន្តែកម្ពុជាបានធ្វើការបោសសម្អាឲ្យអស់ ដោយស្នើឲ្យអាជ្ញាធររាជធានី-ខេត្ត…
រាជធានីភ្នំពេញ ៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា កម្ពុជាត្រូវបានជនបរទេសធ្វើជាកន្លែងប្រព្រឹទ្ធបទល្មើសអនឡាញ ប៉ុន្តែកម្ពុជាបានធ្វើការបោសសម្អាឲ្យអស់ ដោយស្នើឲ្យអាជ្ញាធររាជធានី-ខេត្ត ត្រូវធ្វើការសហការគ្នាធ្វើរួមគ្នា ដើម្បីធ្វើឲ្យ ឲ្យផ្ទះ «យើងស្អាតទាំងអស់គ្នា» ។
សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់នៅក្នុងពិធីបិទ “បិទសន្និបាតបូកសរុបលទ្ធផលការងារ ឆ្នាំ២០២៥ និងលើកទិសដៅការងារឆ្នាំ២០២៦ របស់អាជ្ញាធរ ជាតិប្រយុទ្ធប្រឆាំងគ្រឿងញៀន” រសៀលថ្ងៃទី០៦ ខែមីនា ឆ្នាំ២០២៦ យ៉ាងដូច្នេះថា ៖
កិច្ចការងារនេះ ត្រូវបានធ្វើរួមគ្នា មានស្នងការរាជធានី-ខេត្ត ធ្វើរួមគ្នា និងកងកម្លាំង រួមជាមួយ ប្រជាជនក្នុងការចូលរួមលុបបំបាត់ប្រយុទ្ធប្រឆាំងបទល្មើសអនឡាញ ។
សម្តេចបវរធិបតី បានលើ់កឡើងថា យើងសម្អាត បទល្មើស មិនមែនជាយើងធ្វើការបង្ក្រាប ជាការបង្ក្រាបតែនេះ ជាការសម្អាត ហើយបង្ក្រាប ធ្វើឲ្យសម្អាត ថែឲ្យស្អាតកុំឲ្យប្រទេសយើងគ្មានសណ្តាប់ធ្នាប់ ប៉ះពាល់ ដល់សេដ្ឋកិច្ចសង្គមរបស់យើង ។
សម្តេចបវធិបតី នាយករដ្ឋមន្ត្រី បានគូសបញ្ជាក់ថា ៖ «នេះជាការប្តេជ្ញាចិត្តរបស់យើង ធ្វើជាមួយគ្នាបន្តទៀត។ លទ្ធផលយ៉ាងណាបងប្អូនអាចអង្គុយធ្វើការវាយតម្លៃ រាជរដ្ឋាភិបាលមិនបន្ទោសនោះទេ។ យើងគ្មានពេលបង្ហាញទេ តែយើងចាំលទ្ធផលតែម្តង ប៉ុន្តែអ្វីដែលសំខាន់ នោះ គឺជាការប្តេជ្ញាចិត្តរបស់យើង គឺអនុវត្តជារៀងរហូត ដើម្បីកុំសកម្មភាពនេះប៉ះពាល់ដល់ប្រទេសទេសជាតិរបស់យើង ។
សម្តេចធិបតី នាយករដ្ឋមន្ត្រី បានបន្តថា ៖ «បញ្ហាហ្គេមអនឡាញ មិនមែនជាបញ្ហាសម្រាប់កម្ពុជា តែមួយទេ បើយើងមើលបណ្តាប្រទេសទូទៅ មានច្រើន។«…» មិនផ្តោតលើប្រទេសគេនោះទេ តែអ្វីដែលសំខាន់ គឺយើងផ្តោតលើកម្ពុជា ! សំណួរសួរថា តើកម្ពុជាមានឬអត់ យើងទទួលស្គាល់ថា មាន! ហើយសួរថា កម្ពុជាបានធ្វើកិច្ចការងារបង្ក្រាបរឿងនេះអត់ ? យើងឆ្លើយថា យើងបានធ្វើ ហើយសួរថា អស់ឬនៅ ? យើងថា មិនទាន់អស់នោះទេ! ហើយយើងទទួលស្គាល់ថា យើងនឹងខិតខំធ្វើការបង្ក្រាបរឿងនេះបន្តទៀត» ។
សម្តេចបវរធិបតី បានបន្ថែម កម្ពុជានឹងធ្វើការបង្ក្រាបហ្គេមអនឡាញបន្តទៀត ព្រោះថា ករណីហ្គេមអនឡាញនេះ មិនមែនជារឿងមួយដែលពាក់ព័ន្ធតែកម្ពុជានោះទេ។ ដោយសារការប្រព្រឹត្តិនៅកម្ពុជា មានការប្រទាក់ក្រឡាគ្នា ជាមួយជនរងគ្រោះនៅក្រៅប្រទេស ។
សម្តេចធិបតី បានសង្កត់ធ្ងន់ថា ៖ «អ៊ីចឹងបានខ្ញុំចេះតែថា កន្លែងយើងបាន ត្រូវបានជនបរទេសមួយចំនួនមកប្រើប្រាស់ ដើម្បីឆបោកជនបរទេសផ្សេងទៀត ។ ដែលចំណុចនេះជាប់ឈ្មោះកម្ពុជា។ តែចំណុចនេះ យើងទទួលស្គាល់ តែយើងត្រូវតែពង្រឹងច្បាប់ កម្ពុជាត្រូវតែអនុវត្ត កុំឲ្យគេមកយើងផ្ទះយើងទៀត។ ឲ្យគេទៅយកទីណាទៅចុះ! អ៊ីចឹង អ្វីដែលសំខាន់ គឺការខិតខំប្រឹងប្រែង និងអនុវត្តរបស់យើងបន្តទៀត» ៕
ចែករំលែកព័តមាននេះ