ខេត្តស្ទឹងត្រែង ៖ សពយុវជនម្នាក់ត្រូវគេប្រទះឃើញកាលពីវេលាម៉ោង៥និង១៩នាទីព្រឹក ថ្ងៃទី២៩ មីនា ២០១៤ ក្នុងសាលាបឋមសិក្សាស្ទឹងត្រែងក្រុង ស្ថិតក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ។
លោកវរសេនីយ៍ទោ ដួង ស៊ីវត្ថា នាយការិយាល័យព្រហ្មទណ្ឌកំរិតធ្ងន់នៃស្នងការនគរបាលខេត្ត បានឱ្យដឹងថា ជនរងគ្រោះដែលត្រូវបានជនសង្ស័យវាយ
ខេត្តស្ទឹងត្រែង ៖ សពយុវជនម្នាក់ត្រូវគេប្រទះឃើញកាលពីវេលាម៉ោង៥និង១៩នាទីព្រឹក ថ្ងៃទី២៩ មីនា ២០១៤ ក្នុងសាលាបឋមសិក្សាស្ទឹងត្រែងក្រុង ស្ថិតក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ។
លោកវរសេនីយ៍ទោ ដួង ស៊ីវត្ថា នាយការិយាល័យព្រហ្មទណ្ឌកំរិតធ្ងន់នៃស្នងការនគរបាលខេត្ត បានឱ្យដឹងថា ជនរងគ្រោះដែលត្រូវជនសង្ស័យវាយ និងចាក់ដោយកាំបិតចុងស្រួចស្លាប់ខាងលើឈ្មោះមាស ជំរើន ភេទប្រុសចរិតស្រី អាយុ២៣ឆ្នាំ ជាអ្នកកែសម្ផស្ស មានទីលំនៅក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង ។
លោកវរសេនីយ៍ទោបានបន្តឱ្យដឹងទៀតថា នៅយប់កើតហេតុជនរងគ្រោះបានទៅចូលរួមក្នុងពិធីមង្គលការគេ ក៏បាត់រហូតមិនឃើញមកផ្ទះ ក្រុមគ្រួសារបានដើររកដល់ម៉ោង២រំលងអធ្រាត្រនៅតែមិនឃើញ ។ លុះព្រឹកឡើងស្រាប់តែឮថា អ្នកលក់បបរក្នុងសាលារៀនប្រទះឃើញជនរងគ្រោះដេកស្លាប់ និងបានរាយការណ៍ឱ្យសមត្ថកិច្ចចុះមកត្រួតពិនិត្យ ។
តាមការពិនិត្យជាក់ស្តែង សាកសពមានស្លាកស្នាមចំនួន៨កន្លែង ៣កន្លែងមានស្នាមកកិត និង៥កន្លែងទៀតមុតដោយកាំបិតចុងស្រួចចាក់ទៅលើពោះបណ្តាលឱ្យធ្លាយពោះវៀនស្លាប់ ។
លោកវរសេនីយ៍ទោ អ៊ុក មឿន នាយការិយាល័យបច្ចេកទេស និងវិទ្យាសាស្ត្របានឱ្យដឹងដែរថា ក្រោមការពិនិត្យទៅតាមបច្ចេកទេសជំនាញ ករណីនេះ ជាករណីឃាតកម្មគិតទុកជាមុនដែលអាចកើតឡើងដោយសាររឿងគំនុំ ។
បច្ចុប្បន្នសមត្ថកិច្ចកំពុងស្រាវជ្រាវស៊ើបអង្កេតទៅតាមជំនាញរបស់ខ្លួន ដើម្បីស្វែងរកឃាតករយកមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ