សង្គ្រាមអ៊ុយក្រែន ៖ បន្ទាប់ពីការវាយប្រហារដ៏បង្ហូរឈាមរបស់អ៊ុយក្រែន លើតំបន់រុស្ស៊ីកាន់កាប់បណ្ដាលឲ្យមនុស្សច្រើននាក់ស្លាប់ រុស្ស៊ីកាលពីយប់ថ្ងៃទី២៣ មក ២៤ ឧសភា បានវាយប្រហារខ្លាំងក្លាបំផុតលើរដ្ឋធានីអ៊ុយក្រែន ដែលតាមអាជ្ញាធរមូលដ្ឋានថា…
សង្គ្រាមអ៊ុយក្រែន ៖ បន្ទាប់ពីការវាយប្រហារដ៏បង្ហូរឈាមរបស់អ៊ុយក្រែន លើតំបន់រុស្ស៊ីកាន់កាប់បណ្ដាលឲ្យមនុស្សច្រើននាក់ស្លាប់ រុស្ស៊ីកាលពីយប់ថ្ងៃទី២៣ មក ២៤ ឧសភា បានវាយប្រហារខ្លាំងក្លាបំផុតលើរដ្ឋធានីអ៊ុយក្រែន ដែលតាមអាជ្ញាធរមូលដ្ឋានថា បណ្ដាលឲ្យមនុស្សស្លាប់យ៉ាងតិច៤នាក់។ ចំណែកប្រធានាធិបតីអ៊ុយក្រែនលោកវ៉ូឡូឌីមៀរហ្សេឡានស្គី រៀបរាប់ពីមនុស្ស៨៣នាក់រងរបួស ។
ការវាយប្រហារនោះ កើតមានបន្ទាប់ពីអ៊ុយក្រែនវាយប្រហារសាលាវិទ្យាល័យមួយក្នុងតំបន់រុស្ស៊ីកាន់កាប់ បណ្ដាលឲ្យមនុស្ស១៨នាក់ស្លាប់ ហើយលោកពូទីនសន្យាពីការតបតវិញ។ ការវាយប្រហារតបតខ្លាំងក្លាបំផុតនោះពុំធ្លាប់មានលើរដ្ឋធានីអ៊ុយក្រែន ធ្វើឲ្យរង្គើរដល់បណ្ដាអគារក្នុងសង្កាត់នានាកណ្ដាលរដ្ឋធានី រហូតដល់បណ្ដាតំបន់ជុំវិញ។ ការវាយបប្រហារបន្តរហូតដល់ពេលព្រឹកខណៈមីស៊ីល និងដ្រូនថ្មីៗនៅតែហោះសំដៅក្រុងគៀវ ។ ការខូចខាតកត់សម្គាល់ឃើញយ៉ាងតិចក្នុងខណ្ឌ៩នៃរដ្ឋធានីប៉ះពាល់ ជាពិសេស បណ្ដាអគារស្នាក់នៅ ។
អភិបាលក្រុងគៀវលោកវីតាលីគ្លីតស្កូគូសបញ្ជាក់ថា នៅខណ្ឌឆេវឆេនកូ ការវាយប្រហារបណ្ដាលឲ្យអគារមួយរងការខូចខាត ដែលនៅខណ្ឌនោះមនុស្សជាច្រើនបានភៀសខ្លួនចេញ។ អាជ្ញាធរក៏រៀបរាប់ដែរ ពីការខូចខាតប៉ះពាល់ ដល់បណ្ដាផ្សារទំនើប និងបណ្ដាឃ្លាំងស្តុកក្នុងតំបន់ផ្សេងៗនៃរដ្ឋធានី។
កងទ័ពអ៊ុយក្រែនរាយការណ៍ថា កងទ័ពរុស្ស៊ីបានប្រើដ្រូនប្រភេទផ្សេងៗ៦០០គ្រឿង និងមីស៊ីល៩០គ្រាប់ ក្នុងនោះមានមីស៊ីលបាលីស្ទិករយៈមធ្យមមួយគ្រាប់ដោយបន្តថា មីស៊ីល៥៥គ្រាប់ និងដ្រូន៥៤៩គ្រឿង ត្រូវស្ទាក់កម្ទេច។ ប្រធានាធិបតីអ៊ុយក្រែនអះអាង នាថ្ងៃទី២៤ ឧសភាថា រុស្ស៊ីបានប្រើមីស៊ីលលឿនជាងសំឡេងORECHNIK មានសមត្ថភាពនុយក្លេអ៊ែរប្រឆាំងអ៊ុយក្រែន ក្នុងការវាយប្រហារនាពេលយប់ដ៏ខ្លាំងក្លា និងដ៏បង្ហូរឈាម ។ តាមតេឡេក្រាមលោកថ្លែងថា មីស៊ីល
រុស្ស៊ី៣គ្រាប់វាយប្រហារហេដ្ឋារចនាសម្ព័ន្ធផ្គត់ផ្គង់ទឹកមួយ ផ្សារមួយត្រូវភ្លើងឆេះ និងអគារស្នាក់នៅច្រើនសិបរងការខូចខាតក៏ដូចជាសាលារៀនជាច្រើន។
ក្រសួងការពារប្រទេសរុស្ស៊ីអះអាងពីការវាយប្រហារដោយមីស៊ីលORECHNIKថា ជាការតប
តចំពោះការវាយប្រហាររបស់អ៊ុយក្រែនប្រឆាំងបណ្ដាហេដ្ឋារចនាសម្ព័ន្ធស៊ីវិលក្នុងដែនដីរុស្ស៊ី ។
មីស៊ីលនោះ ត្រូវបានវាយប្រហារលើទីក្រុងBILA TSERKVAចម្ងាយ៨០គីឡូម់ែត្រខាងត្បូងក្រុងគៀវ ៕
ចែករំលែកព័តមាននេះ