រាជធានីភ្នំពេញ ៖ ឃ្លាំងស្តុកទំនិញគ្រប់ប្រភេទនៅស្ពានលេខ៤ ភូមិបាក់ខែង សង្កាត់ព្រែកលៀប ខណ្ឌជ្រោយចង្វារត្រូវបានអគ្គិភ័យឆាប់ឆេះយ៉ាងសន្ធោសន្ធៅអស់ជាច្រើនម៉ោងបណ្ដាលអោយឃ្លាំងជាច្រើនរងការខូចខាតស្ទើរ តែទាំងស្រុង។ ហេតុការណ៍អគ្គីភ័យនេះបានកើតឡើងកាលពីវេលាម៉ោង១០និង៥នាទី ព្រឹកថ្ងៃទី ១៩…
រាជធានីភ្នំពេញ ៖ ឃ្លាំងស្តុកទំនិញគ្រប់ប្រភេទនៅស្ពានលេខ៤ ភូមិបាក់ខែង សង្កាត់ព្រែកលៀប ខណ្ឌជ្រោយចង្វារត្រូវបានអគ្គិភ័យឆាប់ឆេះយ៉ាងសន្ធោសន្ធៅអស់ជាច្រើនម៉ោងបណ្ដាលអោយឃ្លាំងជាច្រើនរងការខូចខាតស្ទើរ តែទាំងស្រុង។
ហេតុការណ៍អគ្គីភ័យនេះបានកើតឡើងកាលពីវេលាម៉ោង១០និង៥នាទី ព្រឹកថ្ងៃទី ១៩ ខែមេសាឆ្នាំ២០២៦នេះហើយរថយន្តពន្លត់អគ្គិភ័យជាច្រើនគ្រឿងបានទៅអន្តរាគមន៍បាញ់ពន្លត់អស់ជាច្រើនម៉ោង។
តាមព័ត៌មានបានឲ្យដឹងថា នៅមុនពេលកើតហេតុគេឃើញភ្លើងបានឆាប់ចេះចេញពីឃ្លាំងស្តុបទំនិញមួយនៅក្នុងចំណោមឃ្លាំងជាច្រើនទៀតនៅជាប់ៗគ្នាយ៉ាងសន្ធោសន្ធៅនិងឆេះរាលដាលយ៉ាងឆាប់រហ័ស។
នៅព្រឹកនោះ គេឃើញផ្សែងហ៊ុយខ្មួលខ្មាញ់ទៅលើអាកាសបង្កឲ្យមានការភ្ញាក់ផ្អើលស្ទើរមួយជំហៀងរាជធានីភ្នំពេញហើយនៅតាមផ្លូវជាតិលេខ៦ អានិងតាមដងផ្លូវនានានៅក្នុងរាជធានីភ្នំពេញគេឮសូរតែសំឡេងរថយន្តពន្លត់អគ្គិភ័យចេញទៅអន្តរាគមន៍បាញ់ពន្លត់។
តាមព័ត៌មានបានឲ្យដឹងថា នៅវេលាម៉ោងប្រមាណជិត ២ រសៀលភ្លើងពុំទាន់រលត់នៅឡើយហើយសមត្ថកិច្ចនៅតែបន្តបាញ់ពន្លត់។
តាមព័ត៌មានបឋម នគរបាលបានអោយដឹងថា ឃ្លាំង ស្តុកទំនិញ រួមមានថ្នាំលាប ប្រេងឆា ភេសជ្ជៈ ទឹកត្រីចំនួន៤អគារ ត្រូវបានអគ្គីភ័យឆាប់ឆេះរងការខូចខាតទាំងស្រុង។
ទោះបីជាយ៉ាងណាគេពុំទាន់ដឹងពីមូលហេតុដែលនាំអោយកើតមានអគ្គិភ័យនេះឡើយ។ បើតាមព័ត៌មានខ្លះថា បណ្តាលមកពីឆ្លងចរន្តអគ្គិសនី៕
ចែករំលែកព័តមាននេះ