ADផ្ទាំងផ្សព្វផ្សាយពាណិជ្ជកម្ម

Picture

​ចូលឆ្នាំ៣ថ្ងៃ! ខេត្តសៀមរាប ទទួល​បាន​ភ្ញៀវ​ទេស ចរ​ជាតិ អន្តរជាតិ​ ជាង១​លាន ៨​សែន​នាក់​

3 ថ្ងៃ មុន
  • សៀមរាប

​ខេត្តសៀមរាប ៖ ក្នុងរយៈពេល៣ថ្ងៃ នា​ឱកាសបុណ្យចូលឆ្នាំថ្មីប្រពៃណីជាតិខ្មែរ ជាពិសេសព្រឹត្តិការណ៍សៀមរាបសង្ក្រាន្ត ខេត្តសៀមរាប ទទួលបានភ្ញៀវទេសចរជាតិ និងអន្តរជាតិ ដែលមកលេងកម្សាន្តនៅក្នុងខេត្តប្រមាណជាង១លាន៨សែននាក់ ។​…

​ខេត្តសៀមរាប ៖ ក្នុងរយៈពេល៣ថ្ងៃ នា​ឱកាសបុណ្យចូលឆ្នាំថ្មីប្រពៃណីជាតិខ្មែរ ជាពិសេសព្រឹត្តិការណ៍សៀមរាបសង្ក្រាន្ត ខេត្តសៀមរាប ទទួលបានភ្ញៀវទេសចរជាតិ និងអន្តរជាតិ ដែលមកលេងកម្សាន្តនៅក្នុងខេត្តប្រមាណជាង១លាន៨សែននាក់ ។​

យោង​តាម​របាយការណ៍​របស់​មន្ទីរ​ទេសចរណ៍​ខេត្តសៀមរាប បាន​បង្ហាញ​ថា រយៈពេល​៣​ថ្ងៃ នៃ​ពិធី​បុណ្យចូលឆ្នាំ​ថ្មី​ប្រពៃណី​ជាតិខ្មែរ ចាប់ពី​ថ្ងៃ​ទី​១៤-១៦ ខែមេសា ឆ្នាំ​២០២៦  ចំនួន​ភ្ញៀវ​ទេសចរ​ជាតិ​-​អន្តរជាតិ និង​បងប្អូន​ប្រជា ពលរដ្ឋ​ដើរ​លេង​កម្សាន្ត មក ពី​គ្រប់ ខេត្ត ក្រុង ក្នុង​ខេត្តសៀមរាប​មាន​ចំនួន​ប្រមាណ ១​លាន​៨៤២​ពាន់​៤៣០​នាក់ ក្នុង​នោះ ទេស ចរ​ជាតិ និង បងប្អូន​ប្រជាពលរដ្ឋ មាន​ចំនួន​ជាង ១​លាន ៨៣​ម៉ឺន​នាក់ និង ភ្ញៀវ​ទេសចរ​បរទេស មាន​ចំនួន ៥​ពាន់​៤៣៨ នាក់​។

សូម​ជម្រាប​ថា ព្រឹត្តិការណ៍​សៀមរាប​សង្ក្រាន្ត​ឆ្នាំ​២០២៦​នេះ ប្រារព្ធ​ធ្វើ​ឡើង​រយៈពេល​៤​ថ្ងៃ ពី​ថ្ងៃ​ទី​១៣ ដល់​ថ្ងៃ​ទី​១៦ ខែមេសា ឆ្នាំ​២០២៦ ដើម្បី​អបអរសាទរ បុណ្យចូលឆ្នាំ​ថ្មី​ប្រពៃណី​ជាតិខ្មែរ ។ ក្នុង​ព្រឹត្តិការណ៍​នេះ មានការ​រៀបចំ​កម្មវិធី​ជា​ច្រើន រួម​មាន​ពិធី​សាសនា កម្មវិធី​តាំង​បង្ហាញ​វត្ថុ​សិល្បៈ​នានា និង​កម្មវិធី​កម្សាន្ត​ជា​ច្រើន​ផង​ដែរ ជា​ពិសេស ការ​ប្រណាំងទូក​ផ្កាចារ ទូក​នាគ និង​ទូក​-​ង លក្ខណៈ​មិត្តភាព នៅ​ដងស្ទឹង​សៀមរាប បាន​ក្លាយជា​ផ្ទាំង​ទស្សនី​ភាព​មួយ ដែល​មាន​ភាព​ទាក់ទាញ ភ្ញៀវ​ទេសចរ​ជាតិ និង​អន្តរជាតិ អញ្ជើញ​មក​ទស្សនា​កម្សាន្ត​ឲ្យ​បាន​ច្រើន​កុះករ​  ។​ 

ក្រៅពី​ការ​កម្សាន្ត​នៅ​សៀមរាប​សង្ក្រាន្ត ក្នុង​ក្រុង​សៀមរាប បងប្អូន​ប្រជាពលរដ្ឋ ភ្ញៀវ​ទេស ចរណ៍​ជាតិ អន្តរជាតិ បាន​អញ្ជើញ​ទៅ​ទស្សនា​កម្សាន្ត​នៅ​តាម រមណីយដ្ឋាន​វប្បធម៌ ប្រាង្គ​ប្រាសាទ​នានា រមណីយដ្ឋាន​ធម្មជាតិ ភ្នំ​គូលែន និង រមណីយដ្ឋាន​កែ​ច្នៃ ដែល​មាននៅ​ក្នុងភូមិ សាស្ត្រ​ខេត្តសៀមរាប​ទៀត​ផង ៕

អត្ថបទសរសេរ ដោយ

កែសម្រួលដោយ