រាជធានីភ្នំពេញ ៖ មានករណីឆេះរ៉ឺម៉កម៉ូតូ១គ្រឿង ខណៈពេលម្ចាស់បើកចូលទៅចាក់សាំងត្រូវបានបុគ្គលិកស្ថានីយ៍ប្រេងនាំគ្នាជួយបាញ់ពន្លត់ទាន់ពេលវេលា មិនមានមនុស្សរងរបួស ។ ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៧និង៣០នាទីយប់ ថ្ងៃទី២២ ខែតុលា…
រាជធានីភ្នំពេញ ៖ មានករណីឆេះរ៉ឺម៉កម៉ូតូ១គ្រឿង ខណៈពេលម្ចាស់បើកចូលទៅចាក់សាំងត្រូវបានបុគ្គលិកស្ថានីយ៍ប្រេងនាំគ្នាជួយបាញ់ពន្លត់ទាន់ពេលវេលា មិនមានមនុស្សរងរបួស ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៧និង៣០នាទីយប់ ថ្ងៃទី២២ ខែតុលា ឆ្នាំ២០២៥ នៅស្ថានីយ៍ប្រេងឥន្ទនៈ១កន្លែង ស្ថិតក្រោមស្ពានអាកាសផ្សារដីហុយ ក្នុងមូលដ្ឋានសង្កាត់ទឹកថ្លា ខណ្ឌសែនសុខ រាជធានីភ្នំពេញ។
យោងតាមប្រភពពីកន្លែងកើតហេតុ បានឲ្យដឹងថា មុនពេលកើតហេតុ មានបុរសម្នាក់ បើករ៉ឺម៉កចូលទៅចាក់សាំង នៅចំណុចស្ថានីយ៍ប្រេងឥន្ទនៈស៊ូគីមិច ដោយពេលកំពុងចាក់សាំង ស្រាប់តែរ៉ឺម៉កគាត់មានការឆាបឆេះតែម្តង ដោយមិនដឹងមូលហេតុ ។
អ្នកឃើញហេតុការណ៍បានបន្តថា ភ្លាមៗនោះម្ចាស់រ៉ឺម៉ក ក៏បានរុញរ៉ឺម៉ករបស់ខ្លួនទាំងឆេះ អោយឆ្ងាយពីស្ថានីយ៍ប្រេង បន្ទាប់មកបុគ្គលិកស្ថានីយ៍ ក៏បាននាំគ្នា យកបំពង់ឧស្ម័នពន្លត់អគ្គិភ័យ ធ្វើការបាញ់ពន្លត់ទាន់ពេលវេលា ផងដែរ។
គួរបញ្ជាក់ថា ហេតុការណ៍ឆេះនេះ មិនបានបង្ករបួសស្នាម ដល់នរណាម្នាក់នោះទេ ។ ក្រោយកើតហេតុ ម្ចាស់រ៉ឺម៉កក៏បានយកយានជំនិះរបស់ខ្លួន ទៅជួសជុលដោយខ្លួនឯង៕
ចែករំលែកព័តមាននេះ