ខេត្តបាត់ដំបង ៖ សំណុំរឿងស្ទាក់ប្លន់រថយន្តដឹកឈើគ្រញូង ឬអាចហៅបានថា ជារឿង ពាលស៊ីពាល ដែលបង្កឡើងដោយជនមិនស្គាល់មុខមួយក្រុមកាលពីរាត្រីថ្ងៃចន្ទដើមសប្តាហ៍មុននៅក្នុងស្រុកសង្កែនៅតែងងឹតឈឹងគ្មានតម្រុយឡើយ ខណៈដែលភាគីរងគ្រោះមិនហ៊ានចេញមុខដាក់ពាក្យបណ្តឹងតាមផ្លូវច្បាប់។ នេះបើតាមការបញ្ជាក់ប្រាប់ពីសមត្ថកិច្ច។
ខេត្តបាត់ដំបង ៖ សំណុំរឿងស្ទាក់ប្លន់រថយន្តដឹកឈើគ្រញូង ឬអាចហៅបានថា ជារឿង ពាលស៊ីពាល ដែលបង្កឡើងដោយជនមិនស្គាល់មុខមួយក្រុមកាលពីរាត្រីថ្ងៃចន្ទដើមសប្តាហ៍មុននៅក្នុងស្រុកសង្កែនៅតែងងឹតឈឹងគ្មានតម្រុយឡើយ ខណៈដែលភាគីរងគ្រោះមិនហ៊ានចេញមុខដាក់ពាក្យបណ្តឹងតាមផ្លូវច្បាប់។ នេះបើតាមការបញ្ជាក់ប្រាប់ពីសមត្ថកិច្ច។
លោកជេត វណ្ណនី ស្នងការរងខេត្តបានប្រាប់កោះសន្តិភាពនៅព្រឹកថ្ងៃទី៣០ មីនា ២០១៤ នេះថា កម្លាំងជំនាញបានបើកការស៊ើបអង្កេតច្រើនថ្ងៃហើយលើករណីនេះ ប៉ុន្តែនៅមិនទាន់មានតម្រុយណាមួយស្តីពីករណីប្លន់ រថយន្តដឹកឈើគ្រញូង ឬអាចហៅបានថា ជាករណីពាលស៊ីពាល នេះទេ ដោយសារតែម្ចាស់រថយន្តដែលអះអាងថា ខ្លួនជាជនរងគ្រោះមិនហ៊ានចេញមុខដាក់ពាក្យបណ្តឹង។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
គួររំលឹកថា បុរសម្នាក់ឈ្មោះហេង មករា បានប្រាប់អ្នកយកព័ត៌មានថា រថយន្តរបស់លោកម៉ាកកាមរីឆ្លាមពណ៌ស ត្រូវជនមិនស្គាល់មុខមួយក្រុមជិះរថយន្តម៉ាកកាមរីបាឡែនចំនួន២គ្រឿងដេញតាមស្ទាក់ប្លន់កាលពីវេលាម៉ោងជាង២រំលងអធ្រាត្រឈានចូលថ្ងៃទី២៤ មីនា ២០១៤ នៅលើផ្លូវជាតិលេខ៥ត្រង់ចន្លោះផ្លូវចូលទួលម្កាក់ និងអូស្តាស់ ក្នុងភូមិស្រះកែវ ឃុំកំពង់ព្រះ ស្រុកសង្កែ។
លោកហេង មករា បានបញ្ជាក់ថា ក្រុមសង្គមងងឹតបានស្ទាក់ប្លន់រថយន្តរបស់លោក ខណៈដែលប្អូនប្រុសរបស់លោកឈ្មោះស្រ៊ាង បើកម្នាក់ឯងចេញពីខេត្តបាត់ដំបងឆ្ពោះទៅភ្នំពេញ តែលោកមិនបានបញ្ជាក់ថា រថយន្តនោះមានដឹកឈើគ្រញូងទេ ។ ជាមួយគ្នានេះឈ្មោះស្រ៊ាងត្រូវបានប្រភពស្រង់សម្តីថា រថយន្តរបស់ខ្លួនដឹកឈើគ្រញូងចេញពីខេត្តបាត់ដំបងទៅភ្នំពេញ៕
ចែករំលែកព័តមាននេះ